Iovani 7:29 - Rapa Nui

²⁹ Ko au te meꞌe i māhani; mai i a ia, paꞌi, a au i oho mai ai, ꞌe ꞌāꞌana a au i uŋa mai».

Iovani 7:29 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 17:18

»Pa he uŋa iŋa mai era ōꞌou i a au ki te nuꞌu o te ao nei taꞌe haka moe i te manaꞌu ꞌi ruŋa i a au, pē ira takoꞌa ꞌana a au ka uŋa ena i a rāua ki rā ŋā nuꞌu.

Iovani 6:46

»Tāꞌaku kī taꞌe ꞌō pē nei ē: ko takeꞌa ꞌā e te kope e tahi i te Matuꞌa. Te kope mau nō i takeꞌa ko te kope oho mai era mai muri i a ia.

Iovani 8:55

ꞌE, ꞌina kai māhani a kōrua i a ia. Ko au te meꞌe i māhani. Mo kī atu ōꞌoku kai māhani a au i a ia, pē kōrua ꞌā tōꞌoku reo-reo. Te parautiꞌa, paꞌi, ko māhani ꞌana e au i a ia; e haka roŋo ꞌe e haꞌatura rō ꞌana a au ki tāꞌana vānaŋa.

1 Iovani 1:2

Te kope nei i a ia te ora ꞌāpī ꞌina he hopeꞌa raꞌa i haka takeꞌa rō i a ia ki te taŋata. I takeꞌa rō e mātou ꞌe he mataꞌite mātou ōꞌona. ꞌO ira e haka ꞌite atu ena o ruŋa i a ia. ꞌI muri i te ꞌAtua Matuꞌa a ia, ꞌe i haka takeꞌa rō mai ki a mātou.

1 Iovani 4:14

ꞌE o mātou mau ꞌana i takeꞌa ꞌe i haka ꞌite pē nei ē: te Matuꞌa ko uŋa mai ꞌana i tāꞌana Poki mo eꞌa o te taŋata o te ao mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai ia.

1 Iovani 4:9

Ko haka takeꞌa mai ꞌana e te ꞌAtua i tōꞌona haŋa hai uŋa mai i tāꞌana Poki mau nō era e tahi ki te ao nei mo ravaꞌa e tātou te ora ꞌāpī ꞌina he hopeꞌa raꞌa hai ia.