Iovani 6:61 - Rapa Nui

⁶¹ I ꞌite era a Ietū o ruŋa i te aha e hēŋuꞌi-ŋuꞌi era, he kī: —¿Ko taꞌe au ꞌana ꞌō kōrua ꞌi te meꞌe ena?

Iovani 6:61 ပူးပေါင်းရင်းမြစ်များ

Māteo 11:6

»¡ꞌE, ko te koa i te taŋata taꞌe haka tapa i tōꞌona haka moe iŋa i te manaꞌu mai ruŋa i a au!».

Māteo 17:27

Ka ai atu pē ira, ꞌo riri tāꞌue te nuꞌu era, ka oho ki taha tai, ka hoa te hau ki roto. Te ika raꞌe ka raꞌu atu ena, nā ꞌi te haha te tara ꞌaurī e tahi, te hauhaꞌa he peꞌe mo ꞌauhau i a tāua, ꞌe he maꞌu e koe he ꞌauhau.

Iovani 16:19

He aŋi-aŋi ia e Ietū e haŋa rō ꞌā rā nuꞌu mo ꞌui ki a ia, ꞌe he kī: —Ko kī atu ꞌana a au ꞌina he hora toe he ŋaro a au, ꞌe pe muꞌa ꞌiti he takeꞌa haka ꞌou e kōrua i a au. ¿He haꞌaauraꞌa o te meꞌe nei te meꞌe haŋa o kōrua mo ꞌite?

Iovani 21:17

He ꞌui haka ꞌou ia e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He oꞌo te māui-ui ꞌi roto i te māhatu o Pētero ꞌo te ꞌui haka ꞌou o Ietū i tū vānaŋa era, ꞌe he pāhono: —E Ietū, e ꞌite tahi rō ꞌana a koe i te meꞌe, ꞌe ko ꞌite takoꞌa ꞌana koe e haŋa rō atu ꞌana a au. He kī haka ꞌou e Ietū: —E hāpaꞌo koe i tāꞌaku māmoe.

Iovani 6:64

Ka ai atu pē ira, e ai nō ꞌana tētahi o kōrua ꞌina he haka moe i te manaꞌu ꞌi ruŋa i a au. Mai muꞌa ꞌā, paꞌi, a Ietū i ꞌite rō ai ko ai ko ai te meꞌe ka taꞌe haka moe era i te manaꞌu ꞌi ruŋa i a ia, ꞌe ko ai te kope ka hoꞌo era i a ia.

ꞌEvereo 4:13

ꞌIna e tahi meꞌe o te meꞌe aŋa e te ꞌAtua mo taꞌe takeꞌa e ia; tōꞌona mata ꞌi ruŋa i te meꞌe taꞌatoꞌa, ꞌe ki a ia tātou ka kī ena i te tātou meꞌe i aŋa.