Iovani 5:14 - Rapa Nui

¹⁴ I oho era he piri haka ꞌou a Ietū ki rā kope ꞌi te ⌊Kona Haꞌamuri ꞌAtua⌋ ꞌe he kī: «Ka haka roŋo mai. Nā ko ora ꞌā tuꞌu māui-ui. ꞌIna koe ko hara haka ꞌou ꞌo topa atu te ꞌati ꞌata paŋahaꞌa».

Iovani 5:14 ပူးပေါင်းရင်းမြစ်များ

Māteo 12:45

He oho rā tātane he tari ki ira e hitu tātane ꞌata hau ꞌi te taparahi-taꞌata ki a ia, he uru he noho tahi ꞌi roto i tū taŋata era, ꞌe he ꞌata ꞌati rā taŋata ki te hora raꞌe era. Pē ira ka topa takoꞌa ena ki te nuꞌu o te hora nei, he nuꞌu aŋa i te meꞌe taꞌe tano.

Marko 2:5

I takeꞌa era e Ietū te haka moe iŋa o rā nuꞌu i te rāua manaꞌu ꞌi ruŋa i a ia mo te ora o tū māui-ui era, he kī ki rā kope: «E haŋu, ko haka kore ꞌā tuꞌu hara».

Iovani 5:13

Kai ꞌite ia e rā taŋata ꞌa ꞌai a ia i haka ora ꞌo te ai ko ŋaro ꞌana a Ietū ꞌi roto i te rahi o te taŋata.

Iovani 5:5

ꞌI roto i rā nuꞌu māui-ui era te taŋata e tahi ka toru ꞌahuru mā vaꞌu matahiti o tōꞌona māui-ui.

Iovani 8:11

He pāhono e tū viꞌe era: —ꞌIna. He kī e Ietū: —ꞌIna takoꞌa a au e ko haka ūtuꞌa atu. Ka eꞌa koe ka oho, ꞌe ꞌina ko hara haka ꞌou.]

1 Pētero 4:3

A kōrua, matahiti rahi i aŋa i oho ai i te meꞌe aŋa e te nuꞌu taꞌe haŋa ki te ꞌAtua. Te noho iŋa o kōrua ꞌi rā hora noho iŋa taꞌe tano: e aŋa ꞌana i te meꞌe taꞌe tano pohe e te hakari, i te ŋoŋoro taꞌe hāito i te kai ꞌe i te ꞌava, ꞌe e haꞌamuri ꞌana ki te ꞌītoro, meꞌe hano-hano mo te ꞌAtua.