Iovani 4:53 - Rapa Nui

⁵³ He aŋi-aŋi ia e rā taŋata ko tū hora kī mau era ꞌā e Ietū: «Ko ora ꞌana te māui-ui o taꞌa poki». ꞌE he haka moe rō ꞌai te manaꞌu ꞌi ruŋa i a Ietū, ꞌe pē ira ꞌā te nuꞌu taꞌatoꞌa o tōꞌona hare.

Iovani 4:53 ပူးပေါင်းရင်းမြစ်များ

Māteo 8:13

I oti era he kī e Ietū ki tū kape rōmano era: —Ka oho koe ki tuꞌu hare, ꞌe ka ai pa he meꞌe haka moe ena e koe i te manaꞌu. ꞌI tū hora mau era ꞌana he ora rō ꞌai tū tāvini era.

Ruka 19:9

He kī e Ietū: —ꞌI ꞌaŋarīnā te nuꞌu o te hare nei i eꞌa ai mai roto i te ūtuꞌa o te hara ꞌe i ravaꞌa ai i te ora ꞌāpī ꞌina he hopeꞌa raꞌa vaꞌai e te ꞌAtua; te taŋata nei, ꞌi te huri ꞌe ꞌi te haka moe i tōꞌona manaꞌu ꞌi ruŋa i te ꞌAtua, i haka takeꞌa mai ai he hakaara mau ꞌā o ⌊ꞌAparahama⌋.

Iovani 4:51

E oho nō ꞌana ki tōꞌona hare he piri tāꞌana nuꞌu tāvini ꞌi te ara ꞌe he kī: «¡Ko ora ꞌana te māui-ui o te poki!».

Iovani 4:52

He ꞌui e tū taŋata era: «¿Hora aha i haꞌamata i ora ai te māui-ui?». He pāhono e rā nuꞌu: «ꞌI ꞌaŋataiahi pe te hora hoꞌe o te ahi-ahi i kore ai te vera o te hakari».

Aŋa o te ꞌĀpōtoro 11:14

Māꞌana e kī atu pē hē a koe ꞌe te nuꞌu taꞌatoꞌa o tuꞌu hare ana eꞌa mai te ūtuꞌa o te hara ꞌe ana ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua”.

Aŋa o te ꞌĀpōtoro 16:15

I haka ⌊papatito⌋ rō i a ia ananake ko te nuꞌu taꞌatoꞌa o tōꞌona hare. I oti era he kī mai: «Mo ai a au he viꞌe haka moe parautiꞌa i te manaꞌu ꞌi ruŋa i a Ietū mo kōrua, ka oho mai ia kōrua ka noho ꞌi tōꞌoku hare». He haka koni he oho mai ꞌātā ka oho rō a mātou ꞌi muri.

Aŋa o te ꞌĀpōtoro 16:34

I oti era he vaꞌai hai kai. Rā taŋata ananake ko tū nuꞌu taꞌatoꞌa era ko koa atu ꞌana ꞌo te haka moe i te manaꞌu ꞌi ruŋa i te ꞌAtua.

Aŋa o te ꞌĀpōtoro 18:8

A Kīripo, pūꞌoko haka tere o te hare pure nei, kai roa, he ⌊haka moe i te manaꞌu⌋ ꞌi ruŋa i a Ietū ananake ko te nuꞌu taꞌatoꞌa o tōꞌona hare. ꞌE meꞌe rahi nuꞌu haka ꞌou o Kōrinto ŋaroꞌa i te roŋo riva-riva o te ꞌAtua he haka moe takoꞌa i te rāua manaꞌu ꞌi ruŋa i a Ietū, ꞌe he haka ⌊papatito⌋ i a rāua.

Aŋa o te ꞌĀpōtoro 2:39

Te hōrea era o ruŋa o te Vārua Maitai mo kōrua, mo te kōrua ŋā poki, ꞌe mo te nuꞌu e roa rō ꞌana, te auraꞌa, mo te nuꞌu taꞌatoꞌa kī e te ꞌAtua mo oho ki a ia.