Iovani 5:20 - Rapa Nui

²⁰ Te Matuꞌa e haŋa rahi rō ꞌana ki tāꞌana Poki ꞌe e haka takeꞌa tahi rō ꞌana i tāꞌana meꞌe aŋa. Pe muꞌa ka oho ena, he haka takeꞌa ki a ia i te meꞌe ꞌata nui-nui ꞌe, ka aŋa ena, he māere kōrua.

Iovani 5:20 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Māteo 17:5

E vānaŋa nō ꞌana a Pētero, i noho ai ꞌi ruŋa i a rāua te raŋi tea-tea ꞌuira e tahi, ꞌe mai roto i eꞌa ai e tahi reꞌo e kī era: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa. E haꞌatura kōrua ki a ia».

Māteo 3:17

He ŋaroꞌa i te reꞌo ka kī mai te raŋi: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa».

Māteo 4:8

ꞌI te hora hopeꞌa he maꞌu e Rukifero ki ruŋa i te maꞌuŋa hopeꞌa o te ruŋa nui. He haka takeꞌa i te henua taꞌatoꞌa o te ao ꞌe i te rāua hauhaꞌa

Ruka 10:22

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō, ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite».

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 10:32

ꞌe he meꞌe e Ietū: —Hai pūai o tōꞌoku Matuꞌa i aŋa ai a au meꞌe rahi atu meꞌe riva-riva ꞌi muꞌa o kōrua. ¿ꞌO meꞌe hē ia o rā ŋā meꞌe ka tamaꞌi mai ena kōrua i a au hai māꞌea?

Iovani 14:12

ꞌE ꞌī a au he kī atu: te kope haka moe i tōꞌona manaꞌu ꞌi ruŋa i a au, e aŋa takoꞌa rō i te meꞌe aŋa e au, ꞌe he aŋa takoꞌa i te meꞌe ꞌata hau rō atu hai oho ōꞌoku ki te kona era ꞌi ira te Matuꞌa.

Iovani 15:15

E ko kī haka ꞌou atu a au he tāvini kōrua; te tāvini, paꞌi, ꞌina he ꞌite i te manaꞌu o te kope haka aŋa i a ia. Mōꞌoku a kōrua he repahoa; ko haka ꞌite tahi atu ꞌana, paꞌi, a au i te meꞌe kī mai e tōꞌoku Matuꞌa.

Iovani 17:26

Ko haka ꞌite ꞌana e au ko ai koe, ꞌe ko te haka ꞌite ko te oho iŋa ꞌana a au, ki ai ai te haŋa ai i a koe mōꞌoku i a rāua takoꞌa, ꞌe ki ai ai a au ꞌi roto i a rāua».

Iovani 3:35

»E haŋa rahi rō ꞌana te Matuꞌa ki tāꞌana Poki, ꞌe ko vaꞌai ꞌana ki a ia i te parau o te meꞌe taꞌatoꞌa.

Iovani 5:21

»Pa he vaꞌai iŋa e te Matuꞌa ki te taŋata mate i te ora, pē ira takoꞌa te Poki ka vaꞌai ena i te ora ki te kope nō era ꞌāꞌana i haŋa.

Iovani 5:25

»Nā e tuꞌu rō te hora, ko te hora mau nei ꞌā, e ŋaroꞌa rō i te reꞌo o te Poki o te ꞌAtua e te nuꞌu mate, te auraꞌa, e te nuꞌu taꞌe tano ki te mata o te ꞌAtua. ꞌE nuꞌu nō era mo haka moe i te manaꞌu ꞌi ruŋa i a ia ꞌe ꞌi ruŋa i tāꞌana vānaŋa he ravaꞌa i te ora ꞌāpī ꞌina he hopeꞌa raꞌa.

Iovani 5:29

ꞌe he eꞌa tahi mai mai te rāua kona tanu. Te nuꞌu aŋa i te meꞌe riva-riva ki te mata o te ꞌAtua he ora haka ꞌou mai mo noho ꞌina he hopeꞌa raꞌa ꞌi muri i te ꞌAtua; ꞌe te nuꞌu aŋa i te meꞌe taꞌe tano ki tōꞌona mata he ora haka ꞌou mai mo haka ūtuꞌa e te ꞌAtua.

2 Pētero 1:17

I takeꞌa rō, paꞌi, e mātou i te pūai ꞌana-ꞌana ōꞌona hora haka paka era e te ꞌAtua Matuꞌa mai te raŋi pē nei ē: «A ia he poki haŋa rahi ꞌāꞌaku, ꞌi ruŋa i a ia tōꞌoku koa».