Iovani 3:36 - Rapa Nui

³⁶ Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Iovani 3:36 ပူးပေါင်းရင်းမြစ်များ

Iovani 5:24

»ꞌĪ a au he kī atu: te kope haka roŋo i tāꞌaku vānaŋa ꞌe haka moe i tōꞌona manaꞌu ꞌi ruŋa i te kope uŋa mai i a au, i a ia te ora ꞌāpī ꞌina he hopeꞌa raꞌa, ꞌe ꞌina he ūtuꞌa mōꞌona. Ko haka eꞌa ꞌana, paꞌi, e te ꞌAtua mai te ara o te mate ꞌe ko haka noho ꞌana ꞌi roto i te ara o te ora.

Iovani 1:12

ꞌE te nuꞌu toꞌo ꞌe haka moe i te manaꞌu ꞌi ruŋa i a ia, ki a rāua i vaꞌai ai i te parau mo riro he ŋā poki o te ꞌAtua.

1 Tētārōnika 5:9

Taꞌe, paꞌi, mo ꞌamo i te ūtuꞌa te ꞌAtua i haꞌataꞌa ai i a tātou; mo eꞌa o tātou mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai Ietū Kiritō, Pūꞌoko Haka Tere o tātou.

Ēfeto 5:6

E uꞌi kōrua ꞌo haka roŋo ki te reo-reo ana kī atu: te nuꞌu aŋa i te ŋā meꞌe ena ꞌina he hape. Te ꞌAtua e ko taꞌe haka ūtuꞌa i te nuꞌu taꞌe haꞌatura ki a ia aŋa i te ŋā meꞌe nei.

Rōmano 5:9

Mo ai hai Ietū Kiritō ꞌe hai haka moe o tātou i te manaꞌu ꞌi ruŋa i te meꞌe aŋa era e ia mo tātou ꞌi ruŋa i te tātaurō i kī ai e te ꞌAtua e tano rō ꞌana a tātou ki tōꞌona mata, e ꞌite riva-riva nei: hai ia ka eꞌa ena tātou mai roto i te ūtuꞌa o te hara ꞌi te hora o te haka ūtuꞌa.

Iovani 8:51

ꞌĪ a au he kī atu: te kope haka roŋo i tāꞌaku vānaŋa e ko mate ki te hora hopeꞌa.

Iovani 10:28

Māꞌaku e vaꞌai ki a rāua i te ora ꞌāpī ꞌina he hopeꞌa raꞌa, ꞌo haka tapa e te ꞌAtua i a rāua mai muri i a ia ꞌe ꞌo haka ūtuꞌa. ꞌE ꞌina e tahi kope mo hiko i a rāua mai i a au.

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».

1 Tētārōnika 1:10

ꞌE e ꞌaꞌamu takoꞌa rō ꞌana rā nuꞌu pē hē kōrua e tiaki ena ki te hoki iŋa mai mai te raŋi o tāꞌana Poki ko Ietū, kope haka ora e te ꞌAtua mai te mate, ꞌe kope haka eꞌa i a tātou mai te ūtuꞌa taparahi-taꞌata, ūtuꞌa nā e tuꞌu rō mai.

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».

Rōmano 8:1

Hora nei ꞌina he ūtuꞌa toe mo tātou mo te nuꞌu ꞌa Ietū Kiritō, nuꞌu ⌊haka moe i te manaꞌu⌋ ꞌi ruŋa i a ia,

Ruka 3:6

Pē ira ka takeꞌa ena te taŋata taꞌatoꞌa o te ao i te ora uŋa mai e te ꞌAtua”».

ꞌEvereo 10:29

Mo ai pē ira e haka ūtuꞌa era i te nuꞌu taꞌe haꞌatura ki te haka tere iŋa ꞌa Mōtē, ka manaꞌu atu kōrua i te ūtuꞌa mo te nuꞌu taꞌe haŋa ꞌe hārui i te Poki o te ꞌAtua hai tuaꞌivi, ꞌe taꞌe haka hauhaꞌa i tōꞌona toto, toto tāpaꞌo i te ⌊haka tere iŋa ꞌāpī o te ꞌAtua ananake ko te taŋata⌋, haka maꞌitaki i a rāua mai te hara ꞌe haꞌataꞌa i a rāua mo te ꞌAtua. Te nuꞌu aŋa i te meꞌe pē ira, e parauꞌino ꞌā ki te Vārua Maitai, kope haka takeꞌa i te riva rahi o te ꞌAtua.

ꞌEvereo 2:3

Mo ai pē ira, ¿pē hē ia ana taꞌe haka ūtuꞌa i a tātou ana hārui hai tuaꞌivi i te rāveꞌa vaꞌai mai e te ꞌAtua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa? Te meꞌe nei o te Pūꞌoko Haka Tere mau nei ꞌā o tātou i haka ꞌite raꞌe mai. I oho era he haka ꞌite takoꞌa mai he parautiꞌa mau ꞌā e te nuꞌu ŋaroꞌa era i rā meꞌe mai i a ia.

Rōmano 4:15

Te meꞌe ravaꞌa, paꞌi, mai te haka tere iŋa ꞌa Mōtē, he ūtuꞌa ꞌo te ai ꞌina e tahi kope mo ravaꞌa mo haꞌatura tahi i rā haka tere iŋa. ꞌE mo taꞌe ai o te haka tere iŋa mo haꞌatura, ꞌina ia he meꞌe mo kī mai ko hape ꞌā a tātou.

Ruka 2:30

Ko takeꞌa ꞌana, paꞌi, e au te kope i a ia te mātou ora

Māteo 25:46

He kī ia e Ietū: —Te hopeꞌa mo te nuꞌu o te pāꞌiŋa maui he ūtuꞌa ꞌina he hopeꞌa raꞌa, ꞌe mo te nuꞌu o te pāꞌiŋa mataꞌu tano ki te mata o te ꞌAtua he ora ꞌina he hopeꞌa raꞌa.

Marko 16:16

Te kope haka moe i te manaꞌu ꞌi ruŋa i a au ꞌe haka ⌊papatito⌋ i a ia he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a au, he haka ūtuꞌa e te ꞌAtua.

Iovani 4:36

»Te nuꞌu kato i te kai e ꞌauhau rō ꞌā, ꞌe te kai kato era he ravaꞌa e rāua i te ora ꞌāpī ꞌina he hopeꞌa raꞌa. Pē ira te nuꞌu ꞌoka (te auraꞌa, te nuꞌu haka ꞌite i te vānaŋa o te ꞌAtua) ka koa ena ananake ko te nuꞌu o rāua i kato i te nuꞌu ⌊haka moe i te manaꞌu⌋ ꞌi ruŋa i a au.

Iovani 6:58

E vānaŋa atu ena a au o ruŋa o te haraoa parautiꞌa topa mai mai te raŋi. Te tupuna i kai rō i te mānā ꞌe, ka ai atu pē ira, i mā-mate rō. ꞌE te kope mo kai i te haraoa nei he ora mau rō ꞌāvai».

Aŋa o te ꞌĀpōtoro 14:2

Te hūrio taꞌe haka moe i te manaꞌu ꞌi ruŋa i a Ietū he haka tumu i te ture mo riri o te nuꞌu taꞌe he hūrio mo kuā Pauro.

ꞌEvereo 3:18

ꞌE ¿ki a ai i kī ai e te ꞌAtua e ko oꞌo a rāua ki te kona haka riva-riva e ia mo haka ora? Ki te nuꞌu taꞌe haꞌatura era ki a ia.

ꞌEvereo 3:19

ꞌE, he aŋi ꞌā, ꞌina mau ꞌā a rāua kai oꞌo, he taꞌe haka moe i te manaꞌu ꞌi ruŋa i te ꞌAtua.