Iovani 5:18 - Rapa Nui

¹⁸ Hai meꞌe nei i ꞌata riri ai rā nuꞌu mo Ietū ꞌe he haŋa mo tiŋaꞌi, taꞌe nō ꞌō ꞌo te taꞌe moꞌa i te mahana haka ora, ꞌo te kī takoꞌa: te ꞌAtua he Matuꞌa ōꞌona, ꞌe hai rā kī iŋa i haka tuꞌu ai he ꞌAtua mau ꞌā a ia.

Iovani 5:18 ပူးပေါင်းရင်းမြစ်များ

Māteo 12:5

ꞌE ¿taꞌe ꞌō ko taiꞌo ꞌana a kōrua ꞌi ruŋa i te ⌊haka tere iŋa ꞌa Mōtē⌋: ꞌina te oromatuꞌa he haka ora mai te rāua aŋa o roto i te ⌊Kona Haꞌamuri ꞌAtua⌋ ꞌi te mahana haka ora ꞌe, ka ai atu pē ira, ꞌina he hara?

Iovani 1:19

He vānaŋa nei ꞌa Iovani ꞌi te hora uŋa e te nuꞌu hōnui ⌊hūrio⌋ i te ⌊oromatuꞌa⌋ ꞌe i te ⌊rēvita⌋ mai Hērutarema mo ꞌite ko ai mau a Iovani. He ꞌui e rā nuꞌu: —¿He Kiritō rō koe?

Iovani 10:30

ꞌE, a māua ko te Matuꞌa e tahi mau nō.

Iovani 10:33

He pāhono e te hūrio: —E ko tamaꞌi atu a mātou i a koe hai māꞌea ꞌo taꞌa meꞌe riva-riva aŋa. Ka tamaꞌi atu ena ꞌo tuꞌu vānaŋa taꞌe tano mo te ꞌAtua. He haka tuꞌu ōꞌou i a koe he ꞌAtua; a koe, paꞌi, he taŋata mau ena.

Iovani 14:23

He pāhono e Ietū: —Te kope haŋa mai ki a au he haka roŋo ꞌe he haꞌatura ki tāꞌaku vānaŋa. He haŋa e tōꞌoku Matuꞌa ꞌe he oho a māua ko te Matuꞌa he noho tahi mātou.

Iovani 14:9

He pāhono e Ietū: —E Ripe, ꞌi muri i a kōrua ꞌana a au, ꞌe, ¿kai aŋi-aŋi ꞌā e koe ko ai a au? Te kope takeꞌa i a au ko takeꞌa ꞌā i te Matuꞌa. ¿He aha ia a koe e kī mai ena mo haka takeꞌa atu ōꞌoku i te Matuꞌa?

Iovani 19:7

He pāhono e te nuꞌu hūrio ra-rahi: —E ai rō ꞌana te haka tere iŋa e tahi o mātou, ꞌe, ki rā haka tere, te kī o te kope e tahi he Poki a ia o te ꞌAtua he hape taparahi-taꞌata. Te ūtuꞌa mo te hape nei he tiŋaꞌi he haka mate.

Iovani 5:15

He oho ia rā taŋata he ꞌaꞌamu ki te hūrio ra-rahi: a Ietū a ia i haka ora.

Iovani 5:16

He riri ia rā nuꞌu mo Ietū ꞌo te haka ora i te nuꞌu māui-ui ꞌi te mahana haka ora.

Iovani 5:17

Ka ai atu pē ira, he kī e Ietū ki tū nuꞌu hūrio ra-rahi era: «Tōꞌoku Matuꞌa e aŋa e oho nō ꞌā, ꞌe pē ira takoꞌa ꞌana a au».

Iovani 5:23

ki haꞌamuri ai te taŋata taꞌatoꞌa ki te Poki pa he haꞌamuri iŋa ki te Matuꞌa. Te kope taꞌe moꞌa i te Poki ꞌina he moꞌa i te Matuꞌa uŋa mai i a ia.

Iovani 7:1

I oti era he oho a Ietū ki kona era ki kona era o Karirea. Kai haŋa mo oho ki Hūrea ꞌi te meꞌe era te nuꞌu ⌊hūrio⌋ ra-rahi o ira e haŋa ꞌā mo tiŋaꞌi i a ia.

Iovani 7:19

»¿Taꞌe ꞌō ko vaꞌai atu ꞌana a ⌊Mōtē⌋ i te haka tere iŋa o te hūrio? ꞌE, ꞌina e tahi o kōrua i haꞌatura. ¿He aha ia a kōrua e haŋa ena mo tiŋaꞌi mai i a au?

Iovani 8:54

He pāhono e Ietū: —Mo haka nui-nui ōꞌoku i a au mau ꞌā, ꞌina e tahi hauhaꞌa. ꞌE te kope haka nui-nui i a au he Matuꞌa ōꞌoku, he kope kī e kōrua he ꞌAtua o kōrua.

Iovani 8:58

He pāhono e Ietū: —ꞌĪ a au he kī atu i te parautiꞌa: ko ai era ꞌana a au i poreko mai ai a ꞌAparahama.

Fīripo 2:6

pē nei ē: Ka ai atu a ia he ꞌAtua, i haŋa nō mo haka rē i rā tōroꞌa

Meꞌe Haka Takeꞌa 22:1

He haka takeꞌa mai ia e tū merahi era i te rio maꞌitaki e tahi mai ira e eꞌa era te vai vaꞌai i te ora ꞌāpī ꞌina he hopeꞌa raꞌa. Rā vai pa he hiꞌo ꞌā te māꞌeha, ꞌe mai te kona pepe noho ꞌariki o te ꞌAtua ꞌe o te Māmoe e eꞌa era.

Meꞌe Haka Takeꞌa 22:3

ꞌIna e tahi meꞌe taꞌe tano ki te mata o te ꞌAtua mo oꞌo ki te ao ꞌāpī nei. Te pepe noho ꞌariki o te ꞌAtua ꞌe o te Māmoe ꞌi Hērutarema ꞌāpī nei e noho ena, ꞌe te rāua tāvini ki a rāua e haꞌamuri ena.