Iovani 5:23 - Rapa Nui

²³ ki haꞌamuri ai te taŋata taꞌatoꞌa ki te Poki pa he haꞌamuri iŋa ki te Matuꞌa. Te kope taꞌe moꞌa i te Poki ꞌina he moꞌa i te Matuꞌa uŋa mai i a ia.

Iovani 5:23 ပူးပေါင်းရင်းမြစ်များ

Māteo 10:37

»Mo ai o te kope ꞌata hau rō atu te haŋa ki tōꞌona matuꞌa tane, ki tōꞌona matuꞌa vahine ꞌo ki tāꞌana ŋā poki ki te haŋa mai ki a au, e ko tano mo taŋata hāpī ꞌāꞌaku.

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Māteo 12:21

ꞌE te nuꞌu o te henua taꞌatoꞌa he ŋatu te haŋu ꞌi ruŋa i a ia».

Māteo 15:8

“Te nuꞌu nei hai ŋutu mau nō e haꞌamuri mai nei, ꞌe te rāua māhatu ꞌi te kona kē nō atu.

Māteo 28:19

Ka oho kōrua ka haka ꞌite ki te nuꞌu o te kona taꞌatoꞌa o ruŋa i a au, ki riro ai a rāua he nuꞌu hāpī ꞌāꞌaku, ꞌe ꞌai ka ⌊papatito⌋ rō hai ꞌīŋoa o te Matuꞌa, o te Poki ꞌe o te ⌊Vārua Maitai⌋.

Ruka 10:16

He kī ia e Ietū ki tāꞌana nuꞌu hāpī: «Te nuꞌu haka roŋo atu e haka roŋo mai ꞌana; te nuꞌu taꞌe haŋa atu e taꞌe haŋa mai ꞌana; ꞌe te nuꞌu taꞌe haŋa mai e taꞌe haŋa ꞌana ki te kope uŋa mai i a au».

Iovani 14:1

«ꞌIna kōrua ko mana-manaꞌu ꞌo māui-ui te kōrua māhatu. Ka haka moe nō te kōrua manaꞌu ꞌi ruŋa i te ꞌAtua ꞌe ꞌi ruŋa i a au.

Iovani 16:14

»He haka nui-nui i a au hai toꞌo i tōꞌoku manaꞌu ꞌe hai haka ꞌite atu ki a kōrua.

Iovani 17:10

Te nuꞌu taꞌatoꞌa ꞌāꞌau ꞌāꞌaku takoꞌa, ꞌe te nuꞌu ꞌāꞌaku ꞌāꞌau takoꞌa, ꞌe hai rāua e takeꞌa ena te pūai ꞌe te nui-nui ōꞌoku.

Rōmano 15:12

I pāpaꞌi takoꞌa rō e te perofeta era ko ꞌItaia: «Mai te hakaara o te taŋata ko Hētē ka eꞌa mai ena te kope mo haka tere i te nuꞌu taꞌe he hūrio, ꞌe ꞌi ruŋa ka ŋatu ena i te rāua haŋu».

Rōmano 6:22

A kōrua ꞌi te hora nei taꞌe he tāvini toe o te hara, he tāvini o te ꞌAtua. Te meꞌe nei mo te kōrua riva-riva mau ꞌā; pē ira he tano he oho te kōrua noho iŋa ki te mata o te ꞌAtua, ꞌe, ꞌi te hora hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e ia.

Rōmano 8:9

ꞌE, a kōrua ꞌina he haka tere haka ꞌou hai manaꞌu taŋata; e haka tere ena hai Vārua Maitai ꞌo te ai nā ꞌi roto i a kōrua te Vārua o te ꞌAtua. Te nuꞌu ꞌina he Vārua o te ⌊Kiritō⌋ o roto i a rāua, taꞌe o te Kiritō.

1 Kōrinto 1:3

Ka ai ꞌi ruŋa i a kōrua te riva rahi ꞌe te haumārū o te ꞌAtua he Matuꞌa, ꞌe o te tātou Pūꞌoko Haka Tere ko Ietū Kiritō.

1 Kōrinto 10:31

E te taina, te tano mau: te meꞌe taꞌatoꞌa ena o kōrua mo aŋa, ꞌātā mo kai ꞌe mo unu, e aŋa tahi mo koa o te ꞌAtua ꞌe mo ꞌata moꞌa o te taŋata i a ia.

1 Kōrinto 16:22

Mo taꞌe haŋa o te kope e tahi ki te tātou Pūꞌoko Haka Tere ko Ietū Kiritō, mo te ꞌAtua e haka ūtuꞌa. ¡E te mātou Pūꞌoko Haka Tere ē, ka hōrou koe ka hoki mai!

1 Kōrinto 6:19

ꞌIna ko rehu, te tātou hakari pa he Kona Haꞌamuri o te Vārua Maitai vaꞌai mai e te ꞌAtua, ꞌe ꞌi roto e noho ena a ia. A tātou taꞌe o tātou ꞌā, o te ꞌAtua.

2 Kōrinto 1:9

I tuꞌu mau rō pa he meꞌe ena ē: he mā-mate mau ꞌā a mātou ꞌi ira. I topa mai ai te meꞌe nei mo ꞌite o mātou: ꞌi ruŋa i te ꞌAtua mau nō, kope haka ora i te taŋata mai te mate, ana haka moe mātou i te manaꞌu, ꞌe taꞌe ꞌō ꞌi ruŋa i a mātou mau ꞌā.

2 Kōrinto 5:14

Te meꞌe haka tere, paꞌi, i a mātou he haŋa o te Kiritō mo tātou mo te taŋata mai te hora aŋi-aŋi: he kope mau nō e tahi te meꞌe i mate mo te taꞌatoꞌa ꞌe e tuꞌu rō ꞌā pa he meꞌe ena ē: taꞌatoꞌa nō i mate ai.

2 Kōrinto 5:19

Hai mate era, paꞌi, o Ietū Kiritō ꞌi ruŋa i te tātaurō i aŋa ai e te ꞌAtua i te rāveꞌa mo haka riva-riva i te taŋata ki a ia ꞌe mo taꞌe tapa atu i te rāua hara. ꞌE ki a mātou i vaꞌai mai ai i te aŋa he haka ꞌite he oho i te roŋo nei.

Ēfeto 6:24

Ka ai te riva rahi o te ꞌAtua ꞌi ruŋa i te nuꞌu taꞌatoꞌa haŋa hai māhatu ki a Ietū Kiritō, Pūꞌoko Haka Tere o tātou.

2 Timoteo 1:12

ꞌO ira te ꞌati e topa mai nei ki a au. Ka ai atu pē ira, ꞌina a au he riꞌa-riꞌa. Ko ꞌite ꞌana, paꞌi, e au ꞌi ruŋa i a ai a au e haka noho nei i tōꞌoku manaꞌu, ꞌe ko aŋi-aŋi riva-riva ꞌana e au e ai rō ꞌana tōꞌona pūai mo hāpaꞌo ꞌe mo hāꞌūꞌū mai i te aŋa vaꞌai mai e ia ꞌātā ki te mahana o tōꞌona hoki iŋa mai.

ꞌEvereo 1:6

ꞌE ꞌi te rua kona, hora haka ꞌite era i tāꞌana ꞌAtariki ki te ao, i kī ai: «E haꞌamuri ki a ia te merahi taꞌatoꞌa o te ꞌAtua».

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

2 Pētero 3:18

Te meꞌe mau o kōrua mo aŋa he uꞌi mo māhani riva-riva ki te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa, ꞌe ꞌai kōrua ka noho ka oho rō ꞌi roto i tōꞌona haŋa. ¡Ki haꞌahana-hana tātou ki a ia ꞌi te hora nei ꞌe ꞌi te hora taꞌatoꞌa! Ka ai pē ira.

1 Iovani 2:23

Te kope taꞌe haŋa ki te Poki, taꞌe a ia o te ꞌAtua Matuꞌa. ꞌE te kope kī: o te Poki a ia, o te ꞌAtua Matuꞌa takoꞌa a ia.

2 Iovani 1:9

Te kope ꞌāmui hai hāpī kē i te hāpī parautiꞌa ꞌa Ietū ꞌina he ꞌAtua o muri i a ia, ꞌe te kope haka tano oho i a ia ki rā hāpī ꞌi muri i a ia te ꞌAtua Matuꞌa ꞌe te Poki.