Iovani 5:19 - Rapa Nui

¹⁹ He kī ia e Ietū: «ꞌĪ a au he kī atu: Te Poki o te ꞌAtua e ko aŋa e tahi meꞌe hai manaꞌu ōꞌona hoko tahi nō; te meꞌe aŋa ꞌāꞌana he meꞌe takeꞌa mai tōꞌona Matuꞌa. Te meꞌe taꞌatoꞌa aŋa e te Matuꞌa he aŋa takoꞌa e te Poki.

Iovani 5:19 ပူးပေါင်းရင်းမြစ်များ

Māteo 26:39

He haka ꞌava-ꞌava a Ietū pe muꞌa, he tū-turi he noi ꞌātā ka puā rō te tira ki te ꞌōꞌone, he pure: «E Koro ōꞌoku ē, ana tano ki a koe, ka toꞌo te ꞌati nei mai ruŋa i a au. ꞌE, ka ai atu ꞌī ꞌāꞌaku meꞌe haŋa, ka haka tano hai meꞌe ꞌāꞌau i haŋa ꞌe taꞌe hai meꞌe ꞌāꞌaku».

Ruka 21:15

Māꞌaku e vaꞌai atu i te vānaŋa mārama-rama mo pāhono ki rā nuꞌu ꞌo ravaꞌa e tahi meꞌe mo kī i te kōrua reo-reo e te nuꞌu te rāua manaꞌu mau nō he tōtōā i a kōrua.

Iovani 10:18

Taꞌe hai pūai taŋata a au ka mate ena; māꞌaku mau ꞌā e vaꞌai i a au mo mate. I a au mau ꞌana, paꞌi, te parau mo vaꞌai i a au mo mate ꞌe mo ora haka ꞌou. Ko te meꞌe nei tāꞌaku meꞌe mo aŋa i kī mai ai e tōꞌoku Matuꞌa».

Iovani 12:49

»E vānaŋa atu era, paꞌi, a au taꞌe hai manaꞌu ōꞌoku ꞌā; o te Matuꞌa uŋa mai i a au i kī mai i tāꞌaku meꞌe mo haka ꞌite ꞌe mo hāpī.

Iovani 12:50

ꞌE ko ꞌite ꞌana e au: o tāꞌana roŋo te vaꞌai i te ora ꞌāpī ꞌina he hopeꞌa raꞌa. ꞌO ira, tāꞌaku meꞌe kī atu he meꞌe kī mau mai era ꞌā e tōꞌoku Matuꞌa mo haka ꞌite atu».

Iovani 14:10

¿Kai aŋi-aŋi ꞌana ꞌō e koe a māua ko te ꞌAtua Matuꞌa e tahi mau nō? Te meꞌe nei e au e kī atu ena taꞌe he meꞌe i manaꞌu e au. O te Matuꞌa nei ꞌi roto i a au te aŋa i tāꞌana meꞌe manaꞌu mo aŋa.

Iovani 2:19

He pāhono e Ietū: —Ka haka marere rā te kona nei, ꞌe e toru nō mahana ko haka tuꞌu haka ꞌou ꞌā e au.

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 5:21

»Pa he vaꞌai iŋa e te Matuꞌa ki te taŋata mate i te ora, pē ira takoꞌa te Poki ka vaꞌai ena i te ora ki te kope nō era ꞌāꞌana i haŋa.

Iovani 6:38

»I topa mai ai a au mai te raŋi taꞌe mo aŋa i tāꞌaku meꞌe haŋa, mo aŋa i te meꞌe haŋa o tōꞌoku Matuꞌa uŋa mai i a au.

Iovani 8:28

ꞌO ira i kī ai e Ietū: —Hora ena o kōrua ka veo ena i te ⌊Poki o te taŋata⌋ ꞌi ruŋa i te tātaurō, ka ꞌite iho ena e kōrua: a au ko tū kope kī mau atu era ꞌā e au, tāꞌaku meꞌe aŋa taꞌe hai manaꞌu ōꞌoku, ꞌe tāꞌaku meꞌe kī mau nō he meꞌe hāpī mai e tōꞌoku Matuꞌa.

Iovani 9:4

E ꞌōtea nō ꞌana, te auraꞌa, e ora nō ꞌā, he aŋa a tātou i te aŋa o te kope uŋa mai i a au. ꞌE, ka pō ena, te auraꞌa, ka mate ena, e ko riva haka ꞌou te taŋata mo aŋa.

Aŋa o te ꞌĀpōtoro 2:24

I oho era he haka ora e te ꞌAtua, he haka eꞌa mai te ꞌati o te mate i a Ietū; taꞌe, paꞌi, te mate mo rē ki a ia.

Rōmano 6:4

ꞌI te papatito e tuꞌu ena pa he meꞌe: i mate rō ꞌe i tanu rō a tātou ꞌi muri i a Ietū. ꞌE pa he haka ora iŋa e te ꞌAtua i a Ietū mai te mate hai pūai nui-nui ōꞌona, i haka eꞌa takoꞌa ai i a tātou ꞌi muri i a ia ki ai ai te tātou noho iŋa ꞌāpī.

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

1 Kōrinto 15:12

ꞌE mo ai te meꞌe hāpī o mātou pē nei ē: ko ora ꞌā a Ietū Kiritō mai te mate, ¿he aha ia tētahi o kōrua e kī ena: te nuꞌu mate e ko ora haka ꞌou?

2 Kōrinto 4:14

E ꞌite rō ꞌana, paꞌi, a mātou: te ꞌAtua haka ora era i a Ietū mai te mate, pe muꞌa ka oho ena he haka ora takoꞌa i a mātou, ꞌe pē ira ꞌana i a kōrua, ꞌo te ai o tātou ꞌāꞌana. ꞌE ananake tātou ka maꞌu ena e te ꞌAtua ki muri i a ia.

2 Kōrinto 5:10

A tātou taꞌatoꞌa, paꞌi, hoko tahi hoko tahi ka māroa ena ꞌi muꞌa o te ⌊Kiritō⌋, mo kī mai e ia i te tano ꞌe i te taꞌe tano o te tātou meꞌe aŋa, ꞌe mo vaꞌai mai e ia i te meꞌe tano ki te huru o te meꞌe i aŋa ꞌi te hora e noho nō ꞌā hai hakari nei, ka ai atu he meꞌe riva-riva ꞌo he meꞌe taꞌe tano te meꞌe i aŋa.

Ēfeto 2:5

ꞌe, ka ai atu a tātou pa he nuꞌu mate mo te meꞌe ꞌāꞌana ꞌo te noho o tātou ꞌi roto i te hara, i vaꞌai nō mai e te ꞌAtua i te ora ꞌāpī ꞌina he hopeꞌa raꞌa ꞌo te ai o tātou ꞌa Ietū Kiritō. (Hai riva rahi mau nō, paꞌi, o te ꞌAtua, ko eꞌa ꞌana a kōrua mai roto i te ūtuꞌa o te hara ꞌe ko ravaꞌa ꞌana i te ora ꞌāpī ꞌina he hopeꞌa raꞌa).

Ēfeto 3:16

ꞌe he ani a au ki a ia mo hāꞌūꞌū atu, hai pūai taꞌe pau ōꞌona ꞌe hai Vārua Maitai, mo haka hio-hio i te kōrua manaꞌu ꞌi ruŋa i a Ietū.

Fīripo 3:21

ꞌe he kope haka riro i te hakari mate nei o tātou pa he hakari era ꞌā ōꞌona, hakari pūai ꞌina e ko mate; i a ia, paꞌi, te pūai mo aŋa i te meꞌe taꞌatoꞌa.

Fīripo 4:13

Meꞌe nō era mo topa mai, e ꞌite nō e au mo maꞌu, māuru-uru ki a Ietū Kiritō, kope haka pūai mai i a au.

Kōrosa 1:11

ꞌI roto i te mātou pure e no-noꞌi rō ꞌana a mātou ki te ꞌAtua mo haka haŋu atu i a kōrua hai pūai nui-nui ōꞌona. Pē ira he ꞌite kōrua mo ꞌamo hai pūai, hai haumārū ꞌe hai koa i te ꞌati taꞌatoꞌa nō era mo topa atu ꞌi ruŋa i a kōrua

Kōrosa 1:16

O te ꞌAtua i haka aŋa ki te Kiritō i te meꞌe taꞌatoꞌa e ai ena: te meꞌe ꞌi ruŋa i te raŋi ꞌe te meꞌe ꞌi ruŋa i te henua, te meꞌe takeꞌa ꞌe te meꞌe taꞌe takeꞌa koia ko te rāua pūꞌoko haka tere taꞌatoꞌa. Te meꞌe taꞌatoꞌa i aŋa ai e te ꞌAtua hai ia ꞌe māꞌana.

1 Tētārōnika 4:14

Pa he meꞌe ꞌite e tātou: a Ietū i mate rō ꞌe i ora haka ꞌou rō mai, pē ira takoꞌa a tātou e ꞌite nei: te ꞌAtua e haka ora rō i te nuꞌu mate haka moe i te manaꞌu ꞌi ruŋa i a Ietū, ꞌe e hokorua rō rāua i a Ietū.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.