Iovani 7:28 - Rapa Nui

²⁸ A Ietū e hāpī ꞌana ꞌi te Kona Haꞌamuri ꞌAtua. I ŋaroꞌa era i tū meꞌe era, he haka pūai i te reꞌo ꞌai ka kī: «¿Ko ꞌite mau ꞌana ꞌō kōrua ko ai a au ꞌe mai hē a au i oho mai ai? Taꞌe hai manaꞌu ōꞌoku au i oho mai ai, hai manaꞌu o te kope uŋa mai i a au, kope aŋa i tāꞌana meꞌe kī, ꞌe ꞌina kōrua kai māhani i a ia.

Iovani 7:28 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Māteo 2:23

I tuꞌu era ki Karirea he oho he noho ꞌi Nātāreta. Te meꞌe nei i topa ai tano ki te meꞌe kī e te perofeta o ruŋa i te Kiritō pē nei ē: «E kī rō i a ia he taŋata o Nātāreta».

Māteo 26:55

He ꞌui ia e Ietū ki tū nuꞌu taꞌatoꞌa era: —¿He toke-toke ꞌō a au i oho mai ai kōrua e maꞌu-maꞌu rō ꞌana i te hoe ꞌe i te miro mo ꞌa-ꞌaru i a au? Paurō te mahana, paꞌi, a au e hāpī era ꞌi te Kona Haꞌamuri ꞌAtua, ꞌe ꞌina kōrua kai ꞌa-ꞌaru i a au.

Ruka 10:22

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō, ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite».

Ruka 2:11

ꞌI ꞌaŋarīnā, ꞌi te kona poreko o Tāvita ko Vērene, i poreko ai te ⌊Kiritō⌋, he Pūꞌoko Haka Tere o tātou; māꞌana e haka eꞌa i te taŋata mai roto i te ūtuꞌa o te hara ꞌe e vaꞌai i te ora ꞌāpī ꞌina he hopeꞌa raꞌa o te ꞌAtua.

Ruka 2:39

I oti era te aŋa i te meꞌe taꞌatoꞌa hāꞌaki o ruŋa i te haka tere iŋa ꞌa Mōtē, he hoki a kuā Kōsē ki Karirea ki te kona noho o rāua ko Nātāreta.

Ruka 2:4

He eꞌa ia a ⌊Kōsē⌋ mai Nātāreta, he kona o Karirea, he oho ki Vērene ꞌi Hūrea, he kona poreko o tōꞌona hakaara ko ⌊Tāvita⌋,

Ruka 2:51

He hoki ia a Ietū ki Nātāreta ꞌi muri i tōꞌona matuꞌa ꞌe he haꞌatura ki te rāua meꞌe kī. Te ŋā meꞌe taꞌatoꞌa nei e maꞌu tahi rō ꞌā e tōꞌona matuꞌa vahine ꞌi roto i a ia.

Iovani 1:46

He kī e Natanaera: —¿E eꞌa mau rō mai e tahi meꞌe riva-riva mai Nātāreta? He pāhono e Feripe: —Ka oho mai, ka uꞌi e koe mau ꞌā hai mata.

Iovani 10:36

¿he aha ia a kōrua e kī ena ko kī ꞌana a au i te vānaŋa taꞌe tano mo te ꞌAtua hora kī era ōꞌoku he Poki au o te ꞌAtua? ꞌĀꞌana, paꞌi, a au i haꞌataꞌa mo te aŋa nei ꞌe i uŋa mai ki te ao nei.

Iovani 12:49

»E vānaŋa atu era, paꞌi, a au taꞌe hai manaꞌu ōꞌoku ꞌā; o te Matuꞌa uŋa mai i a au i kī mai i tāꞌaku meꞌe mo haka ꞌite ꞌe mo hāpī.

Iovani 14:10

¿Kai aŋi-aŋi ꞌana ꞌō e koe a māua ko te ꞌAtua Matuꞌa e tahi mau nō? Te meꞌe nei e au e kī atu ena taꞌe he meꞌe i manaꞌu e au. O te Matuꞌa nei ꞌi roto i a au te aŋa i tāꞌana meꞌe manaꞌu mo aŋa.

Iovani 14:31

Te meꞌe taꞌatoꞌa nei he meꞌe mau ꞌā mo topa, mo ꞌite e te taŋata taꞌatoꞌa e haŋa rahi rō ꞌana a au ki te Matuꞌa ꞌe e aŋa rō ꞌana a au i tāꞌana meꞌe kī mai. »ꞌE, hora nei, ka eꞌa kōrua ki ruŋa ki oho rō tātou.

Iovani 16:3

Te ŋā meꞌe nei ka aŋa atu ena ki a kōrua ꞌo te taꞌe ꞌite ko ai a au ꞌe ko ai te Matuꞌa.

Iovani 17:25

»E Koro riva ē, te taŋata o te ao nei taꞌe haka moe i te manaꞌu ꞌi ruŋa i a au kai ꞌite ko ai koe, ko au te meꞌe i ꞌite. Te nuꞌu hāpī nei ꞌāꞌaku ko ꞌite ꞌā: ꞌāꞌau a au i uŋa mai.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 3:2

he oho ꞌi te pō e tahi uꞌi i a Ietū ꞌe he kī: —E te Maꞌori, ko ꞌite ꞌana a mātou o te ꞌAtua a koe i uŋa mai mo hāpī i te taŋata; ꞌina, paꞌi, e tahi kope aŋa i te mana aŋa e koe mo kore o te ꞌAtua o muri.

Iovani 3:33

Te taŋata haka roŋo ki a ia he ꞌite: he aŋi mau ꞌana te vānaŋa o te ꞌAtua.

Iovani 5:32

ꞌE, nā e ai rō ꞌana te mataꞌite vānaŋa riva-riva o ruŋa i a au, he Matuꞌa ōꞌoku, ꞌe ko ꞌite ꞌana e au: tāꞌana vānaŋa he aŋi mau ꞌā.

Iovani 5:43

A au i oho mai ai hai ꞌīŋoa o tōꞌoku Matuꞌa, ꞌe ꞌina kōrua he haŋa mai. ꞌE, mo oho mai e tahi kope hai ꞌīŋoa mau ꞌā ōꞌona, ki rā kope kōrua ka haka roŋo ena.

Iovani 6:42

He kī e rā nuꞌu: «¿Taꞌe ꞌō nei ko Ietū, he poki era ꞌa ⌊Kōsē⌋? Ko māhani ꞌana a tātou i tōꞌona matuꞌa tane ꞌe i tōꞌona matuꞌa vahine. ¿Pē hē ia e kī mai ena mai te raŋi a ia i topa mai ai?».

Iovani 7:14

E hitu mahana o rā ŋoŋoro era he rāmā. ꞌI vāeŋa o rā ŋā mahana, he oho a Ietū he uru ki roto i te ⌊Kona Haꞌamuri ꞌAtua⌋ he haꞌamata he hāpī.

Iovani 8:14

He pāhono e Ietū: —Ka ai atu māꞌaku mau ꞌā e kī i te vānaŋa riva-riva o ruŋa i a au, e hauhaꞌa rō ꞌana ꞌo te ai ko ꞌite ꞌana a au mai hē a au i oho mai ai ꞌe ki hē a au ka oho nei, he meꞌe kai ꞌite e kōrua.

Iovani 8:16

ꞌE, mo kī tāꞌue ōꞌoku, he parautiꞌa mau ꞌā ꞌo te ai taꞌe hoko tahi nō a au ka kī era, ararua māua ko tōꞌoku Matuꞌa uŋa mai era i a au.

Iovani 8:19

He ꞌui ia e rā nuꞌu: —¿ꞌI hē tuꞌu matuꞌa? He pāhono e Ietū: —A kōrua ꞌina kai ꞌite ko ai a au, ꞌe ko ai tōꞌoku Matuꞌa. ꞌĀhani e ꞌite rō ꞌana e kōrua ko ai a au, ko ꞌite takoꞌa ꞌana ko ai tōꞌoku Matuꞌa.

Iovani 8:26

E rahi rō ꞌā te meꞌe mo kī atu ōꞌoku o ruŋa i a kōrua, mo ture ꞌe mo haka ūtuꞌa. Ka ai atu pē ira, tāꞌaku meꞌe kī nō ki te taŋata o te ao he meꞌe kī mai e te kope uŋa mai i a au. He parautiꞌa mau nō, paꞌi, tāꞌana meꞌe kī.

Iovani 8:42

He pāhono e Ietū: —Mo ai he parautiꞌa mau ꞌā he ꞌAtua te kōrua matuꞌa, e haŋa rō mai ꞌana ia kōrua ki a au; mai te ꞌAtua mau nō, paꞌi, a au i oho mai ai. I oho mai ai a au taꞌe hai manaꞌu ōꞌoku ꞌā, o te ꞌAtua a au i uŋa mai.

Iovani 9:29

Ko ꞌite ꞌana a mātou i vānaŋa rō te ꞌAtua ki a Mōtē, ꞌe te kope ena, kai ꞌite a mātou mai hē i eꞌa mai ai.

Aŋa o te ꞌĀpōtoro 17:23

I uꞌi i oho era a au i te kona aŋa o kōrua i te tūtia, he takeꞌa e au e tahi o rā ŋā kona e pāpaꞌi rō ꞌā ꞌi ruŋa: “Ki te ꞌatua taꞌe ꞌite mai ko ai a ia”. ꞌE, ka ai atu kai ꞌite hia a kōrua ko ai, ko haꞌamuri ko oho nō mai era ꞌā kōrua ki a ia. Hora nei, ꞌī a au he haka ꞌite atu ko ai a ia.

Rōmano 1:28

ꞌI te haka rehu e te nuꞌu nei i te ꞌAtua, he haka rē mau rō ꞌai e te ꞌAtua ki te rāua manaꞌu taꞌe au mo aŋa mo oho nō i te meꞌe taꞌe tano.

Rōmano 3:4

Taꞌe pē ira. Te ꞌAtua e aŋa ena i tāꞌana meꞌe taꞌatoꞌa hai parautiꞌa, ka ai atu he reo-reo nō te aŋa o te taŋata taꞌatoꞌa. ꞌE nā ꞌi ruŋa i te ⌊Pāpaꞌi Moꞌa⌋ e kī ena mo te ꞌAtua: «E kī rō e te taŋata: taꞌa vānaŋa he parautiꞌa ꞌe, ꞌi te hora o te ture, i a koe te rē».

2 Kōrinto 1:18

Te ꞌAtua he kope aŋa i tāꞌana meꞌe kī ꞌe he mataꞌite pē nei ē: a mātou takoꞌa. Mo kī atu o mātou «ꞌē-ē», ꞌē-ē mau ꞌā; ꞌe mo kī atu «ꞌina», ꞌina mau ꞌā.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

ꞌEvereo 6:18

Te meꞌe kī ꞌe te meꞌe hōrea e te ꞌAtua e ko taꞌe haka tano; taꞌe, paꞌi, a ia he reo-reo. Mo tātou mo te nuꞌu haka hāhine ki te ꞌAtua mo hāpaꞌo e ia, te parautiꞌa nei he meꞌe haka pūai i te tātou manaꞌu ꞌi ruŋa i a ia, mo tiaki mo oho nō o tātou ki te haka tano iŋa ōꞌona i tāꞌana meꞌe hōrea mai era.

1 Iovani 5:10

Te kope haka moe i tōꞌona manaꞌu ꞌi ruŋa i te Poki o te ꞌAtua e ꞌite mau rō ꞌana ꞌi roto i tōꞌona māhatu a Ietū he Poki o te ꞌAtua. ꞌE te kope taꞌe haka moe i tōꞌona manaꞌu ꞌi ruŋa i te meꞌe kī e te ꞌAtua e kī ꞌana i te reo-reo o te ꞌAtua, he taꞌe haka roŋo i te vānaŋa o te ꞌAtua o ruŋa o tāꞌana Poki.