Iovani 4:39 - Rapa Nui

³⁹ I rahi rō te nuꞌu o rā kona o Tāmāria i haka moe i te manaꞌu ꞌi ruŋa i a Ietū ꞌo tū meꞌe kī era e rā viꞌe pē nei ē: «Ko kī tahi mai ꞌana i tāꞌaku meꞌe i aŋa ki ꞌaŋarīnā».

Iovani 4:39 ပူးပေါင်းရင်းမြစ်များ

Māteo 10:5

He uŋa ia e Ietū i te nuꞌu nei e hoꞌe ꞌahuru mā piti koia ko kī: «ꞌIna kōrua ko oho ki te kona noho o te nuꞌu taꞌe he hūrio ꞌe ki te kona taꞌatoꞌa o te tāmāria.

Iovani 1:37

I ŋaroꞌa era i rā vānaŋa, he eꞌa he oho rā ŋā kope ꞌi tuꞌa.

Iovani 11:45

Meꞌe rahi o tū nuꞌu hūrio oho era ꞌi muri i a kuā Māria, i takeꞌa era i tū meꞌe aŋa era e Ietū, he haka moe rō ꞌai i te manaꞌu ꞌi ruŋa i a ia.

Iovani 4:29

«Ka oho mai kōrua ka uꞌi i te taŋata e tahi ko kī tahi mai ꞌana i tāꞌaku meꞌe aŋa ki ꞌaŋarīnā. He Kiritō ꞌō pēaha».

Iovani 4:30

He eꞌa tahi te taŋata mai te rāua kona noho he oho ki te kona era ꞌi ira a Ietū.

Iovani 4:38

Ko uŋa ꞌana a au i a kōrua mo kato i te kai mai te kona taꞌe o kōrua i ꞌoka, o te tētahi. O rāua i haꞌamata te aŋa he haka ꞌite i te vānaŋa o te ꞌAtua, ꞌe o kōrua i haka mao i te aŋa he kato i te nuꞌu haka moe i te manaꞌu ꞌi ruŋa i a au».

Iovani 4:40

I tuꞌu era rā nuꞌu, he ani ki a Ietū mo noho ꞌi muri i a rāua, ꞌe he noho ꞌi ira e rua mahana.

Iovani 4:42

ꞌE he kī e te nuꞌu ki rā viꞌe: «Hora nei ko haka moe ꞌana a mātou i te manaꞌu ꞌi ruŋa i a ia, taꞌe nō ꞌō ꞌo tū meꞌe kī mai era e koe, ꞌo te ai takoꞌa ko ŋaroꞌa ꞌana e mātou mau ꞌana i a ia, ꞌe ko ꞌite ꞌā e mātou ko ia mau ꞌā te kope mo haka eꞌa i a tātou i te taŋata mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa».

Iovani 4:5

He tuꞌu ia ki te kona e tahi o Tāmāria te ꞌīŋoa ko Tīkara hāhine ki te henua vaꞌai e ⌊Hākovo⌋, ꞌi muꞌa ꞌā, ki tāꞌana poki ko ⌊Kōsē⌋.