Iovani 4:10 - Rapa Nui

¹⁰ He pāhono e Ietū: —ꞌĀhani ꞌō e ꞌite rō ꞌā koe he aha te meꞌe haŋa o te ꞌAtua mo vaꞌai atu, ꞌe ꞌāhani takoꞌa e ꞌite rō ꞌā koe ko ai te meꞌe nei e no-noꞌi atu ena ki te vai, ko no-noꞌi ꞌana ia e koe ki a ia hai vai, ꞌe he vaꞌai atu i te vai vaꞌai i te ora ꞌāpī ꞌina he hopeꞌa raꞌa.

Iovani 4:10 ပူးပေါင်းရင်းမြစ်များ

Ruka 11:13

Mo ꞌite ia a kōrua mo vaꞌai i te meꞌe riva-riva ki te kōrua ŋā poki, ka ai atu kōrua he nuꞌu hara, ¿e ko taꞌe vaꞌai hō e te Matuꞌa o te raŋi i te ⌊Vārua Maitai⌋ ki te nuꞌu no-noꞌi ki a ia?».

Iovani 16:3

Te ŋā meꞌe nei ka aŋa atu ena ki a kōrua ꞌo te taꞌe ꞌite ko ai a au ꞌe ko ai te Matuꞌa.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 3:16

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

Iovani 4:14

ꞌe, te kope unu i te vai vaꞌai e au, e ko pohe haka ꞌou. Te vai vaꞌai e au ꞌi roto i a ia pa he kona tehe vai ꞌina he oti ꞌe mai ira he ravaꞌa e ia i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 6:35

He kī e Ietū: —Ko au te haraoa vaꞌai i te ora. Te kope oho mai ki a au e ko maruaki haka ꞌou; ꞌe te kope haka moe i tōꞌona manaꞌu ꞌi ruŋa i a au e ko pohe haka ꞌou ki te vai.

Iovani 6:51

Ko au mau ꞌana te haraoa ora topa mai era mai te raŋi; te kope kai i te haraoa nei he ravaꞌa i te ora ꞌāpī ꞌina he hopeꞌa raꞌa. ꞌE nei haraoa he hakari mau nei ꞌā ōꞌoku. He vaꞌai e au mo ravaꞌa e te taŋata o te henua taꞌatoꞌa i te ora ꞌāpī».

Aŋa o te ꞌĀpōtoro 9:11

He kī e Ietū: —Ka eꞌa koe ka oho ki te ara te ꞌīŋoa ko Tī-tika, ꞌe ꞌi te hare o Hura ana ꞌui ki te nuꞌu o ira ki te taŋata o Taraso te ꞌīŋoa ko Sauro. ꞌAi a ia e pure ꞌā,

Rōmano 8:32

I ai era i vaꞌai nō mai i tāꞌana Poki mo mate mo tātou, ¿pē hē ia ana taꞌe vaꞌai takoꞌa mai i te meꞌe taꞌatoꞌa?

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 10:4

ꞌe i haka unu rō hai vai haka eꞌa mai roto i te māꞌea. Te māꞌea nei ko Ietū hokorua i a rāua ꞌi te ara.

2 Kōrinto 9:15

¡Ki māuru-uru tahi tātou ki te ꞌAtua ꞌo te vaꞌai mai i te hauhaꞌa hopeꞌa o te nui-nui, hauhaꞌa ꞌina he vānaŋa mo haꞌaauraꞌa, he Poki ena ꞌāꞌana!

Ēfeto 2:8

ꞌI te riva rahi o te ꞌAtua ko haka eꞌa ꞌana i a tātou mai roto i te ūtuꞌa o te hara ꞌo te haka moe o tātou i te manaꞌu ꞌi ruŋa i a Ietū. Taꞌe he meꞌe i ravaꞌa e tātou, he meꞌe o te ꞌAtua i vaꞌai mai,

ꞌEvereo 6:4

Te nuꞌu haka māꞌeha e te ꞌAtua i te manaꞌu o ruŋa i te parautiꞌa aŋi-aŋi i te riva rahi o te ꞌAtua, i te pūai o te ⌊Vārua Maitai⌋,

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 21:6

I oti era he kī haka ꞌou mai: «Nā ko aŋa tahi ꞌā. A au he Haꞌamata ꞌe he Hopeꞌa. ꞌE te kope haŋa ki te vai he vaꞌai e au, taꞌe e ꞌauhau, mai te kona tehe o te vai vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 22:17

Te ⌊Vārua Maitai⌋ ꞌe te viꞌe hāipo-ipo o te Māmoe pē nei e kī ena: «¡Ka oho mai!». ꞌE te kope ŋaroꞌa i te meꞌe nei, ka kī: «¡Ka oho mai!». ꞌE te kope pohe ki te vai ꞌe haŋa mo unu, ka oho mai ka unu i te vai taꞌe e ꞌauhau vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 7:17

ꞌo te ai te Māmoe era ꞌi vāeŋa o te kona pepe ꞌariki era he hāpaꞌo i a rāua pa he taŋata hāpaꞌo māmoe e hāpaꞌo ꞌana i tāꞌana māmoe. Māꞌana e maꞌu ki te kona vai vaꞌai i te ora ꞌāpī ꞌina he hopeꞌa raꞌa, ꞌe mo te ꞌAtua e haroꞌi i te rāua matavai.