Iovani 6:11 - Rapa Nui

¹¹ He toꞌo ia e Ietū i tū haraoa era ki te rima ꞌe ki oti te māuru-uru ki te ꞌAtua, he tuhaꞌa ki te nuꞌu taꞌatoꞌa. Pē ira takoꞌa i aŋa ai i te ika, ꞌe he vaꞌai ki te taꞌatoꞌa rahi nō era o rāua i haŋa.

Iovani 6:11 ပူးပေါင်းရင်းမြစ်များ

Iovani 6:23

ꞌĪ ia te tētahi nuꞌu o Tīvēria ko tuꞌu ꞌā a ruŋa i te vaka ki te kona e tahi hāhine ki tū kona kai era i te haraoa ki oti a Ietū te māuru-uru ki te ꞌAtua.

1 Tētārōnika 5:18

ꞌE, takoꞌa, e māuru-uru kōrua ki te ꞌAtua ꞌi te taꞌatoꞌa nō hora nōatu te meꞌe topa atu. Ko te ŋā meꞌe nei te meꞌe haŋa ꞌāꞌana mo aŋa e kōrua e te nuꞌu haka moe i te manaꞌu ꞌi ruŋa i a Ietū.

Rōmano 14:6

Te kope haꞌamuri ki te ꞌAtua ꞌi te mahana manaꞌu e ia he mahana ꞌata hauhaꞌa mo haꞌamuri, mōꞌona he rāveꞌa e tahi mo moꞌa i te ꞌAtua. ꞌE te kope kai i te taꞌatoꞌa meꞌe ai mo kai ꞌi te manaꞌu ꞌina e tahi kai taꞌe haꞌatiꞌa e te ꞌAtua mo kai, mōꞌona he rāveꞌa takoꞌa mo moꞌa i te ꞌAtua, ꞌe he māuru-uru o ruŋa. Te kope e ai rō ꞌana tāꞌana meꞌe taꞌe kai, te taꞌe kai era ōꞌona i rā meꞌe he rāveꞌa e tahi mo haꞌamuri ki te ꞌAtua, ꞌe he māuru-uru takoꞌa o ruŋa.

Māteo 15:36

He toꞌo i tū ŋā haraoa era e hitu ꞌe i tū ŋā ika era, he māuru-uru ki te ꞌAtua, he more-more he vaꞌai ki tāꞌana nuꞌu hāpī, ꞌe o rāua i tuhaꞌa ki te taŋata.

Ruka 24:30

I noho era ꞌi ruŋa i te ꞌamuramaꞌa mo kai, he toꞌo e Ietū i te haraoa ki tōꞌona rima, he māuru-uru ki te ꞌAtua, he mo-more ꞌe he vaꞌai ki rā ŋā kope.

1 Kōrinto 10:31

E te taina, te tano mau: te meꞌe taꞌatoꞌa ena o kōrua mo aŋa, ꞌātā mo kai ꞌe mo unu, e aŋa tahi mo koa o te ꞌAtua ꞌe mo ꞌata moꞌa o te taŋata i a ia.

Aŋa o te ꞌĀpōtoro 27:35

I kī era i te meꞌe nei, he toꞌo a Pauro i te haraoa ki tōꞌona rima, he māuru-uru ki te ꞌAtua ꞌi muꞌa o tū nuꞌu taꞌatoꞌa era, he mo-more ꞌe he haꞌamata he kai.

Iovani 6:9

—ꞌĪ e tahi poki ꞌi nei e maꞌu rō ꞌana e rima haraoa sevara ꞌe e rua ika. Ka ai atu pē ira, ¿he aha te meꞌe era mo te rahi raꞌa ena o te taŋata?

Iovani 21:9

I topa era ki ꞌuta, he takeꞌa i te ahi e hū rō ꞌā, ꞌi ruŋa e tahi ika ꞌe he haraoa.

Iovani 21:10

He kī e Ietū: «Ka maꞌu mai hai ika toꞌo iho mai ena e kōrua».

Iovani 21:13

He haka hāhine ia a Ietū, he toꞌo i te haraoa ꞌe i te ika he tuhaꞌa ki tū nuꞌu era.