Iovani 8:17 - Rapa Nui

¹⁷ ꞌI te haka tere iŋa o kōrua e hāꞌaki rō ꞌā: mo ai hoko rua mataꞌite kī i tū vānaŋa ꞌana, e hauhaꞌa rō ꞌana te rāua meꞌe kī.

Iovani 8:17 ပူးပေါင်းရင်းမြစ်များ

Māteo 18:16

ꞌE mo taꞌe haka roŋo atu, ka maꞌu e tahi ꞌo e rua taŋata ꞌi muri i a koe mo mataꞌite, mo haka tano ki te haka tere iŋa o te ꞌAtua pāpaꞌi e ⌊Mōtē⌋ pē nei ē: hai vānaŋa o te mataꞌite e rua ꞌo e toru he tī-tika te ture taꞌatoꞌa.

Iovani 10:34

He kī e Ietū: —ꞌI ruŋa i te ⌊Pāpaꞌi Moꞌa⌋ e hāꞌaki rō ꞌana te vānaŋa kī e te ꞌAtua ki te tētahi nuꞌu ra-rahi pē nei ē: “A kōrua he ꞌatua”.

Iovani 15:25

Hai oho iŋa nei o rāua e haka tano ena te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: “E maꞌu tahaŋa nō ꞌana i te riri mōꞌoku”.

2 Kōrinto 13:1

He toru ara nei ōꞌoku ka oho atu ena uꞌi i a kōrua. ꞌIna ko rehu: mo ai tāꞌue o te tātake ꞌi roto i a kōrua i te taina mo haka tī-tika ka tuꞌu atu ena a au, e ai e rua ꞌo e toru mataꞌite, pa he meꞌe kī ꞌi ruŋa i te ⌊Pāpaꞌi Moꞌa⌋.

Karatia 3:24

Mo tātou te haka tere iŋa ꞌa Mōtē pa he kope hāpaꞌo ŋā poki, haka tika i te tātou ara ꞌātā ki te tuꞌu iŋa mai o Ietū Kiritō, ki ai ai hora era ōꞌona ka tuꞌu mai ena he tano a tātou ki te mata o te ꞌAtua hai haka moe i te manaꞌu ꞌi ruŋa i a ia.

Karatia 4:21

Ka kī mai rā kōrua, e te nuꞌu haŋa mo maꞌu i te haka tere iŋa ꞌa Mōtē ē, ¿kai ŋaroꞌa ꞌana ꞌō e kōrua te meꞌe hāꞌaki ꞌi ruŋa i rā haka tere iŋa?

ꞌEvereo 10:28

ꞌI muꞌa ꞌā, taŋata nō era mo hape ki te haka tere iŋa ꞌa Mōtē, ꞌina he haka ꞌaroha, he haka ūtuꞌa hai mate ana ai e rua ꞌo e toru kope mataꞌite ko hape mau ꞌā a ia.

1 Iovani 5:9

Mo haka roŋo o tātou ki te meꞌe kī ꞌe mataꞌite e te taŋata, ¿pē hē ia a tātou ana taꞌe haka roŋo ki te vānaŋa kī e te ꞌAtua o ruŋa i tāꞌana poki era ko Ietū?

Meꞌe Haka Takeꞌa 11:3

E uŋa rō a au ki ira e rua mataꞌite e uru rō ꞌana i te kahu aŋa hai pūtē tore mo haka ꞌite i tāꞌaku roŋo ꞌi rā ŋā mahana taꞌatoꞌa». Pē ira i kī mai ai e te ꞌAtua.