Iovani 5:17 - Rapa Nui

¹⁷ Ka ai atu pē ira, he kī e Ietū ki tū nuꞌu hūrio ra-rahi era: «Tōꞌoku Matuꞌa e aŋa e oho nō ꞌā, ꞌe pē ira takoꞌa ꞌana a au».

Iovani 5:17 ပူးပေါင်းရင်းမြစ်များ

Māteo 10:29

»Ko ꞌite ꞌana e kōrua e hoꞌo rō ꞌā e rua manu riki-riki hai tara ꞌaurī taꞌe hauhaꞌa rahi. Ka ai atu pē ira, ꞌina e ko mate korohaŋa e tahi mo taꞌe ai ko haꞌatiꞌa hia ꞌā e te kōrua Matuꞌa o te raŋi.

Iovani 10:36

¿he aha ia a kōrua e kī ena ko kī ꞌana a au i te vānaŋa taꞌe tano mo te ꞌAtua hora kī era ōꞌoku he Poki au o te ꞌAtua? ꞌĀꞌana, paꞌi, a au i haꞌataꞌa mo te aŋa nei ꞌe i uŋa mai ki te ao nei.

Iovani 14:10

¿Kai aŋi-aŋi ꞌana ꞌō e koe a māua ko te ꞌAtua Matuꞌa e tahi mau nō? Te meꞌe nei e au e kī atu ena taꞌe he meꞌe i manaꞌu e au. O te Matuꞌa nei ꞌi roto i a au te aŋa i tāꞌana meꞌe manaꞌu mo aŋa.

Iovani 5:16

He riri ia rā nuꞌu mo Ietū ꞌo te haka ora i te nuꞌu māui-ui ꞌi te mahana haka ora.

Iovani 5:18

Hai meꞌe nei i ꞌata riri ai rā nuꞌu mo Ietū ꞌe he haŋa mo tiŋaꞌi, taꞌe nō ꞌō ꞌo te taꞌe moꞌa i te mahana haka ora, ꞌo te kī takoꞌa: te ꞌAtua he Matuꞌa ōꞌona, ꞌe hai rā kī iŋa i haka tuꞌu ai he ꞌAtua mau ꞌā a ia.

Iovani 9:4

E ꞌōtea nō ꞌana, te auraꞌa, e ora nō ꞌā, he aŋa a tātou i te aŋa o te kope uŋa mai i a au. ꞌE, ka pō ena, te auraꞌa, ka mate ena, e ko riva haka ꞌou te taŋata mo aŋa.

Aŋa o te ꞌĀpōtoro 14:17

Ka ai atu pē ira, kai taꞌe haka ꞌite ko ai a ia hai meꞌe riva-riva aŋa; ꞌāꞌana, paꞌi, te haka hoa i te ꞌua, te haka riva-riva i te kai ꞌoka, ꞌe te vaꞌai ki te taŋata ka ꞌī rō te meꞌe mo kai ꞌe mo koa».

Aŋa o te ꞌĀpōtoro 17:28

Hai ꞌAtua, paꞌi, a tātou e ora nei, e makenu nei ꞌe e ai nei ꞌi ruŋa i te henua. Pē nei te tētahi nuꞌu pāpaꞌi pātaꞌu-taꞌu o kōrua i kī ai: “He poki a tātou o te ꞌAtua”.

1 Kōrinto 12:6

ꞌE, huru kē huru kē te meꞌe aŋa e tātou hai pūai o te ꞌAtua. Ka ai atu pē ira, o te kope mau nō e tahi te vaꞌai mai i rā pūai, o te ꞌAtua.

Kōrosa 1:16

O te ꞌAtua i haka aŋa ki te Kiritō i te meꞌe taꞌatoꞌa e ai ena: te meꞌe ꞌi ruŋa i te raŋi ꞌe te meꞌe ꞌi ruŋa i te henua, te meꞌe takeꞌa ꞌe te meꞌe taꞌe takeꞌa koia ko te rāua pūꞌoko haka tere taꞌatoꞌa. Te meꞌe taꞌatoꞌa i aŋa ai e te ꞌAtua hai ia ꞌe māꞌana.

1 Tētārōnika 2:13

E māuru-uru rō ꞌā a mātou ki te ꞌAtua ꞌo te ai hora ŋaroꞌa era e kōrua i te roŋo haka ꞌite atu e mātou o ruŋa i a ia, he ꞌite e kōrua pē nei ē: he roŋo ꞌāꞌana, taꞌe ꞌō he roŋo o te taŋata. ꞌE he roŋo parautiꞌa mau ꞌā o te ꞌAtua, roŋo aŋa i te meꞌe haŋa e ia ꞌi roto i a kōrua i te nuꞌu haka moe i te manaꞌu ꞌi ruŋa i a Ietū.

ꞌEvereo 1:3

Te ꞌana-ꞌana ꞌe te pūai nui-nui o te ꞌAtua e takeꞌa ena ꞌi ruŋa i tāꞌana Poki; a ia he ꞌāriŋa mau ꞌā o te ꞌAtua, ꞌe ꞌāꞌana te haka noho i te meꞌe taꞌatoꞌa o te ao ꞌi tōꞌona kona hai kī mau nō e ia. I tuꞌu mai era ki te ao nei, he aŋa tahi i tāꞌana meꞌe taꞌatoꞌa mo aŋa mo haka kore e te ꞌAtua i te tātou hara. I oti tahi era nei aŋa, he hoki ki te raŋi ꞌe he noho ꞌi te pāꞌiŋa mataꞌu o te ꞌAtua.