Iovani 4:9 - Rapa Nui

⁹ ꞌI te meꞌe era ꞌina he ⌊hūrio⌋ he vānaŋa ki te nuꞌu o Tāmāria, he pāhono e rā viꞌe: —¿Pē hē ia koe te hūrio e no-noꞌi mai ena ki a au ki te viꞌe tāmāria mo vaꞌai atu hai vai?

Iovani 4:9 ပူးပေါင်းရင်းမြစ်များ

Māteo 10:5

He uŋa ia e Ietū i te nuꞌu nei e hoꞌe ꞌahuru mā piti koia ko kī: «ꞌIna kōrua ko oho ki te kona noho o te nuꞌu taꞌe he hūrio ꞌe ki te kona taꞌatoꞌa o te tāmāria.

Ruka 10:33

»He vari ia te taŋata e tahi o Tāmāria. I takeꞌa era i rā kope he haka ꞌaroha.

Iovani 4:27

E vānaŋa nō ꞌana ararua i tuꞌu rō atu ai te nuꞌu hāpī ꞌāꞌana. He māere ꞌo te ai e vānaŋa ꞌana a Ietū ararua ko te viꞌe e tahi. ꞌE, ꞌina e tahi i haŋa mo ꞌui he aha tāꞌana meꞌe haŋa, ꞌe he aha e vānaŋa era ki rā viꞌe.

Iovani 8:48

He kī ia e te hūrio ra-rahi: —¿Ko takeꞌa ꞌā? He aŋi mau ꞌā te mātou meꞌe kī: o ⌊Tāmāria⌋ koe ꞌe ꞌi roto i a koe te tātane.

Aŋa o te ꞌĀpōtoro 1:8

Ka turu mai ena ki ruŋa i a kōrua te Vārua Maitai, he ai te kōrua pūai mo eꞌa mo vānaŋa i te parautiꞌa o ruŋa i a au ꞌi Hērutarema, ꞌi te kona taꞌatoꞌa o Hūrea ꞌe o ⌊Tāmāria⌋, ꞌe ꞌātā ki te ŋā kona hopeꞌa ena o te roa.

Aŋa o te ꞌĀpōtoro 10:28

He kī: —Ko ꞌite ꞌana a kōrua: te mātou haka tere iŋa ꞌina he haꞌatiꞌa i te hūrio mo piri ki te hau kē ꞌo mo uru ki te rāua hare. ꞌE, te ꞌAtua ko haka aŋi-aŋi mai ꞌā: ꞌina a au ko uꞌi i te taŋata o te hau kē pa he taŋata taꞌe tano mo repahoa ōꞌoku.

Aŋa o te ꞌĀpōtoro 10:32

Ka uŋa ki te kona era ko Hope mo kī mo oho mai o te taŋata e tahi te ꞌīŋoa ko Tīmona, kī takoꞌa ko Pētero. Nā e noho rō ꞌā ꞌi te hare o te kope aŋa kiri te ꞌīŋoa takoꞌa ko Tīmona, tōꞌona hare ꞌi te taha-taha tai”.