Iovani 5:39 - Rapa Nui

³⁹ He rara nō te aŋa o kōrua o ruŋa i te meꞌe hāꞌaki ꞌi ruŋa i te ⌊Pāpaꞌi Moꞌa⌋ he manaꞌu e kōrua pē ira ana ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE, ka ai atu ꞌai ruŋa e vānaŋa rō ꞌana o ruŋa i a au,

Iovani 5:39 ပူးပေါင်းရင်းမြစ်များ

Māteo 22:29

He pāhono e Ietū: —¡Ko te hape i te kōrua manaꞌu pē nei ē: ꞌina he taŋata mate he ora haka ꞌou, he taꞌe ꞌite o kōrua i te meꞌe hāꞌaki o ruŋa i te ⌊Pāpaꞌi Moꞌa⌋ ꞌe i te roa o te pūai o te ꞌAtua!

Marko 10:3

He kī e Ietū: —¿He aha te meꞌe i pāpaꞌi e ⌊Mōtē⌋ o ruŋa i te haꞌataꞌa o te nuꞌu hāipo-ipo?

Marko 12:10

»¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te ⌊Pāpaꞌi Moꞌa⌋? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare.

Ruka 16:29

»He kī e ꞌAparahama: “Te meꞌe pāpaꞌi e Mōtē ꞌe e te perofeta e taiꞌo rō ꞌā ꞌi roto i te hare pure paurō te ⌊mahana haka ora⌋: ¡e haka roŋo ꞌe ꞌai ka haꞌatura rō!”.

Ruka 16:31

»He kī e ꞌAparahama: “Mo taꞌe haka roŋo ꞌe mo taꞌe haꞌatura i te meꞌe pāpaꞌi e Mōtē ꞌe e te perofeta, pē ira ꞌā ka taꞌe haka roŋo takoꞌa era ka ai atu he ora haka ꞌou te taŋata mai te mate”».

Ruka 24:25

He kī ia e Ietū: —¡Ko te aŋa riꞌa-riꞌa i a kōrua mo ⌊haka moe i te manaꞌu⌋ ꞌi ruŋa i te meꞌe taꞌatoꞌa pāpaꞌi e te perofeta o ruŋa i te ⌊Kiritō⌋!

Ruka 24:27

He haꞌamata ia he haka aŋi-aŋi he oho ki tū ŋā kope era i te meꞌe taꞌatoꞌa pāpaꞌi o ruŋa i a ia ꞌi ruŋa i te ⌊Pāpaꞌi Moꞌa⌋, i haꞌamata ai mai te ŋā puka pāpaꞌi era e ⌊Mōtē⌋ ki te puka taꞌatoꞌa pāpaꞌi e te perofeta.

Ruka 24:44

I oti era he kī: «Te meꞌe topa mai nei he meꞌe ko haka ꞌite atu era ꞌā e au ꞌi muꞌa ꞌā pē nei ē: te meꞌe taꞌatoꞌa pāpaꞌi e Mōtē, e te perofeta ꞌe ꞌi ruŋa i te puka o te hīmene o ruŋa i a au e haka tano tahi rō».

Iovani 1:45

He eꞌa he oho a Feripe ki a Natanaera ꞌe he kī: —Ko ꞌite ꞌana a mātou, ꞌi te hora nei, ko ai te kope haka ꞌite mai era e Mōtē ꞌi ruŋa i te ŋā puka pāpaꞌi era e ia, ꞌe haka ꞌite takoꞌa mai era e te perofeta. Ko Ietū rā kope, he poki ꞌa ⌊Kōsē⌋ era o Nātāreta.

Iovani 5:32

ꞌE, nā e ai rō ꞌana te mataꞌite vānaŋa riva-riva o ruŋa i a au, he Matuꞌa ōꞌoku, ꞌe ko ꞌite ꞌana e au: tāꞌana vānaŋa he aŋi mau ꞌā.

Iovani 5:36

Ka ai atu pē ira, e ai rō ꞌana te meꞌe ꞌata hau o te nui-nui ki te meꞌe haka ꞌite atu e Iovani mo haka takeꞌa atu i te parautiꞌa o ruŋa ōꞌoku. ꞌE ko rā meꞌe tāꞌaku meꞌe aŋa, he meꞌe kī mai e te Matuꞌa mo aŋa ꞌe nei meꞌe he mataꞌite: he aŋi mau ꞌā ꞌāꞌana a au i uŋa mai.

Iovani 5:40

ꞌina a kōrua he haŋa mo haka moe i te manaꞌu ꞌi ruŋa i a au ki ravaꞌa ai e kōrua i rā ora.

Iovani 5:46

ꞌĀhani ꞌō kōrua e haka moe parautiꞌa rō ꞌana i te manaꞌu ꞌi ruŋa i te meꞌe pāpaꞌi e Mōtē, he haka moe takoꞌa kōrua i te manaꞌu ꞌi ruŋa i a au; ko pāpaꞌi era ꞌana, paꞌi, e ia o ruŋa i a au.

Iovani 7:52

He pāhono e rā nuꞌu: —¿A koe takoꞌa o Karirea? Ka hāpī i te meꞌe hāꞌaki ꞌi ruŋa i te Pāpaꞌi Moꞌa ꞌe he takeꞌa e koe mau ꞌā ꞌina he perofeta o Karirea. [

Aŋa o te ꞌĀpōtoro 13:27

Te hūrio noho ꞌi Hērutarema, ꞌe te nuꞌu ra-rahi o rāua, ꞌina kai aŋi-aŋi ko ai mau a Ietū, ꞌe ꞌina kai aŋi-aŋi takoꞌa i te vānaŋa pāpaꞌi e te perofeta taiꞌo ꞌi roto i te hare pure hūrio ꞌi te mahana haka ora. Pē ira, ꞌi te hora haka ūtuꞌa i a Ietū i haka tano ai e rāua i te meꞌe haka ꞌite e te perofeta ꞌi muꞌa ꞌā.

Aŋa o te ꞌĀpōtoro 17:11

Te hūrio o te kona nei ꞌata hau te riva-riva o te manaꞌu ki te nuꞌu hūrio o Tētārōnika. A rāua, paꞌi, e haka roŋo rō ꞌā hai māhatu i te vānaŋa o te ꞌAtua, ꞌe e taiꞌo rō ꞌā paurō te mahana i te Pāpaꞌi Moꞌa mo uꞌi hoki he parautiꞌa te meꞌe kī e kuā Pauro.

Aŋa o te ꞌĀpōtoro 26:27

He hārui ia a Pauro he kī ki te ꞌariki: Ki taꞌa kī, ¿he parautiꞌa te meꞌe kī e te perofeta? Ko ꞌite ꞌana e au he parautiꞌa mōꞌou.

Rōmano 1:2

haka ꞌite ꞌi muꞌa ꞌā ki tāꞌana perofeta mo pāpaꞌi ꞌi ruŋa i te ⌊Pāpaꞌi Moꞌa⌋.

Rōmano 3:2

Meꞌe rahi nō atu. E tahi o rā ŋā meꞌe: he haka ꞌite o te ꞌAtua i tāꞌana vānaŋa ki te hūrio.

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

ꞌEvereo 11:16

Te meꞌe haŋa mau o rāua he kāiŋa ꞌata riva-riva, te auraꞌa, he kāiŋa era ꞌi te raŋi. ꞌO ira te ꞌAtua e taꞌe haꞌamā ena mo kī he ꞌAtua a ia o rāua; ko haka riva-riva ꞌana, paꞌi, e ia i te kona mo rāua mo noho.

ꞌEvereo 11:35

He haka moe i te manaꞌu ꞌi ruŋa i te ꞌAtua te tētahi ŋā viꞌe i ravaꞌa haka ꞌou ai i te rāua huaꞌai mai te mate ꞌe te tētahi nuꞌu i mā-mate ai i tōtōā he taꞌe haŋa mo hārui i te ꞌAtua hai tuaꞌivi ꞌi te tiaki ki te noho iŋa riva-riva ꞌi te raŋi ki ora haka ꞌou rāua mai te mate.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.