Iovani 7:7 - Rapa Nui

⁷ Te taŋata o te ao nei ꞌina he riri mo kōrua; mōꞌoku e riri ena ꞌo te haka takeꞌa e au: te rāua meꞌe aŋa meꞌe taꞌe tano.

Iovani 7:7 ပူးပေါင်းရင်းမြစ်များ

Ruka 6:26

Ko te ꞌaroha i a kōrua mo haꞌahana-hana atu e te nuꞌu taꞌatoꞌa; te tupuna o rā nuꞌu i haꞌahana-hana takoꞌa rō pē ira ki te perofeta reo-reo.

Iovani 17:14

Ko haka ꞌite ꞌana e au ki a rāua i taꞌa vānaŋa, ꞌe te nuꞌu o te ao nei taꞌe haka moe i te manaꞌu ꞌi ruŋa i a au e maꞌu rō ꞌana i te riri mo rāua ꞌo te taꞌe ai haka ꞌou te nuꞌu nei o rāua, pa he taꞌe ai iŋa takoꞌa nei ōꞌoku o rāua.

Iovani 3:19

Te ꞌAtua ka haka ūtuꞌa ena i te taŋata ꞌo te meꞌe nei: i oho mai era te mōrī ki te ao, ꞌina kai haŋa e te taŋata. Te meꞌe i haŋa he pōhāhā, taꞌe he māꞌeha, ꞌo te ai te rāua meꞌe aŋa he meꞌe taꞌe tano.

Rōmano 8:7

Te nuꞌu haka tere i a rāua hai manaꞌu taŋata, he nuꞌu riri mo te ꞌAtua. Te nuꞌu nei ꞌina he haŋa mo haꞌatura ki te ⌊haka tere iŋa o te ꞌAtua haka pāpaꞌi ki a Mōtē⌋, ꞌe, takoꞌa, ꞌina mau ꞌā e ko ravaꞌa e rāua mo haꞌatura.

Karatia 4:16

ꞌE hora nei, ¿ko ai ꞌana a au he kope taꞌe haŋa o kōrua ꞌo te kī nō atu i te parautiꞌa?

Tanatiako 4:4

¡E te nuꞌu haka rehu i te ꞌAtua ē! ¿Kai ꞌite ꞌana ꞌō kōrua: te taŋata haŋa ki te haka tere iŋa o te ao nei he taŋata taꞌe haŋa ki te ꞌAtua? Te kope he repahoa o te ao nei he taŋata riri mo te ꞌAtua.

1 Iovani 4:5

A rāua o te ao nei. ꞌO ira e vānaŋa ena i te meꞌe o te ao nō nei, ꞌe te nuꞌu o te ao ki a rāua e haka roŋo ena.