Iovani 7:15 - Rapa Nui

¹⁵ Te nuꞌu ra-rahi o te hūrio ko māere atu ꞌana e kī era: «¿Pē hē ia te kope ena, kai hāpī ia, i ꞌite rō ai i te ŋā meꞌe taꞌatoꞌa ena?».

Iovani 7:15 ပူးပေါင်းရင်းမြစ်များ

Māteo 13:54

I tuꞌu era ki ira, he haꞌamata he hāpī ꞌi roto i te ⌊hare pure hūrio⌋. Te taŋata, ko māere atu ꞌā, e kī era: «¿ꞌI hē te kope era i ꞌite ai i te meꞌe taꞌatoꞌa era? ¿Pē hē e ravaꞌa ena mo aŋa i te mana?

Māteo 22:22

I ŋaroꞌa era i rā meꞌe, he māere rō atu ꞌai tū nuꞌu era. He haka rē ia i a Ietū ꞌe he eꞌa he oho rō ꞌai.

Māteo 22:33

I ŋaroꞌa era e te nuꞌu i te meꞌe nei, he māere rō atu ꞌai ꞌi te vānaŋa ꞌa Ietū.

Ruka 2:47

He māere tahi te nuꞌu ŋaroꞌa ꞌi te mārama-rama ꞌe ꞌi te huru o tāꞌana vānaŋa e pāhono era.

Ruka 4:22

Te nuꞌu taꞌatoꞌa o ira e koa rō ꞌā e vānaŋa era o ruŋa i a Ietū ꞌe ko māere tahi ꞌana ꞌi te meꞌe nehe-nehe kī e ia. He ꞌui ki a rāua ꞌā: —¿Pē hē ia te meꞌe nei? Ko tū poki era ꞌa ⌊Kōsē⌋, paꞌi, te kope nei.

Iovani 1:19

He vānaŋa nei ꞌa Iovani ꞌi te hora uŋa e te nuꞌu hōnui ⌊hūrio⌋ i te ⌊oromatuꞌa⌋ ꞌe i te ⌊rēvita⌋ mai Hērutarema mo ꞌite ko ai mau a Iovani. He ꞌui e rā nuꞌu: —¿He Kiritō rō koe?

Iovani 7:11

Te nuꞌu hūrio ra-rahi ia e kimi ꞌana i a Ietū a roto i te nuꞌu o tū kona ŋoŋoro era koia ko kī: «¿ꞌI hē ia tū taŋata era?».

Iovani 7:13

Ka ai atu taꞌatoꞌa nō e vānaŋa era o ruŋa i a Ietū, te nuꞌu manaꞌu he taŋata riva ꞌina he haka ŋaroꞌa i te rāua vānaŋa era e kī era he riꞌa-riꞌa ꞌi te nuꞌu ra-rahi o te hūrio.

Iovani 7:46

He pāhono e tū ŋā mūtoꞌi era: —¡Kai ai ꞌā e tahi taŋata vānaŋa pē ia!

Aŋa o te ꞌĀpōtoro 26:24

I oti era a Pauro i te kī i tū vānaŋa era, he kī e Feto, i haka pūai te reꞌo: —¡Ko maꞌa-maꞌa ꞌā a koe, e Pauro ē! A koe i maꞌa-maꞌa ena he rahi o tuꞌu hāpī.

Aŋa o te ꞌĀpōtoro 4:13

I takeꞌa era e tū nuꞌu ra-rahi era i te haka kē o Pētero ararua ko Iovani e vānaŋa era, ꞌe i ꞌite era he nuꞌu ꞌina he hāpī, he māere ananake ꞌe he aŋi-aŋi: he nuꞌu hāpī e Ietū.