Iovani 4:41 - Rapa Nui

⁴¹ I ŋaroꞌa era mai i a ia mau ꞌā i tāꞌana meꞌe kī, ko ꞌata rahi atu ꞌana te nuꞌu haka moe i te manaꞌu ꞌi ruŋa i a ia.

Iovani 4:41 ပူးပေါင်းရင်းမြစ်များ

Ruka 4:32

He māere te nuꞌu ꞌi te huru o tōꞌona hāpī iŋa; e vānaŋa era pa he taŋata i a ia te parau o te meꞌe taꞌatoꞌa.

Iovani 4:40

I tuꞌu era rā nuꞌu, he ani ki a Ietū mo noho ꞌi muri i a rāua, ꞌe he noho ꞌi ira e rua mahana.

Iovani 4:42

ꞌE he kī e te nuꞌu ki rā viꞌe: «Hora nei ko haka moe ꞌana a mātou i te manaꞌu ꞌi ruŋa i a ia, taꞌe nō ꞌō ꞌo tū meꞌe kī mai era e koe, ꞌo te ai takoꞌa ko ŋaroꞌa ꞌana e mātou mau ꞌana i a ia, ꞌe ko ꞌite ꞌā e mātou ko ia mau ꞌā te kope mo haka eꞌa i a tātou i te taŋata mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa».

Iovani 6:63

ꞌĪ a au he kī atu: o te ⌊Vārua Maitai⌋ te vaꞌai i te ora ꞌāpī; taꞌe hai haŋu taŋata ana ravaꞌa. Te meꞌe vānaŋa atu era e au o te Vārua Maitai, ꞌe hai rā vānaŋa e vaꞌai ena e ia i te ora ꞌāpī ki te taŋata.

Iovani 7:46

He pāhono e tū ŋā mūtoꞌi era: —¡Kai ai ꞌā e tahi taŋata vānaŋa pē ia!

Aŋa o te ꞌĀpōtoro 1:8

Ka turu mai ena ki ruŋa i a kōrua te Vārua Maitai, he ai te kōrua pūai mo eꞌa mo vānaŋa i te parautiꞌa o ruŋa i a au ꞌi Hērutarema, ꞌi te kona taꞌatoꞌa o Hūrea ꞌe o ⌊Tāmāria⌋, ꞌe ꞌātā ki te ŋā kona hopeꞌa ena o te roa.

Aŋa o te ꞌĀpōtoro 15:3

Te nuꞌu uŋa nei e te taina o Antiokia, i vari era a te kona o Fenitia ꞌe o ⌊Tāmāria⌋, he ꞌaꞌamu he oho pē hē te nuꞌu taꞌe he hūrio i haka rē ai i te rāua haka tere iŋa mo haka moe i te manaꞌu ꞌi ruŋa i a Ietū. He koa rō atu ꞌai te taina taꞌatoꞌa ꞌi tū parau ꞌāpī era.

Aŋa o te ꞌĀpōtoro 8:12

I haꞌamata i haka moe era te nuꞌu i te rāua manaꞌu ꞌi ruŋa i te roŋo riva-riva haka ꞌite e Feripe o te ⌊haka tere iŋa ꞌāpī o te ꞌAtua⌋ ꞌe o ruŋa o Ietū Kiritō, mai te viꞌe ki te taŋata i haka ⌊papatito⌋ ai i a rāua.

Aŋa o te ꞌĀpōtoro 8:25

I oti era o kuā Pētero te vānaŋa o ruŋa i a Ietū ꞌe te haka ꞌite i te roŋo riva-riva o te ꞌAtua ꞌi rā kona, he haka ꞌite he oho takoꞌa i te roŋo o te ꞌAtua ꞌi te meꞌe rahi nō atu kona o Tāmāria, ꞌe ꞌai ka hoki ka oho ararua ki Hērutarema.

ꞌEvereo 4:13

ꞌIna e tahi meꞌe o te meꞌe aŋa e te ꞌAtua mo taꞌe takeꞌa e ia; tōꞌona mata ꞌi ruŋa i te meꞌe taꞌatoꞌa, ꞌe ki a ia tātou ka kī ena i te tātou meꞌe i aŋa.