Iovani 7:19 - Rapa Nui

¹⁹ »¿Taꞌe ꞌō ko vaꞌai atu ꞌana a ⌊Mōtē⌋ i te haka tere iŋa o te hūrio? ꞌE, ꞌina e tahi o kōrua i haꞌatura. ¿He aha ia a kōrua e haŋa ena mo tiŋaꞌi mai i a au?

Iovani 7:19 ပူးပေါင်းရင်းမြစ်များ

Māteo 12:14

I eꞌa era tū nuꞌu fariseo era, he haꞌamata he uꞌi i te rāveꞌa mo tiŋaꞌi mo haka mate i a Ietū.

Māteo 21:38

I takeꞌa era i rā poki, he kī e tū nuꞌu era ki a rāua ꞌā: “Ko te kope era te kope ki a ia ka topa ena te henua nei; ki tiŋaꞌi ki haka mate, ki topa ai te kona nei mo tātou”.

Marko 11:18

I ŋaroꞌa era i te meꞌe nei e te nuꞌu ⌊oromatuꞌa ra-rahi⌋ ꞌe e te nuꞌu ⌊maꞌori o te haka tere hūrio⌋, he uꞌi i te rāveꞌa mo tiŋaꞌi mo haka mate i a Ietū. A rāua, paꞌi, e riꞌa-riꞌa rō ꞌana ꞌo te ai he haka roŋo te taŋata i te meꞌe hāpī e Ietū.

Marko 3:4

He ꞌui ia e Ietū ki tū nuꞌu era: «¿He aha te meꞌe haꞌatiꞌa mo aŋa ꞌi te mahana haka ora: he meꞌe riva-riva ꞌo he meꞌe rake-rake? ¿He haka ora i te taŋata ꞌo he tiŋaꞌi he haka mate?». ꞌIna e tahi o rā nuꞌu i pāhono.

Marko 3:6

I eꞌa era tū nuꞌu ⌊fariseo⌋ era, he haꞌamata he haꞌaꞌau ananake ko te nuꞌu peꞌe ki a ⌊ꞌErore⌋ mo tiŋaꞌi mo haka mate i a Ietū.

Iovani 1:17

Hai ⌊Mōtē⌋ te ꞌAtua i haka ꞌite mai ai i tāꞌana roŋo mo tātou, ꞌe hai Ietū Kiritō i haka ꞌite mai ai i tōꞌona haŋa mo tātou ꞌe i te parautiꞌa o ruŋa i a ia.

Iovani 10:39

He moko tū nuꞌu era mo ꞌa-ꞌaru i a Ietū, ꞌe ꞌina kai ravaꞌa.

Iovani 11:53

Mai rā mahana te nuꞌu ra-rahi o te hūrio i haꞌamata i kī ai mo tiŋaꞌi mo haka mate i a Ietū.

Iovani 5:16

He riri ia rā nuꞌu mo Ietū ꞌo te haka ora i te nuꞌu māui-ui ꞌi te mahana haka ora.

Iovani 5:18

Hai meꞌe nei i ꞌata riri ai rā nuꞌu mo Ietū ꞌe he haŋa mo tiŋaꞌi, taꞌe nō ꞌō ꞌo te taꞌe moꞌa i te mahana haka ora, ꞌo te kī takoꞌa: te ꞌAtua he Matuꞌa ōꞌona, ꞌe hai rā kī iŋa i haka tuꞌu ai he ꞌAtua mau ꞌā a ia.

Iovani 5:45

»ꞌIna kōrua ko manaꞌu he hāꞌaki kōrua e au ki tōꞌoku Matuꞌa; te kōrua hape ko tuhi era ꞌana e te meꞌe pāpaꞌi era e ⌊Mōtē⌋. A kōrua e manaꞌu ena: hai haka moe i te manaꞌu ꞌi ruŋa i rā meꞌe he ravaꞌa e kōrua i te ora.

Iovani 7:1

I oti era he oho a Ietū ki kona era ki kona era o Karirea. Kai haŋa mo oho ki Hūrea ꞌi te meꞌe era te nuꞌu ⌊hūrio⌋ ra-rahi o ira e haŋa ꞌā mo tiŋaꞌi i a ia.

Iovani 7:25

Tētahi o te nuꞌu noho o Hērutarema he haꞌamata he ꞌui: «¿Taꞌe ꞌō rā ko tū kope era e kimi mai ena mo tiŋaꞌi?

Aŋa o te ꞌĀpōtoro 7:38

ꞌE, takoꞌa, hora era ꞌā ꞌi te kona ꞌone taꞌe noho taŋata te itaraera, ko Mōtē te meꞌe i vānaŋa ararua ko te merahi ꞌi ruŋa i te maꞌuŋa ko Tinaī ꞌe i maꞌu i te vānaŋa ki te tātou tupuna. Ki a Mōtē e haka ꞌite era e te merahi i te vānaŋa o te ꞌAtua vaꞌai i te ora ꞌina he hopeꞌa raꞌa mo haka ꞌite mai ki a tātou ki te itaraera.

Karatia 3:19

¿Mo aha ia te haka tere iŋa ꞌa Mōtē? Te haka tere iŋa ꞌa Mōtē i vaꞌai mai ai e te ꞌAtua mo aŋi-aŋi e tātou taꞌatoꞌa e hara rō ꞌana a tātou. Te manaꞌu o te ꞌAtua: hai rā haka tere iŋa ana haka tika ana oho a tātou ꞌātā ki te tuꞌu iŋa mai o tū hakaara era ko Ietū Kiritō, he kope ꞌi ruŋa i a ia te hōrea kī era e te ꞌAtua ki a ꞌAparahama. E ko hape tātou mo kī i hau rō atu ꞌi te hauhaꞌa te meꞌe hōrea e te ꞌAtua ki te haka tere iŋa ꞌa Mōtē. Te haka tere iŋa nei hai merahi i uŋa mai ai, ꞌe a Mōtē i haka ꞌite ki te taŋata.

Karatia 6:13

Te parautiꞌa, ꞌina e tahi nuꞌu haꞌatura ki te roŋo taꞌatoꞌa o te ⌊haka tere iŋa ꞌa Mōtē⌋, ꞌātā te nuꞌu hore i te kiri o te kinoŋa. E haŋa ena a rāua mo hore o kōrua i te kiri o te kinoŋa mo teꞌo-teꞌo pē nei ē: ko ravaꞌa ꞌana ꞌō e rāua mo maꞌu e kōrua i te tāpaꞌo ena ꞌi ruŋa i te kōrua hakari.