Iovani 5:45 - Rapa Nui

⁴⁵ »ꞌIna kōrua ko manaꞌu he hāꞌaki kōrua e au ki tōꞌoku Matuꞌa; te kōrua hape ko tuhi era ꞌana e te meꞌe pāpaꞌi era e ⌊Mōtē⌋. A kōrua e manaꞌu ena: hai haka moe i te manaꞌu ꞌi ruŋa i rā meꞌe he ravaꞌa e kōrua i te ora.

Iovani 5:45 ပူးပေါင်းရင်းမြစ်များ

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».

Rōmano 2:12

Te nuꞌu taꞌatoꞌa hara taꞌe ꞌite o ruŋa i te haka tere iŋa ꞌa Mōtē ꞌe te nuꞌu taꞌatoꞌa hara ꞌite o ruŋa e ko taꞌe haka ūtuꞌa e te ꞌAtua, ꞌe te ūtuꞌa mo rāua taꞌatoꞌa he haka tapa mau rō ꞌāvai mai muri i a ia. Te meꞌe nō, te nuꞌu hara taꞌe ꞌite o ruŋa i rā haka tere iŋa, taꞌe hai rā haka tere iŋa ka haka ūtuꞌa ena e te ꞌAtua, ꞌe te nuꞌu hara ꞌite o ruŋa, hai rā haka tere iŋa mau ꞌā ka haka ūtuꞌa ena.

Iovani 7:19

»¿Taꞌe ꞌō ko vaꞌai atu ꞌana a ⌊Mōtē⌋ i te haka tere iŋa o te hūrio? ꞌE, ꞌina e tahi o kōrua i haꞌatura. ¿He aha ia a kōrua e haŋa ena mo tiŋaꞌi mai i a au?

Iovani 8:9

I ŋaroꞌa era i rā meꞌe e tū nuꞌu era, he haꞌamata he maraŋa he oho, te nuꞌu raꞌe i oho he nuꞌu ꞌata paꞌari. I topa era ararua ko rā viꞌe

Ruka 16:29

»He kī e ꞌAparahama: “Te meꞌe pāpaꞌi e Mōtē ꞌe e te perofeta e taiꞌo rō ꞌā ꞌi roto i te hare pure paurō te ⌊mahana haka ora⌋: ¡e haka roŋo ꞌe ꞌai ka haꞌatura rō!”.

Iovani 12:48

Te kope taꞌe haŋa mai ꞌe taꞌe haꞌatura ki tāꞌaku vānaŋa ko ai era ꞌana te meꞌe mo haka ūtuꞌa i a ia: he vānaŋa kī era e au. Hai rā vānaŋa ka haka ūtuꞌa ena ꞌi te mahana o te ture hopeꞌa.