Iovani 6:30 - Rapa Nui

³⁰ He kī e rā nuꞌu: —Mo aŋa mai ōꞌou e tahi mana mo takeꞌa e mātou, he haka moe atu mātou i te manaꞌu ꞌi ruŋa i a koe. ¿He aha taꞌa mana ka aŋa mai ena?

Iovani 6:30 ပူးပေါင်းရင်းမြစ်များ

Marko 15:32

¡Ka topa, hoꞌi, te ⌊Kiritō⌋, te ꞌAriki o Itaraera, mai ruŋa i te tātaurō, ki takeꞌa mai ꞌe ki haka moe ai te mātou manaꞌu ꞌi ruŋa i a ia!». ꞌE, takoꞌa, i vā-vā rō i a Ietū e tū ŋā kope veo era ꞌi tupuꞌaki ōꞌona.

Marko 8:11

He tuꞌu ia te nuꞌu fariseo ki te kona ꞌi ira a kuā Ietū he haꞌamata he haka tātake ki a ia. ꞌI te haŋa mo ravaꞌa i te reo-reo o Ietū pē nei ē: o te ꞌAtua a ia i uŋa mai, he kī mo aŋa e tahi mana.

Iovani 10:38

ꞌE, mo aŋa ōꞌoku i te meꞌe aŋa e tōꞌoku Matuꞌa, ka ai atu ꞌina kōrua he haka moe i te manaꞌu ꞌi ruŋa i a au, ka haka moe ia kōrua i te manaꞌu ꞌi ruŋa i tāꞌaku meꞌe aŋa ki ꞌite ai a kōrua: te ꞌAtua Matuꞌa ꞌe a au e tahi mau nō.

Iovani 12:37

A Ietū i aŋa rō i te mana hopeꞌa o te nui-nui ꞌi muꞌa i te taŋata ꞌe, ka ai atu pē ira, meꞌe rahi nō atu nuꞌu ꞌina he haka moe i te rāua manaꞌu ꞌi ruŋa i a ia.

Iovani 2:18

He kī e te nuꞌu hūrio ra-rahi: —Ka aŋa mai koe e tahi mana, ki ꞌite ai mātou i a koe ꞌō te parau mo aŋa i te ŋā meꞌe ena.

Iovani 6:14

I takeꞌa era e te taŋata i tū mana aŋa era e Ietū he kī: «He aŋi mau ꞌana ꞌō ko te kope ena te perofeta era mo oho mai ki te ao nei».

Iovani 6:2

Nuꞌu rahi te nuꞌu i oho ꞌi muri ꞌo te takeꞌa i te mana aŋa e ia, he haka ora i te māui-ui.

Iovani 6:36

ꞌE, a kōrua, ka ai atu ko takeꞌa ꞌana i tōꞌoku aŋa iŋa i te mana, ꞌina kōrua he ⌊haka moe i te manaꞌu⌋ ꞌi ruŋa i a au, pa he meꞌe kī mau atu era ꞌā e au.

Aŋa o te ꞌĀpōtoro 4:30

koia ko haka takeꞌa i tuꞌu pūai hai haka ora i te māui-ui ꞌe hai aŋa i te mana hai ꞌīŋoa o tuꞌu tāvini moꞌa ko Ietū».

1 Kōrinto 1:22

Te ⌊hūrio⌋, mo haka moe iho i te rāua manaꞌu ꞌi ruŋa i rā roŋo, e takeꞌa ꞌi raꞌe i te mana, ꞌe te ⌊kirieko⌋, e vānaŋa e te taŋata hai mārama-rama.

ꞌEvereo 2:4

ꞌE o te ꞌAtua i haka aŋi-aŋi takoꞌa mai he parautiꞌa mau ꞌā hai aŋa i te mana a roto i rā nuꞌu, ꞌe hai vaꞌai ki a rāua, hai ⌊Vārua Maitai⌋, rauhuru nō atu meꞌe mo aŋa i tāꞌana aŋa, tano ki tōꞌona manaꞌu.