Iovani 4:1 - Rapa Nui

¹ I ꞌite era ia a Ietū ko ꞌite ꞌana te ⌊fariseo⌋ ꞌata rahi tāꞌana nuꞌu hāpī ꞌe ꞌata rahi te nuꞌu papatito e ia ki a ⌊Iovani⌋

Iovani 4:1 ပူးပေါင်းရင်းမြစ်များ

Ruka 1:76

He vānaŋa ia a Taharia ki tāꞌana poki: «E haŋu ꞌāꞌaku ē, e kī rō i a koe he perofeta o te ꞌAtua, ꞌo te ai māꞌau e haka riva-riva i te ara o te Kiritō

Ruka 19:31

Mo ꞌui atu e te nuꞌu mo aha kōrua e kume ena, e kī: “O te mātou Pūꞌoko Haka Tere ko Ietū i kī mai”».

Ruka 19:34

He pāhono e tū nuꞌu hāpī era: —O te mātou Pūꞌoko Haka Tere ko Ietū i kī mai.

Ruka 2:11

ꞌI ꞌaŋarīnā, ꞌi te kona poreko o Tāvita ko Vērene, i poreko ai te ⌊Kiritō⌋, he Pūꞌoko Haka Tere o tātou; māꞌana e haka eꞌa i te taŋata mai roto i te ūtuꞌa o te hara ꞌe e vaꞌai i te ora ꞌāpī ꞌina he hopeꞌa raꞌa o te ꞌAtua.

Ruka 7:13

I takeꞌa era e Ietū i rā viꞌe, he haka ꞌaroha ꞌe he kī: «ꞌIna koe ko taŋi».

Ruka 7:19

ꞌe he haka uŋa mo ꞌui ki a Ietū hoki ko ia mau ꞌā te ⌊Kiritō⌋, kope era mo tuꞌu mai, ꞌo e tiaki nō ki te rua.

Iovani 3:22

Ko oti atu ꞌana te meꞌe nei, he oho a Ietū ananake ko tāꞌana nuꞌu hāpī ki Hūrea. He noho ꞌi ira meꞌe rahi mahana he ⌊papatito⌋ i te taŋata.

Iovani 3:26

He oho ia rā nuꞌu he kī ki a Iovani: —E te Maꞌori, tū kope era ꞌi muri i a koe ꞌi te rua pāꞌiŋa o te rio era ko Horotana, haka ꞌite mai era e koe o ruŋa i a ia, ꞌai e papatito ꞌana, ꞌe e rahi rō ꞌā te nuꞌu oho ki a ia.

Aŋa o te ꞌĀpōtoro 10:36

»Te ꞌAtua i haka ꞌite rō mai ki a mātou ki te itaraera o ruŋa i te rāveꞌa pē hē ana riva-riva haka ꞌou te taŋata ki a ia hai Ietū Kiritō, he Pūꞌoko Haka Tere o te taꞌatoꞌa nō taŋata.

1 Kōrinto 1:17

Te Kiritō ꞌina kai uŋa mai i a au mo papatito i te taŋata; mo haka ꞌite i te parau ꞌāpī riva-riva o ruŋa i a ia i uŋa mai ai, ꞌe taꞌe ꞌō hai vānaŋa nehe-nehe mo haka takeꞌa i tōꞌoku mārama-rama, pa he meꞌe aŋa e te taŋata o te ao, ꞌo taꞌe hauhaꞌa te mate o Ietū ꞌi ruŋa i te tātaurō.

1 Kōrinto 15:47

Te taŋata raꞌe era ko ꞌĀtamu hai ꞌōꞌone i aŋa ai, ꞌi te meꞌe era o te ao nei a ia. ꞌE te rua ꞌĀtamu ko Ietū Kiritō, ꞌe a ia o te raŋi.

1 Kōrinto 2:8

Rā meꞌe manaꞌu era e te ꞌAtua mo aŋa ꞌina kai aŋi-aŋi e te nuꞌu pūꞌoko haka tere o te ao nei. ꞌĀhani, paꞌi, a rāua i aŋi-aŋi, e ko veo ꞌi ruŋa i te tātaurō i te tātou Pūꞌoko Haka Tere, kope i a ia te parau o te meꞌe taꞌatoꞌa.

2 Kōrinto 4:5

ꞌIna a mātou he haka ꞌite he oho o ruŋa i a mātou. E haka ꞌite nei o ruŋa i a Ietū Kiritō, he Pūꞌoko Haka Tere o te taꞌatoꞌa. Te meꞌe mau nō haka ꞌite e mātou o ruŋa i a mātou: he tāvini mātou o te taꞌatoꞌa ꞌi te haŋa o mātou ki a Ietū.

Tanatiako 2:1

E te taina ōꞌoku ē, a kōrua, te nuꞌu ⌊haka moe i te manaꞌu⌋ ꞌi ruŋa i te tātou Pūꞌoko Haka Tere hōnui ko Ietū Kiritō, e uꞌi ꞌo haꞌataꞌa rō i te taŋata hai manaꞌu taŋata.

Meꞌe Haka Takeꞌa 19:16

ꞌI ruŋa i tōꞌona kahu ꞌe ꞌi ruŋa i tōꞌona hūhā e pāpaꞌi rō ꞌā te ꞌīŋoa nei: «He ꞌAriki o te ꞌariki, he Pūꞌoko Haka Tere o te pūꞌoko haka tere taꞌatoꞌa».