Iovani 7:39 - Rapa Nui

³⁹ Hai meꞌe nei i haka ꞌite ai e Ietū e tuꞌu e noho rō te Vārua Maitai ꞌi roto i te nuꞌu haka moe i te manaꞌu ꞌi ruŋa i a ia; te meꞌe nō, ꞌi rā hora kai uŋa hia ꞌana e te ꞌAtua i te Vārua Maitai ꞌi te meꞌe era kai hoki ꞌana a Ietū ki te raŋi.

Iovani 7:39 ပူးပေါင်းရင်းမြစ်များ

Māteo 16:14

He pāhono e rā nuꞌu: —E ai rō ꞌā te nuꞌu kī ko Iovani Papatito, e ai takoꞌa rō ꞌana te nuꞌu kī ko te perofeta era ko ꞌĒria, ꞌe e ai haka ꞌou rō ꞌā te nuꞌu kī ko Heremia ꞌo he perofeta haka ꞌou e tahi o muꞌa ꞌā.

Māteo 21:11

ꞌE he pāhono e te nuꞌu oho ꞌi muri i a Ietū: —Ko Ietū, he perofeta o Nātāreta, he kona e tahi o Karirea.

Ruka 24:49

ꞌE a au e haka turu rō mai ki ruŋa i a kōrua i te ⌊Vārua Maitai⌋ hōrea atu e tōꞌoku Matuꞌa. Ka noho kōrua ꞌi nei ꞌi Hērutarema ꞌātā ki te topa iŋa atu ōꞌona ki ruŋa i a kōrua».

Ruka 3:16

ꞌO ira i kī ai e Iovani: —Te parautiꞌa, a au e papatito nei hai vai; ꞌe nā e oho mai ena te kope mo papatito atu hai ⌊Vārua Maitai⌋ ꞌe hai ahi. ꞌAta hau a ia ki a au; ꞌātā e ko tano au mo kume i te hau o tōꞌona kirivaꞌe.

Ruka 7:16

I takeꞌa era e te nuꞌu i tū meꞌe era, he māere ananake ꞌe he haꞌahana-hana i te ꞌAtua he kī: «ꞌĪ te perofeta nui-nui e tahi ꞌi roto i a tātou». ꞌE he kī takoꞌa: «Ko tuꞌu mai ꞌana te ꞌAtua mo hāꞌūꞌū ki tōꞌona taŋata».

Iovani 1:21

He ꞌui haka ꞌou: —¿Ko ai ia a koe? ¿Ko te perofeta era ko ꞌĒria? He kī e Iovani: —Taꞌe a au ko ia. He ꞌata ꞌui e tū nuꞌu era: —¿Ko koe ia te perofeta era mo oho mai? He pāhono: —ꞌIna.

Iovani 1:25

He ꞌui e rā nuꞌu: —Mo ai ia taꞌe koe he Kiritō, taꞌe koe ko ꞌĒria, ꞌe taꞌe takoꞌa koe he perofeta, ¿he aha ia koe e ⌊papatito⌋ ena?

Iovani 1:33

ꞌI rā hora kai ꞌite hia ꞌana a au ko ai rā kope. O te ꞌAtua uŋa mai era i a au mo papatito hai vai i kī mai: “Taŋata ena ka takeꞌa ena e koe ko topa ꞌana te Vārua Maitai ꞌe ko noho ꞌana ꞌi ruŋa i a ia, māꞌana e papatito hai Vārua Maitai”.

Iovani 12:16

ꞌI rā hora, ꞌina kai aŋi-aŋi e tāꞌana nuꞌu hāpī i te auraꞌa o rā ŋā meꞌe. Ki ora haka ꞌou a Ietū mai te mate, ꞌe ki hoki ki te raŋi, i haka topa iho ai te manaꞌu: te meꞌe taꞌatoꞌa topa era ki a Ietū he meꞌe ko hāꞌaki era ꞌā ꞌi ruŋa i te Pāpaꞌi Moꞌa.

Iovani 12:23

He kī ia e Ietū: «Ko tano ꞌā te hora mo haka takeꞌa i te pūai ꞌe i te nui-nui o te ⌊Poki o te taŋata⌋.

Iovani 14:13

ꞌE te meꞌe taꞌatoꞌa mo no-noꞌi hai ꞌīŋoa ōꞌoku he haka tano e au, ki ai ai hai Poki ka takeꞌa ena te pūai ꞌe te nui-nui o te Matuꞌa.

Iovani 14:26

ꞌE, ki oho mai te kope hāꞌūꞌū era, he Vārua Maitai uŋa mai e te Matuꞌa hai ꞌīŋoa ōꞌoku, he hāpī atu i te meꞌe taꞌatoꞌa ꞌe he haka manaꞌu tahi atu i tāꞌaku vānaŋa kī atu era.

Iovani 16:14

»He haka nui-nui i a au hai toꞌo i tōꞌoku manaꞌu ꞌe hai haka ꞌite atu ki a kōrua.

Iovani 16:7

Te parautiꞌa, i hau ꞌi te riva mo kōrua mo oho ōꞌoku. Mo taꞌe oho ōꞌoku, e ko tuꞌu mai tū kope hāꞌūꞌū era, he Vārua Maitai, mo noho ꞌi roto i a kōrua; ꞌe mo oho ōꞌoku, he uŋa mai e au.

Iovani 17:1

I oti era te kī i te ŋā meꞌe nei, he uꞌi a Ietū a te raŋi he kī: «E Koro, ko tano ꞌā te hora. Ka haka takeꞌa te pūai ꞌe te nui-nui o taꞌa Poki mo haka takeꞌa takoꞌa e ia i tuꞌu pūai ꞌe i tuꞌu nui-nui.

Iovani 17:5

ꞌE, ꞌi te hora nei, e Koro ē, ka haka takeꞌa haka ꞌou koe i tōꞌoku pūai ꞌe i tōꞌoku nui-nui ai i a au ꞌi te hora era ōꞌoku ꞌi muꞌa i a koe ꞌā, hora kai aŋa ꞌana i te ao.

Iovani 20:22

ꞌE he puhi i tōꞌona haŋu a ruŋa i tū nuꞌu era koia ko kī: «Ka ai i a kōrua te ⌊Vārua Maitai⌋.

Iovani 6:14

I takeꞌa era e te taŋata i tū mana aŋa era e Ietū he kī: «He aŋi mau ꞌana ꞌō ko te kope ena te perofeta era mo oho mai ki te ao nei».

Iovani 7:12

Te nuꞌu o ira e vānaŋa rahi rō ꞌana o ruŋa i a Ietū. Tētahi e kī era: «He taŋata riva»; e tētahi atu e kī era: «Taŋata taꞌe riva; e reo-reo ꞌana ki te taŋata».

Iovani 8:54

He pāhono e Ietū: —Mo haka nui-nui ōꞌoku i a au mau ꞌā, ꞌina e tahi hauhaꞌa. ꞌE te kope haka nui-nui i a au he Matuꞌa ōꞌoku, he kope kī e kōrua he ꞌAtua o kōrua.

Aŋa o te ꞌĀpōtoro 19:2

He ꞌui ki rā nuꞌu: —I haka moe era a kōrua i te manaꞌu ꞌi ruŋa i te ꞌAtua, ¿i topa rō atu te ⌊Vārua Maitai⌋ ki ruŋa i a kōrua? He pāhono e rā nuꞌu: —Kai ŋaroꞌa ꞌā e mātou i te vānaŋa o ruŋa o te Vārua Maitai.

Aŋa o te ꞌĀpōtoro 2:17

“ꞌI te ŋā mahana hopeꞌa era, i kī ai e te ꞌAtua, e vaꞌai rō e au i tōꞌoku Vārua Maitai ki te taŋata taꞌatoꞌa. Te ŋā poki o kōrua e haka ꞌite rō i te roŋo haka ꞌite e au ki a rāua, te ŋā poki ꞌāpī e takeꞌa rō i te meꞌe haka takeꞌa e au, ꞌe te nuꞌu korohuꞌa e moe vārua rō.

Aŋa o te ꞌĀpōtoro 2:33

Ko maꞌu ꞌā te ꞌAtua i a Ietū ko haka noho ꞌana ꞌi tōꞌona pāꞌiŋa mataꞌu mo haka tere ararua, ꞌe ko vaꞌai ꞌā ki a ia i te Vārua Maitai hōrea e ia e te Matuꞌa. ꞌE a Ietū ko haka topa mai ꞌā i te Vārua Maitai ki ruŋa i a mātou, he meꞌe ŋaroꞌa ꞌe takeꞌa ena e kōrua.

Aŋa o te ꞌĀpōtoro 2:38

He pāhono e Pētero: —Ka huri te kōrua manaꞌu ki te ꞌAtua, ka haka tapa mai roto i te hara ꞌe ꞌai ka haka ⌊papatito⌋ rō hai ꞌīŋoa o Ietū Kiritō mo haka ꞌite ko haka moe ꞌā i te manaꞌu ꞌi ruŋa i a Ietū, ki haka kore ai e te ꞌAtua i te kōrua hara. Pē ira he vaꞌai atu e ia i te Vārua Maitai.

Aŋa o te ꞌĀpōtoro 2:4

He ꞌī ia ananake e te pūai o te Vārua Maitai ꞌe he haꞌamata he vānaŋa ꞌarero kē ꞌarero kē, hai ꞌarero haka vānaŋa e te Vārua Maitai.

Aŋa o te ꞌĀpōtoro 3:13

Te ꞌAtua o ⌊ꞌAparahama⌋, o Itaꞌata, o Hākovo, tupuna o tātou, ko haka nui-nui ꞌā i tōꞌona tāvini ko Ietū vaꞌai e kōrua ki te nuꞌu ra-rahi ꞌe taꞌe haŋa e kōrua ꞌi te hora haŋa e Pirato mo haka eꞌa.

Aŋa o te ꞌĀpōtoro 4:31

I oti era te pure ananake, he makenu tū kona era ꞌi ira a rāua, he ꞌī tahi ananake e te pūai o te Vārua Maitai, ꞌe he haꞌamata he haka ꞌite he oho i te vānaŋa o te ꞌAtua ꞌina he riꞌa-riꞌa.

Rōmano 8:9

ꞌE, a kōrua ꞌina he haka tere haka ꞌou hai manaꞌu taŋata; e haka tere ena hai Vārua Maitai ꞌo te ai nā ꞌi roto i a kōrua te Vārua o te ꞌAtua. Te nuꞌu ꞌina he Vārua o te ⌊Kiritō⌋ o roto i a rāua, taꞌe o te Kiritō.

2 Kōrinto 3:8

¿e ko ai hō hai pūai ꞌata hau rō atu ꞌi te nui-nui te haka ꞌite iŋa mai o te haka tere iŋa ꞌāpī ōꞌona ananake ko tātou ko te taŋata vaꞌai mai i te Vārua Maitai?

Ēfeto 4:30

ꞌIna ko haka māui-ui te māhatu o te Vārua Maitai hai aŋa i te meꞌe taꞌe tano; hai ia, paꞌi, te ꞌAtua i tāpaꞌo ai i a kōrua pa he taŋata ꞌāꞌana mo te mahana pe muꞌa ka oho ena ka haka oti ena e te ꞌAtua i tāꞌana meꞌe haꞌamata aŋa: he haka eꞌa mau rō ꞌāvai i a kōrua mai roto i te hara.