Iovani 3:4 - Rapa Nui

⁴ He ꞌui e Nikoremo: —¿Pē hē ia te taŋata paꞌari ana poreko haka ꞌou? ¿E tano mau rō mo uru haka ꞌou ki roto i te manava o tōꞌona matuꞌa vahine ꞌe ꞌai ka poreko haka ꞌou mai?

Iovani 3:4 ပူးပေါင်းရင်းမြစ်များ

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 3:5

He pāhono e Ietū: —ꞌĪ a au he kī atu: te taŋata mo taꞌe poreko mai roto i te vai ꞌe mai te ⌊Vārua Maitai⌋, e ko oꞌo ki roto i te haka tere iŋa ꞌāpī o te ꞌAtua.

Iovani 6:53

He kī e Ietū: —ꞌĪ a au he kī atu: mo taꞌe kai o kōrua i te hakari ꞌe mo taꞌe unu i te toto o te Poki o te taŋata, e ko ravaꞌa e kōrua i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 6:60

I ŋaroꞌa era i te meꞌe nei e te nuꞌu oho ꞌi muri i a Ietū, nuꞌu rahi i kī: —Tū meꞌe kī mai nei meꞌe taꞌe au. ¿Ko ai ia te meꞌe mo haka roŋo?

1 Kōrinto 1:18

Te roŋo o te mate o Ietū ꞌi ruŋa i te tātaurō he meꞌe maꞌa-maꞌa nō atu e tahi mo te nuꞌu ꞌi ruŋa i a rāua ka topa ena te ūtuꞌa o te ꞌAtua. ꞌE mo tātou mo te nuꞌu eꞌa mai roto i te ūtuꞌa o te hara he pūai o te ꞌAtua.

1 Kōrinto 2:14

Te kope taꞌe haka moe i te manaꞌu ꞌi ruŋa i a Ietū ꞌe kore o te Vārua Maitai o roto i a ia ꞌina he toꞌo mōꞌona i te hāpī haka ꞌite e te Vārua Maitai; te hāpī nei he meꞌe maꞌa-maꞌa e tahi mōꞌona. ꞌE ꞌina e ko aŋi-aŋi, ꞌi te meꞌe era o te Vārua Maitai mau nō te haka aŋi-aŋi i te auraꞌa parautiꞌa o rā hāpī.