Iovani 5:34 - Rapa Nui

³⁴ ꞌIna he ꞌati mo taꞌe vānaŋa riva-riva e te taŋata o ruŋa i a au. E haka manaꞌu nō atu ꞌā tāꞌau i te meꞌe kī e ⌊Iovani⌋ ki haka moe ai kōrua i te kōrua manaꞌu ꞌi ruŋa i a au, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 5:34 ပူးပေါင်းရင်းမြစ်များ

Ruka 13:34

»¡E Hērutarema ē, e Hērutarema tiŋaꞌi i te perofeta, ꞌe tamaꞌi hai māꞌea i te nuꞌu uŋa e te ꞌAtua ē! ¡Ka hia rā nei mahana ōꞌoku i haŋa mo haka taka-taka i taꞌa ŋā poki, pa he haka taka-taka iŋa o te ꞌuha i tāꞌana māꞌaŋa ꞌi raro i te karā, ꞌe ꞌina koe he haŋa!

Ruka 19:10

Te ⌊Poki o te taŋata⌋, paꞌi, i oho mai ai mo kimi i te taŋata oho a te ara taꞌe tano mo haka huri i te manaꞌu ki te ꞌAtua, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Iovani 20:31

ꞌE te ŋā meꞌe nei i pāpaꞌi ai mo haka aŋi-aŋi atu: a Ietū he ⌊Kiritō⌋, he Poki o te ꞌAtua, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa hai ⌊haka moe i te manaꞌu⌋ ꞌi ruŋa i a ia.

Iovani 5:32

ꞌE, nā e ai rō ꞌana te mataꞌite vānaŋa riva-riva o ruŋa i a au, he Matuꞌa ōꞌoku, ꞌe ko ꞌite ꞌana e au: tāꞌana vānaŋa he aŋi mau ꞌā.

Iovani 5:41

»Te haꞌahana-hana mai o te taŋata tuꞌu pē kōrua mōꞌoku ꞌina e tahi hauhaꞌa.

Iovani 8:54

He pāhono e Ietū: —Mo haka nui-nui ōꞌoku i a au mau ꞌā, ꞌina e tahi hauhaꞌa. ꞌE te kope haka nui-nui i a au he Matuꞌa ōꞌoku, he kope kī e kōrua he ꞌAtua o kōrua.

Rōmano 10:1

E te taina, te meꞌe hopeꞌa ꞌāꞌaku o te haŋa e pure nei ki te ꞌAtua: mo eꞌa o tōꞌoku taŋata he itaraera mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

Rōmano 10:21

ꞌE mo te itaraera i kī takoꞌa ai e te ꞌAtua i haka pāpaꞌi ki a ꞌItaia: «Te aŋa nō ꞌāꞌaku he haka toro i tōꞌoku rima ki te hau haka ꞌāriŋa ꞌe taꞌe haka roŋo».

Rōmano 12:21

ꞌIna ko haꞌatiꞌa mo rē atu o te meꞌe taꞌe tano. E aŋa te meꞌe riva-riva, ki rē ai kōrua ki te meꞌe taꞌe tano.

Rōmano 3:3

Te parautiꞌa, tētahi nuꞌu hūrio ꞌina he aŋa i te rāua meꞌe kī mo aŋa. I ai era a rāua pē ira, ¿te auraꞌa hō, te ꞌAtua e ko aŋa takoꞌa i tāꞌana meꞌe kī mo aŋa?

1 Kōrinto 9:22

ꞌE ꞌi te hora ōꞌoku ꞌi roto i te nuꞌu kai hio-hio ꞌā te rāua haka moe iŋa i te manaꞌu ꞌi ruŋa i a Ietū, he haka tere takoꞌa a au i a au pē rāua, mo haka hio-hio i te rāua manaꞌu ꞌi ruŋa i a Ietū. Te roa: e haka tere nei a au i a au pa he taꞌatoꞌa nō, he rāveꞌa e tahi mo haka eꞌa i te tētahi o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Timoteo 4:16

E uꞌi riva-riva te huru o tuꞌu noho iŋa ꞌe te huru o tuꞌu hāpī iŋa i te rua; e haka hio-hio e oho nō koe i te ŋā meꞌe taꞌatoꞌa ena. Mo aŋa ōꞌou pē ira, taꞌe ko koe nō te meꞌe ka eꞌa ena mai roto i te ūtuꞌa o te hara, pē ira ꞌana te nuꞌu haka roŋo atu.

1 Iovani 5:9

Mo haka roŋo o tātou ki te meꞌe kī ꞌe mataꞌite e te taŋata, ¿pē hē ia a tātou ana taꞌe haka roŋo ki te vānaŋa kī e te ꞌAtua o ruŋa i tāꞌana poki era ko Ietū?