Iovani 4:21 - Rapa Nui

²¹ He pāhono e Ietū: —Ka haka roŋo mai. Nā ko hāhine ꞌā te mahana e ko tātake haka ꞌou ꞌi hē te kona tano mo haꞌamuri ki te ꞌAtua, hoki ꞌi nei ꞌo ꞌi Hērutarema.

Iovani 4:21 ပူးပေါင်းရင်းမြစ်များ

Māteo 18:20

Mo taka-taka e rua ꞌo e toru taŋata hai ꞌīŋoa ōꞌoku, ꞌi vāeŋa o rāua a au.

Māteo 28:19

Ka oho kōrua ka haka ꞌite ki te nuꞌu o te kona taꞌatoꞌa o ruŋa i a au, ki riro ai a rāua he nuꞌu hāpī ꞌāꞌaku, ꞌe ꞌai ka ⌊papatito⌋ rō hai ꞌīŋoa o te Matuꞌa, o te Poki ꞌe o te ⌊Vārua Maitai⌋.

Ruka 21:24

E ai rō te nuꞌu o ira ka mate ena ꞌi te hoe, ꞌe tētahi atu he ꞌa-ꞌaru he maꞌu ki te rua henua; he tōtōā i a Hērutarema ꞌe he haka tere e te nuꞌu taꞌe he hūrio ꞌātā ki te roa o te mahana i haꞌatiꞌa e te ꞌAtua.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 16:2

A kōrua nā he haka eꞌa mau rō ꞌai mai roto i te ⌊hare pure hūrio⌋; ꞌe ꞌātā e tuꞌu rō te mahana te kope nō era mo tiŋaꞌi mo haka mate i a kōrua he manaꞌu e aŋa ꞌana i te meꞌe haŋa e te ꞌAtua.

Iovani 16:32

Nā he tuꞌu mai te hora, ko te hora mau nei ꞌā, he maraŋa tahi kōrua ki te kōrua kona, ꞌe he haka rē kōrua i a au hoko tahi nō. Nōatu. Taꞌe a au hoko tahi nō; ararua māua ko te Matuꞌa.

Iovani 4:23

E tuꞌu rō te hora, ko te hora mau nei ꞌā, te nuꞌu haꞌamuri parautiꞌa ki te ꞌAtua e haꞌamuri rō hai māhatu ꞌe hai hāꞌūꞌū o te ⌊Vārua Maitai⌋. Pē ira te haꞌamuri haŋa mau o te ꞌAtua Matuꞌa.

Iovani 5:25

»Nā e tuꞌu rō te hora, ko te hora mau nei ꞌā, e ŋaroꞌa rō i te reꞌo o te Poki o te ꞌAtua e te nuꞌu mate, te auraꞌa, e te nuꞌu taꞌe tano ki te mata o te ꞌAtua. ꞌE nuꞌu nō era mo haka moe i te manaꞌu ꞌi ruŋa i a ia ꞌe ꞌi ruŋa i tāꞌana vānaŋa he ravaꞌa i te ora ꞌāpī ꞌina he hopeꞌa raꞌa.

Iovani 5:28

»E uꞌi kōrua ꞌo māere rō ꞌi te meꞌe nei. Nā e tuꞌu rō te hora he ŋaroꞌa e te nuꞌu mā-mate taꞌatoꞌa i tōꞌona reꞌo

Aŋa o te ꞌĀpōtoro 6:14

Ko ŋaroꞌa ꞌā e mātou e kī ꞌana: te Ietū era o Nātāreta he haka hiŋa i te kona moꞌa nei o te ꞌAtua ꞌe he huri takoꞌa i te hāpī haka rē mai e Mōtē».

Ēfeto 2:18

Hai meꞌe aŋa era e Ietū Kiritō e riva nō tātou, te hūrio ꞌe te nuꞌu taꞌe hūrio, mo haka hāhine ki te ꞌAtua Matuꞌa hai ⌊Vārua Maitai⌋ vaꞌai mai e ia.

Ēfeto 3:14

E haka topa nei au i tōꞌoku manaꞌu ki te meꞌe taꞌatoꞌa nei, he tū-turi a au he pure ki te ꞌAtua Matuꞌa,

1 Timoteo 2:8

Te meꞌe haŋa ꞌāꞌaku: e pure te ŋāŋata ꞌi te kona taꞌatoꞌa, e maꞌu te rima a ruŋa mo pure ki te ꞌAtua hai māhatu maꞌitaki, taꞌe hai riri ꞌe taꞌe hai ꞌaka-ꞌaka o te manaꞌu.

1 Pētero 1:17

A kōrua e kī rō ꞌana: te ꞌAtua he Matuꞌa o kōrua. ꞌO ira, e moꞌa ꞌe e haꞌatura ki a ia ꞌi te taꞌatoꞌa nō hora o te noho iŋa ꞌi te ao nei. ꞌĀꞌana, paꞌi, te kī i te tano ꞌe i te taꞌe tano o te taŋata hai huru o te rāua meꞌe aŋa, ꞌe mōꞌona te taŋata pē tū huru tahi ꞌā.

Meꞌe Haka Takeꞌa 21:22

ꞌIna kai takeꞌa e au ꞌi ira e tahi kona haꞌamuri ꞌAtua. ¿Mo aha atu ꞌā? ꞌI ira, paꞌi, e noho ena te ꞌAtua hopeꞌa o te pūai, ꞌe te Māmoe.