Iovani 5:7 - Rapa Nui

⁷ He pāhono e rā taŋata: —Ē, ꞌina e tahi kope mo ha-haꞌo i a au ki roto i te puna e haka makenu ena i te vai. E haŋa nei a au mo uru, ꞌi raꞌe ꞌana te rua e oꞌo rō ena.

Iovani 5:7 ပူးပေါင်းရင်းမြစ်များ

Iovani 5:2

ꞌI muri i te ꞌōpani uru ki ira e kī era O te Māmoe, te puna vai e tahi te ꞌīŋoa ꞌi te ⌊ꞌevereo⌋ ko Vetesātā. ꞌI te kao-kao o rā puna e rima kona mo haka kohu.

Iovani 5:3

ꞌI raro o rā kona meꞌe rahi nuꞌu matapō, vaꞌe koke, māui-ui ꞌe hakari taꞌe makenu e mo-moe rō ꞌana [e tiaki ꞌā ki te haka makenu iŋa o te vai.

Iovani 5:4

Te kī: e topa rō ꞌana te merahi ꞌi tōꞌona hora mo haka mākenu-kenu i rā vai, ꞌe te kope raꞌe mo oꞌo ki roto ki oti te haka makenu he ora tōꞌona māui-ui.]

Iovani 5:6

I takeꞌa era e Ietū i rā taŋata e moe rō ꞌana, ꞌe ꞌi te ꞌite ko rahi ꞌana te matahiti o tōꞌona ai pē ira, he ꞌui: —¿E haŋa rō ꞌā koe mo ora o tuꞌu māui-ui?

Rōmano 5:6

Hora era ꞌina he rāveꞌa toe o tātou o te taŋata mo eꞌa mai roto i te hara, i mate ai te ⌊Kiritō⌋ mo tātou, hora kī mau era ꞌā mo mate.

1 Kōrinto 9:24

Ko ꞌite ꞌana a kōrua: ꞌi te ꞌāꞌati tahuti, taꞌatoꞌa e tahuti ena, ꞌe ki te kope mau nō e tahi e topa ena te meꞌe vaꞌai ꞌo te tuꞌu raꞌe. Pē ira kōrua ana meꞌe ꞌi te ara o te ꞌAtua: e haka ꞌuhu e oho mo aŋa i te meꞌe haŋa o te ꞌAtua, pa he kope haka ꞌuhu mo rē i te ꞌāꞌati, ki topa atu ai ki a kōrua te meꞌe vaꞌai e ia.