Iovani 7:6 - Rapa Nui

⁶ He kī e Ietū: —Kai tano ꞌā tōꞌoku hora mo oho, ꞌe mo kōrua taꞌatoꞌa nō hora e tano rō ꞌā.

Iovani 7:6 ပူးပေါင်းရင်းမြစ်များ

Māteo 26:18

He pāhono e Ietū: —Ka oho ki Hērutarema, ki te hare o te kope ko ꞌite ꞌā e kōrua ko ai, ꞌai ka kī rō: «Te kī o te Maꞌori: “Ko hāhine ꞌana tōꞌoku hora. ꞌĪ a au he oho atu ki tuꞌu hare ananake ko tāꞌaku nuꞌu hāpī mo aŋa i te ŋoŋoro o te Pakate”».

Iovani 13:1

Te ⌊Pakate⌋ kai haꞌamata ꞌā, ꞌe a Ietū ko ꞌite era ꞌana ko tano ꞌā tōꞌona hora mo haka rē i te ao nei ꞌe mo hoki ki muri i tōꞌona Matuꞌa. Te aŋa ꞌāꞌana he haka takeꞌa he oho nō i tōꞌona haŋa ki tāꞌana nuꞌu, ꞌe pē ira i aŋa i oho ai ꞌātā ki te hopeꞌa.

Iovani 17:1

I oti era te kī i te ŋā meꞌe nei, he uꞌi a Ietū a te raŋi he kī: «E Koro, ko tano ꞌā te hora. Ka haka takeꞌa te pūai ꞌe te nui-nui o taꞌa Poki mo haka takeꞌa takoꞌa e ia i tuꞌu pūai ꞌe i tuꞌu nui-nui.

Iovani 2:4

He pāhono e Ietū: —E nua, ¿he aha koe e kī mai ena i te meꞌe ena? Kai tano ꞌana, paꞌi, tōꞌoku hora.

Iovani 7:30

He haŋa ia tū nuꞌu era mo ꞌa-ꞌaru i a Ietū, ꞌe, ꞌina e tahi o rāua i rao i ꞌa-ꞌaru ꞌo te ai kai tano ꞌana tōꞌona hora.

Iovani 7:8

Ka oho nō kōrua ki te ŋoŋoro. ꞌIna a au e ko oho vave atu; kai tano ꞌana tōꞌoku hora.

Iovani 8:20

Te meꞌe nei i kī ai e Ietū ꞌi te hora hāpī ꞌi te Kona Haꞌamuri ꞌAtua, hāhine ki te ꞌavahata haka rē moni. ꞌE, ꞌina e tahi nuꞌu i ꞌa-ꞌaru i a Ietū ꞌi te meꞌe era kai tano ꞌā tōꞌona hora.

Aŋa o te ꞌĀpōtoro 1:7

He pāhono e Ietū: —Taꞌe he meꞌe mo kōrua e ꞌite; i te Matuꞌa nō te parau mo kī i te hora ꞌe i te mahana o rā meꞌe.