Iovani 3:5 - Rapa Nui

⁵ He pāhono e Ietū: —ꞌĪ a au he kī atu: te taŋata mo taꞌe poreko mai roto i te vai ꞌe mai te ⌊Vārua Maitai⌋, e ko oꞌo ki roto i te haka tere iŋa ꞌāpī o te ꞌAtua.

Iovani 3:5 ပူးပေါင်းရင်းမြစ်များ

Māteo 18:3

ꞌe he kī: —ꞌĪ a au he kī atu: mo taꞌe huri o te kōrua manaꞌu pa he ŋā poki, e ko oꞌo kōrua ki roto i te haka tere iŋa ꞌāpī o te ꞌAtua.

Māteo 19:24

ꞌE he kī haka ꞌou atu a au: i hau rō atu ꞌi te aŋarahi mo te taŋata ꞌono mo haka rē i a ia mo haka tere e te ꞌAtua, ki te oꞌo o te kameio a roto i te mata o te ivi.

Māteo 21:31

¿Ko ai o roto i te ŋā poki era i aŋa i te meꞌe haŋa o tōꞌona matuꞌa? —He kope raꞌe era —i pāhono ai e rā nuꞌu. ꞌE he kī e Ietū: —Te parautiꞌa, te ⌊nuꞌu haka ꞌauhau i te taŋata hai moni mo te rōmano⌋ ꞌe te ŋā viꞌe taiꞌo ꞌi raꞌe ka oꞌo ena ki a kōrua ki roto i te ⌊haka tere iŋa ꞌāpī o te ꞌAtua⌋.

Māteo 28:19

Ka oho kōrua ka haka ꞌite ki te nuꞌu o te kona taꞌatoꞌa o ruŋa i a au, ki riro ai a rāua he nuꞌu hāpī ꞌāꞌaku, ꞌe ꞌai ka ⌊papatito⌋ rō hai ꞌīŋoa o te Matuꞌa, o te Poki ꞌe o te ⌊Vārua Maitai⌋.

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Māteo 5:20

ꞌĪ a au he kī atu: mo taꞌe ai o te kōrua aŋa iŋa i te meꞌe tī-tika ki te mata o te ꞌAtua ꞌata hau ki te maꞌori o te haka tere ⌊hūrio⌋ ꞌe o te ⌊fariseo⌋, e ko oꞌo kōrua ki roto i te haka tere iŋa ꞌāpī o te ꞌAtua.

Marko 10:14

I takeꞌa era e Ietū, he riri ꞌe he kī: «Ka haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋ mo te nuꞌu pa he ŋā poki.

Marko 16:16

Te kope haka moe i te manaꞌu ꞌi ruŋa i a au ꞌe haka ⌊papatito⌋ i a ia he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a au, he haka ūtuꞌa e te ꞌAtua.

Marko 9:47

»ꞌE mo haka hara i a koe e tuꞌu mata e tahi, ka ka-karo ka hoa mai ruŋa i a koe; e hau rō atu, paꞌi, mōꞌou te oꞌo ki roto i te ao haka tere e te ꞌAtua e tahi nō mata, ki te ai ararua uꞌu mata ꞌe he hoa i a koe ki roto i te pōꞌauahi,

Ruka 13:24

«E uꞌi kōrua e uru a roto i te ꞌōpani vako-vako. ꞌĪ a au he kī atu: nuꞌu rahi te nuꞌu haŋa mo uru ki roto i te ao haka tere e te ꞌAtua ꞌe nuꞌu taꞌe rahi ka oꞌo ena.

Ruka 13:3

Taꞌe pē ira. A kōrua mau ena ꞌā, mo taꞌe huri o te manaꞌu ki te ꞌAtua, he mate ꞌe he haꞌataꞌa mau rō ꞌāvai mai muri i a ia.

Ruka 13:5

Taꞌe pē ira. A kōrua mau ena ꞌā, mo taꞌe huri o te manaꞌu ki te ꞌAtua, he mate ꞌe he haꞌataꞌa mau rō ꞌāvai mai muri i a ia».

Iovani 1:13

A rāua he ŋā poki o te ꞌAtua taꞌe ꞌō ꞌo te poreko mai roto i te viꞌe ararua ko te taŋata, ꞌo te ai ko poreko haka ꞌou ꞌā mai te ꞌAtua.

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 3:4

He ꞌui e Nikoremo: —¿Pē hē ia te taŋata paꞌari ana poreko haka ꞌou? ¿E tano mau rō mo uru haka ꞌou ki roto i te manava o tōꞌona matuꞌa vahine ꞌe ꞌai ka poreko haka ꞌou mai?

Aŋa o te ꞌĀpōtoro 2:38

He pāhono e Pētero: —Ka huri te kōrua manaꞌu ki te ꞌAtua, ka haka tapa mai roto i te hara ꞌe ꞌai ka haka ⌊papatito⌋ rō hai ꞌīŋoa o Ietū Kiritō mo haka ꞌite ko haka moe ꞌā i te manaꞌu ꞌi ruŋa i a Ietū, ki haka kore ai e te ꞌAtua i te kōrua hara. Pē ira he vaꞌai atu e ia i te Vārua Maitai.

Aŋa o te ꞌĀpōtoro 3:19

»ꞌO ira, ⌊ka huri te manaꞌu ki te ꞌAtua⌋ ꞌe ꞌai ka haka tapa rō mai roto i te hara, ki haka kore atu ai e ia i te kōrua hara.

Rōmano 14:17

Taꞌe, paꞌi, o ruŋa o te kai ꞌe o ruŋa i te meꞌe mo unu te haka tere iŋa o te ꞌAtua; o ruŋa i te meꞌe he tano o te taŋata ꞌe o te rāua noho iŋa ki tōꞌona mata hai koa ꞌe hai haumārū o te ⌊Vārua Maitai⌋.

Rōmano 8:2

ꞌi te meꞌe era te Vārua Maitai, vaꞌai i te ora ki te nuꞌu ꞌa Ietū Kiritō, haka tere i a tātou ꞌi te hora nei, ko haka eꞌa ꞌana i a tātou mai roto i te pūai o te hara maꞌu i a tātou ki te mate.

1 Kōrinto 15:50

Te kī, e te taina ē: te hakari mate nei o tātou e ko tano ꞌi te ao haka tere e te ꞌAtua, he kona taꞌe ai o te mate.

1 Kōrinto 2:12

ꞌIna i a tātou i te nuꞌu ⌊haka moe i te manaꞌu⌋ ꞌi ruŋa i a Ietū, te manaꞌu iŋa ena o te taŋata o te ao. Te meꞌe i a tātou he Vārua Maitai vaꞌai mai e te ꞌAtua, mo aŋi-aŋi he aha te meꞌe taꞌatoꞌa vaꞌai mai e ia ꞌi tōꞌona riva rahi.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.

Karatia 6:15

ꞌE, ki te mata o te ꞌAtua, ꞌina e tahi hauhaꞌa o te meꞌe he hore ꞌo he taꞌe hore o te kiri o te kinoŋa. Te meꞌe hauhaꞌa mōꞌona he haka ꞌāpī atu i a koe e te Vārua Maitai.

Ēfeto 5:26

I aŋa ai a Ietū i te meꞌe nei mo haka riro i a tātou i te nuꞌu taꞌatoꞌa haka moe i te manaꞌu ꞌi ruŋa i a ia he nuꞌu ꞌina e tahi hape ki te mata o te ꞌAtua hai ⌊papatito⌋ ꞌe hai vānaŋa era ꞌāꞌana,

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.

1 Pētero 3:21

ꞌE nei meꞌe e tuꞌu rō ꞌā pa he eꞌa iŋa o tātou mai roto i te ūtuꞌa o te hara he mate, meꞌe e haꞌaauraꞌa nei hai ⌊papatito⌋. ꞌE nei papatito taꞌe e haka maꞌitaki ꞌā i te hakari; e kī ꞌā ki te ꞌAtua pē nei ē: e ko haka rē a tātou i a ia ki te hora hopeꞌa ꞌi te ꞌite e tātou ko haka kore ꞌana e ia i te tātou hara hai ora iŋa era o Ietū Kiritō mai te mate.

1 Iovani 2:29

Ko ꞌite ꞌana e kōrua: a Ietū he kope aŋa i te meꞌe tī-tika. ꞌE e ꞌite takoꞌa: te nuꞌu taꞌatoꞌa aŋa i te meꞌe tī-tika he ŋā poki o te ꞌAtua.

1 Iovani 5:1

Nuꞌu nō era mo rāua he parautiꞌa mau ꞌā a Ietū he ⌊Kiritō⌋ he ŋā poki rāua o te ꞌAtua. ꞌE te kope haŋa ki te ꞌAtua Matuꞌa e haŋa takoꞌa ki tāꞌana ŋā poki.