Iovani 8:11 - Rapa Nui

¹¹ He pāhono e tū viꞌe era: —ꞌIna. He kī e Ietū: —ꞌIna takoꞌa a au e ko haka ūtuꞌa atu. Ka eꞌa koe ka oho, ꞌe ꞌina ko hara haka ꞌou.]

Iovani 8:11 ပူးပေါင်းရင်းမြစ်များ

Ruka 13:3

Taꞌe pē ira. A kōrua mau ena ꞌā, mo taꞌe huri o te manaꞌu ki te ꞌAtua, he mate ꞌe he haꞌataꞌa mau rō ꞌāvai mai muri i a ia.

Ruka 13:5

Taꞌe pē ira. A kōrua mau ena ꞌā, mo taꞌe huri o te manaꞌu ki te ꞌAtua, he mate ꞌe he haꞌataꞌa mau rō ꞌāvai mai muri i a ia».

Ruka 15:10

»ꞌĪ a au he kī atu: pē ira takoꞌa ꞌana ka koa ena te merahi o te ꞌAtua mo te kope hara huri o te manaꞌu ki te ꞌAtua».

Ruka 15:32

E tano nō ꞌā i aŋa nei i te ŋoŋoro mo koa o tātou ꞌo te hoki haka ꞌou mai o tuꞌu taina. A ia i tuꞌu rō pa he meꞌe ko mate ꞌā ꞌe ꞌī ko ora haka ꞌou mai ꞌana; ko ŋaro ꞌā ꞌe ꞌī ko ravaꞌa haka ꞌou mai ꞌana”».

Ruka 15:7

»ꞌĪ a au he kī atu: ꞌata hau rō atu te koa ꞌi te raŋi mo te taŋata hara e tahi huri i tōꞌona manaꞌu ki te ꞌAtua ki te iva ꞌahuru mā iva taŋata manaꞌu e tano rō ꞌana a rāua ki te mata o te ꞌAtua.

Ruka 5:32

A au i oho mai ai taꞌe ki te nuꞌu taꞌe hara; ki te nuꞌu hara a au i oho mai ai mo haka huri i te manaꞌu ki te ꞌAtua.

Ruka 9:56

I oti era he eꞌa ananake he oho ki te rua kona.

Iovani 18:36

He pāhono e Ietū: —Tōꞌoku haka tere iŋa taꞌe o te ao nei. ꞌĀhani o te ao nei, ko ai ꞌana tāꞌaku taŋata mo moto ki te ŋā hūrio ra-rahi ena mōꞌoku, ꞌo topa a au ꞌi te rāua rima. Tōꞌoku haka tere iŋa, e kī atu ena, taꞌe o te ao nei.

Iovani 3:17

Te ꞌAtua ꞌina kai uŋa i tāꞌana Poki ki te ao mo haka ūtuꞌa i te taŋata; i uŋa ai mo haka eꞌa i a rāua mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa.

Iovani 5:14

I oho era he piri haka ꞌou a Ietū ki rā kope ꞌi te ⌊Kona Haꞌamuri ꞌAtua⌋ ꞌe he kī: «Ka haka roŋo mai. Nā ko ora ꞌā tuꞌu māui-ui. ꞌIna koe ko hara haka ꞌou ꞌo topa atu te ꞌati ꞌata paŋahaꞌa».

Iovani 8:15

Hai manaꞌu taŋata a kōrua e kī ena i te tano ꞌe i te taꞌe tano ōꞌoku. ꞌE a au, ꞌina he kī i te tano ꞌe i te taꞌe tano o te taŋata.

Rōmano 2:4

ꞌIna koe he tapa atu i te riva rahi taꞌe pau o te ꞌAtua, tōꞌona haꞌaoromaꞌi iŋa, ꞌe tōꞌona huru haumārū mo tiaki mai. ꞌIna e koe he ꞌite: te ꞌAtua e haka takeꞌa atu ena i tōꞌona riva rahi ꞌi te haŋa ōꞌona mo huri ōꞌou i tuꞌu manaꞌu ki a ia.

1 Kōrinto 5:12

Taꞌe he meꞌe o tātou te kī i te meꞌe tano ꞌe i te meꞌe taꞌe tano o te nuꞌu taꞌe haka moe i te rāua manaꞌu ꞌi ruŋa i a Ietū; mo te ꞌAtua a rāua e kī. Ki te nuꞌu haka moe i te manaꞌu ꞌi ruŋa i a Ietū a tātou ana ture. ꞌO ira, e haka eꞌa mai roto i a kōrua te kope hara.

2 Pētero 3:15

E manaꞌu takoꞌa kōrua: te haumārū ena o te tātou Pūꞌoko Haka Tere ko Ietū Kiritō mo tiaki nō mai he rāveꞌa e tahi ꞌāꞌana mo eꞌa o tātou o te taŋata mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE o ruŋa i te meꞌe mau nei ꞌā i pāpaꞌi atu ai e Pauro, taina haŋa rahi ena o tātou, hai mārama-rama vaꞌai e te ꞌAtua.