Iovani 6:68 - Rapa Nui

⁶⁸ He pāhono e Tīmona, kī takoꞌa ko Pētero: —E Ietū, ¿ki a ai era a mātou ana oho? I a koe mau nō, paꞌi, te vānaŋa mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 6:68 ပူးပေါင်းရင်းမြစ်များ

Māteo 16:16

He pāhono ia e Tīmona, e kī takoꞌa era ko Pētero: —A koe he Kiritō, he Poki o te ꞌAtua ora.

Marko 8:29

He ꞌui haka ꞌou e Ietū ki tū nuꞌu era: —ꞌE ki te kōrua kī, ¿ko ai a au? He pāhono e Pētero: —A koe he Kiritō.

Ruka 9:20

He ꞌui haka ꞌou: —ꞌE, ki te kōrua kī, ¿ko ai a au? He pāhono e Pētero: —A koe he Kiritō uŋa mai e te ꞌAtua.

Iovani 12:49

»E vānaŋa atu era, paꞌi, a au taꞌe hai manaꞌu ōꞌoku ꞌā; o te Matuꞌa uŋa mai i a au i kī mai i tāꞌaku meꞌe mo haka ꞌite ꞌe mo hāpī.

Iovani 12:50

ꞌE ko ꞌite ꞌana e au: o tāꞌana roŋo te vaꞌai i te ora ꞌāpī ꞌina he hopeꞌa raꞌa. ꞌO ira, tāꞌaku meꞌe kī atu he meꞌe kī mau mai era ꞌā e tōꞌoku Matuꞌa mo haka ꞌite atu».

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

Iovani 5:24

»ꞌĪ a au he kī atu: te kope haka roŋo i tāꞌaku vānaŋa ꞌe haka moe i tōꞌona manaꞌu ꞌi ruŋa i te kope uŋa mai i a au, i a ia te ora ꞌāpī ꞌina he hopeꞌa raꞌa, ꞌe ꞌina he ūtuꞌa mōꞌona. Ko haka eꞌa ꞌana, paꞌi, e te ꞌAtua mai te ara o te mate ꞌe ko haka noho ꞌana ꞌi roto i te ara o te ora.

Iovani 6:40

Te haŋa o tōꞌoku Matuꞌa: he ai o te ora ꞌāpī ꞌina he hopeꞌa raꞌa i te nuꞌu taꞌatoꞌa ꞌite ko ai te Poki nei o te ꞌAtua ꞌe haka moe i te manaꞌu ꞌi ruŋa i a ia; ꞌe he haka ora tahi e au ꞌi te mahana o te ture hopeꞌa.

Iovani 6:63

ꞌĪ a au he kī atu: o te ⌊Vārua Maitai⌋ te vaꞌai i te ora ꞌāpī; taꞌe hai haŋu taŋata ana ravaꞌa. Te meꞌe vānaŋa atu era e au o te Vārua Maitai, ꞌe hai rā vānaŋa e vaꞌai ena e ia i te ora ꞌāpī ki te taŋata.

Aŋa o te ꞌĀpōtoro 13:26

»E tōꞌoku taina haka ara takoꞌa mai i a ⌊ꞌAparahama⌋ ꞌe e te taŋata o te rua henua moꞌa i te ꞌAtua ē: te roŋo riva-riva o te eꞌa iŋa o te taŋata mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa mo tātou taꞌatoꞌa.

Aŋa o te ꞌĀpōtoro 4:12

Te eꞌa mai roto i te ūtuꞌa o te hara ꞌe te ai o te ora ꞌāpī ꞌina he hopeꞌa raꞌa vaꞌai e te ꞌAtua, mai i a Ietū mau nō ana ravaꞌa. Te ꞌAtua, paꞌi, ꞌina kai vaꞌai ki te rua kope i te aŋa nei.

Aŋa o te ꞌĀpōtoro 5:20

«E oho kōrua ki roto i te Kona Haꞌamuri ꞌAtua e haka ꞌite e oho nō i te meꞌe taꞌatoꞌa o ruŋa i te ora ꞌāpī ꞌina he hopeꞌa raꞌa vaꞌai e te ꞌAtua».

Aŋa o te ꞌĀpōtoro 7:38

ꞌE, takoꞌa, hora era ꞌā ꞌi te kona ꞌone taꞌe noho taŋata te itaraera, ko Mōtē te meꞌe i vānaŋa ararua ko te merahi ꞌi ruŋa i te maꞌuŋa ko Tinaī ꞌe i maꞌu i te vānaŋa ki te tātou tupuna. Ki a Mōtē e haka ꞌite era e te merahi i te vānaŋa o te ꞌAtua vaꞌai i te ora ꞌina he hopeꞌa raꞌa mo haka ꞌite mai ki a tātou ki te itaraera.

Aŋa o te ꞌĀpōtoro 8:37

He kī e Feripe: —Mo haka moe parautiꞌa ōꞌou i tuꞌu manaꞌu ꞌi ruŋa i a Ietū, ꞌina he meꞌe mo taꞌe haꞌatiꞌa atu. He pāhono e tū taŋata era: —Mōꞌoku a Ietū Kiritō he Poki o te ꞌAtua.]