Iovani 4:14 - Rapa Nui

¹⁴ ꞌe, te kope unu i te vai vaꞌai e au, e ko pohe haka ꞌou. Te vai vaꞌai e au ꞌi roto i a ia pa he kona tehe vai ꞌina he oti ꞌe mai ira he ravaꞌa e ia i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 4:14 ပူးပေါင်းရင်းမြစ်များ

Māteo 25:46

He kī ia e Ietū: —Te hopeꞌa mo te nuꞌu o te pāꞌiŋa maui he ūtuꞌa ꞌina he hopeꞌa raꞌa, ꞌe mo te nuꞌu o te pāꞌiŋa mataꞌu tano ki te mata o te ꞌAtua he ora ꞌina he hopeꞌa raꞌa.

Māteo 5:6

Ko te koa i te nuꞌu te rāua meꞌe haŋa mau nō he tano o te haka tere iŋa o te taŋata ki te mata o te ꞌAtua; te ꞌAtua e haka tano rō i rā meꞌe.

Iovani 10:10

»Te toke-toke e oho mai ena mo toke, mo tiŋaꞌi mo haka mate ꞌe mo tōtōā; ꞌe, a au i oho mai ai mo ravaꞌa e kōrua i te ora ꞌāpī ꞌina he hopeꞌa raꞌa, ꞌe mo noho o kōrua e koa rō ꞌā ꞌe e haꞌamaitai rō ꞌā e te ꞌAtua.

Iovani 11:26

ꞌE te taŋata ora haka moe i te manaꞌu ꞌi ruŋa i a au, ki te hora hopeꞌa e ko haka tapa mai muri i te ꞌAtua. ¿E haka moe rō ꞌana koe i tuꞌu manaꞌu ꞌi ruŋa i te meꞌe nei?

Iovani 4:10

He pāhono e Ietū: —ꞌĀhani ꞌō e ꞌite rō ꞌā koe he aha te meꞌe haŋa o te ꞌAtua mo vaꞌai atu, ꞌe ꞌāhani takoꞌa e ꞌite rō ꞌā koe ko ai te meꞌe nei e no-noꞌi atu ena ki te vai, ko no-noꞌi ꞌana ia e koe ki a ia hai vai, ꞌe he vaꞌai atu i te vai vaꞌai i te ora ꞌāpī ꞌina he hopeꞌa raꞌa.

Iovani 4:11

He kī e rā viꞌe: —Raro nui rahi te pū nei ꞌe ꞌina e tahi aꞌa meꞌe mo ꞌu-ꞌutu mai. ¿Mai hē ia koe ka vaꞌai mai ena i te vai ora ena?

Iovani 4:13

He pāhono e Ietū: —Te nuꞌu taꞌatoꞌa unu i te vai nei he pohe haka ꞌou ki te vai;

Iovani 4:36

»Te nuꞌu kato i te kai e ꞌauhau rō ꞌā, ꞌe te kai kato era he ravaꞌa e rāua i te ora ꞌāpī ꞌina he hopeꞌa raꞌa. Pē ira te nuꞌu ꞌoka (te auraꞌa, te nuꞌu haka ꞌite i te vānaŋa o te ꞌAtua) ka koa ena ananake ko te nuꞌu o rāua i kato i te nuꞌu ⌊haka moe i te manaꞌu⌋ ꞌi ruŋa i a au.

Iovani 6:27

ꞌIna kōrua ko aŋa ki te kai ena e pau rō ꞌā, ki te kai ꞌina e ko pau vaꞌai i te ora ꞌāpī ꞌina he hopeꞌa raꞌa kōrua ana aŋa. Ko te kai ena te kai mo vaꞌai atu e te ⌊Poki o te taŋata⌋ ꞌo te ai te ꞌAtua, he Matuꞌa, ko vaꞌai ꞌana ki a ia i te parau mo vaꞌai atu.

Iovani 6:35

He kī e Ietū: —Ko au te haraoa vaꞌai i te ora. Te kope oho mai ki a au e ko maruaki haka ꞌou; ꞌe te kope haka moe i tōꞌona manaꞌu ꞌi ruŋa i a au e ko pohe haka ꞌou ki te vai.

Iovani 6:58

E vānaŋa atu ena a au o ruŋa o te haraoa parautiꞌa topa mai mai te raŋi. Te tupuna i kai rō i te mānā ꞌe, ka ai atu pē ira, i mā-mate rō. ꞌE te kope mo kai i te haraoa nei he ora mau rō ꞌāvai».

Iovani 7:37

Te mahana hopeꞌa o tū ŋoŋoro era, he mahana ꞌata hau o te nui-nui. ꞌI rā mahana he māroa a Ietū he kī pūai: «Te kope pohe ki te vai e oho mai ki a au, ꞌe te kope haka moe i tōꞌona manaꞌu ꞌi ruŋa i a au e unu. Pa he meꞌe kī ꞌi ruŋa i te ⌊Pāpaꞌi Moꞌa⌋: mai roto i rā kope ka tehe ena pa he rio te vai vaꞌai i te ora ꞌāpī ꞌina he hopeꞌa raꞌa o te ꞌAtua».

Rōmano 5:21

Te meꞌe ravaꞌa e te taŋata mai te hara he mate, he haꞌataꞌa mau rō ꞌāvai mai te ꞌAtua. ꞌE te meꞌe ravaꞌa mai te riva rahi o te ꞌAtua he tano ki tōꞌona mata ꞌe he ora ꞌāpī ꞌina he hopeꞌa raꞌa hai meꞌe aŋa era ꞌi ruŋa i te tātaurō e te tātou Pūꞌoko Haka Tere ko Ietū Kiritō.

Rōmano 6:23

Te meꞌe vaꞌai mai e te hara he mate, he haꞌataꞌa mau rō ꞌāvai mai muri i te ꞌAtua. ꞌE te meꞌe vaꞌai mai e te ꞌAtua he ora ꞌāpī ꞌina he hopeꞌa raꞌa ꞌi muri i a ia ꞌi te ai o tātou ꞌa Ietū Kiritō, Pūꞌoko Haka Tere o tātou.

2 Kōrinto 1:22

Te ꞌAtua ko vaꞌai mai ꞌana i te ⌊Vārua Maitai⌋ pa he tāpaꞌo haka ꞌite mai: a tātou ꞌāꞌana. ꞌE, ꞌi te ai o te Vārua Maitai ꞌi roto i a tātou, e ꞌite nei: te meꞌe taꞌatoꞌa hōrea mai era e te ꞌAtua e haka tano tahi rō.

Ēfeto 4:30

ꞌIna ko haka māui-ui te māhatu o te Vārua Maitai hai aŋa i te meꞌe taꞌe tano; hai ia, paꞌi, te ꞌAtua i tāpaꞌo ai i a kōrua pa he taŋata ꞌāꞌana mo te mahana pe muꞌa ka oho ena ka haka oti ena e te ꞌAtua i tāꞌana meꞌe haꞌamata aŋa: he haka eꞌa mau rō ꞌāvai i a kōrua mai roto i te hara.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 7:16

E ko maruaki haka ꞌou, e ko pohe haka ꞌou ki te vai, e ko vera haka ꞌou ꞌi te pūai o te raꞌā, ꞌe ꞌina e ko ꞌati ꞌi te veꞌa-veꞌa

Meꞌe Haka Takeꞌa 7:17

ꞌo te ai te Māmoe era ꞌi vāeŋa o te kona pepe ꞌariki era he hāpaꞌo i a rāua pa he taŋata hāpaꞌo māmoe e hāpaꞌo ꞌana i tāꞌana māmoe. Māꞌana e maꞌu ki te kona vai vaꞌai i te ora ꞌāpī ꞌina he hopeꞌa raꞌa, ꞌe mo te ꞌAtua e haroꞌi i te rāua matavai.