Iovani 3:3 - Rapa Nui

³ He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 3:3 ပူးပေါင်းရင်းမြစ်များ

Māteo 16:17

He kī e Ietū: —¡Ko te koa i a koe, e Tīmona, poki ꞌa Hōnā ē! Te meꞌe ꞌite ena e koe taꞌe o te taŋata i haka ꞌite atu, o tōꞌoku Matuꞌa o te raŋi.

Māteo 19:24

ꞌE he kī haka ꞌou atu a au: i hau rō atu ꞌi te aŋarahi mo te taŋata ꞌono mo haka rē i a ia mo haka tere e te ꞌAtua, ki te oꞌo o te kameio a roto i te mata o te ivi.

Māteo 21:31

¿Ko ai o roto i te ŋā poki era i aŋa i te meꞌe haŋa o tōꞌona matuꞌa? —He kope raꞌe era —i pāhono ai e rā nuꞌu. ꞌE he kī e Ietū: —Te parautiꞌa, te ⌊nuꞌu haka ꞌauhau i te taŋata hai moni mo te rōmano⌋ ꞌe te ŋā viꞌe taiꞌo ꞌi raꞌe ka oꞌo ena ki a kōrua ki roto i te ⌊haka tere iŋa ꞌāpī o te ꞌAtua⌋.

Māteo 5:18

ꞌĪ a au he kī atu i te parautiꞌa: mo ai nō o te raŋi ꞌe o te henua, ꞌina e tahi tiꞌaraꞌa ka hopeꞌa atu te ꞌiti-ꞌiti o ruŋa i te haka tere iŋa o te ꞌAtua mo haka kore ꞌātā ka haka tano tahi rō te meꞌe hāꞌaki o ruŋa.

Marko 10:14

I takeꞌa era e Ietū, he riri ꞌe he kī: «Ka haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋ mo te nuꞌu pa he ŋā poki.

Marko 9:47

»ꞌE mo haka hara i a koe e tuꞌu mata e tahi, ka ka-karo ka hoa mai ruŋa i a koe; e hau rō atu, paꞌi, mōꞌou te oꞌo ki roto i te ao haka tere e te ꞌAtua e tahi nō mata, ki te ai ararua uꞌu mata ꞌe he hoa i a koe ki roto i te pōꞌauahi,

Iovani 1:13

A rāua he ŋā poki o te ꞌAtua taꞌe ꞌō ꞌo te poreko mai roto i te viꞌe ararua ko te taŋata, ꞌo te ai ko poreko haka ꞌou ꞌā mai te ꞌAtua.

Iovani 1:5

Te mōrī nei e māꞌeha rō ꞌana ꞌi roto i te pōꞌuri, ꞌe e ko ravaꞌa e te pōꞌuri mo haka pōhāhā.

Iovani 1:51

He kī ia ki te taꞌatoꞌa: «ꞌĪ a au he kī atu: e riro rō kōrua he mataꞌite o nei ŋā meꞌe, ꞌe te nui-nui e tuꞌu rō pa he meꞌe ena: e ha-hata rō ꞌā te raŋi, ꞌe e iri ꞌe e topa rō mai ꞌā te merahi o te ꞌAtua ꞌi ruŋa i a au i te ⌊Poki o te taŋata⌋».

Iovani 12:40

«Te nuꞌu hārui i te ꞌAtua hai tuaꞌivi ko haka keva ꞌā e ia i te mata ꞌo takeꞌa, ꞌe ko haka mira-mira ꞌana i te manaꞌu ꞌo aŋi-aŋi; ꞌo huri mai te rāua manaꞌu a ruŋa i a au ꞌe ꞌo haka ora e au».

Iovani 3:4

He ꞌui e Nikoremo: —¿Pē hē ia te taŋata paꞌari ana poreko haka ꞌou? ¿E tano mau rō mo uru haka ꞌou ki roto i te manava o tōꞌona matuꞌa vahine ꞌe ꞌai ka poreko haka ꞌou mai?

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

Karatia 6:15

ꞌE, ki te mata o te ꞌAtua, ꞌina e tahi hauhaꞌa o te meꞌe he hore ꞌo he taꞌe hore o te kiri o te kinoŋa. Te meꞌe hauhaꞌa mōꞌona he haka ꞌāpī atu i a koe e te Vārua Maitai.

Ēfeto 2:1

ꞌI muꞌa ꞌā, ꞌi te hora kai haka moe ꞌana a kōrua i te manaꞌu ꞌi ruŋa i a Ietū, e tuꞌu rō ꞌana kōrua pa he nuꞌu mate mo te meꞌe o te ꞌAtua, te auraꞌa, ꞌina he ŋaroꞌa ꞌe ꞌina he haꞌatura ki a ia, ꞌi te meꞌe era ko ŋaro ꞌana kōrua ꞌi roto i te hara.

Tito 3:5

ꞌE, ka ai atu ꞌina e tahi meꞌe riva-riva o tātou i aŋa, te ꞌAtua, ꞌi tōꞌona haka ꞌaroha, ko haka eꞌa ꞌā i a tātou mai roto i te ūtuꞌa o te hara hai haka maꞌitaki i te tātou māhatu ꞌe hai vaꞌai mai i te ora ꞌe ꞌi te noho iŋa ꞌāpī hai ⌊Vārua Maitai⌋.

Tanatiako 3:17

ꞌE te nuꞌu mai te ꞌAtua te rāua ꞌite, te meꞌe raꞌe he noho iŋa taꞌe hara, ꞌe te rāua huru: haumārū, riva ꞌe ꞌite i te moꞌa. A rāua takoꞌa nuꞌu māhatu ꞌaroha, uꞌi i te taꞌatoꞌa pē tū huru tahi ꞌā, kī i te parautiꞌa, ꞌe aŋa i te meꞌe riva-riva.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,

1 Iovani 2:29

Ko ꞌite ꞌana e kōrua: a Ietū he kope aŋa i te meꞌe tī-tika. ꞌE e ꞌite takoꞌa: te nuꞌu taꞌatoꞌa aŋa i te meꞌe tī-tika he ŋā poki o te ꞌAtua.

1 Iovani 3:9

ꞌIna e tahi poki parautiꞌa o te ꞌAtua noho ꞌi roto i te hara ꞌo te ai ꞌi roto i a ia te manaꞌu o te ꞌAtua; ꞌina he haŋa haka ꞌou mo hara ꞌi te ai ōꞌona o te ꞌAtua.

1 Iovani 5:1

Nuꞌu nō era mo rāua he parautiꞌa mau ꞌā a Ietū he ⌊Kiritō⌋ he ŋā poki rāua o te ꞌAtua. ꞌE te kope haŋa ki te ꞌAtua Matuꞌa e haŋa takoꞌa ki tāꞌana ŋā poki.

1 Iovani 5:18

Ko ꞌite ꞌana, paꞌi, e tātou ꞌina e tahi poki parautiꞌa o te ꞌAtua noho ꞌi roto i te hara. E hāpaꞌo rō ꞌana e te Poki o te ꞌAtua, ko Ietū Kiritō, ꞌe ꞌina e ko ravaꞌa mo haka puā e Rukifero.

1 Iovani 5:4

A tātou, te ŋā poki o te ꞌAtua, e ko ravaꞌa e te ao haka tere hai manaꞌu taŋata mo haka tapa mai te ara o te ꞌAtua. Hai haka moe, paꞌi, o te tātou manaꞌu ꞌi ruŋa i a Ietū, e rē nei a tātou ki te ao nei.

Meꞌe Haka Takeꞌa 3:14

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Rāōrītea: “Pē nei te kī o te kope he ⌊ꞌĀmene⌋, he mataꞌite kī mau nō i te parautiꞌa, he kope hai ia te ꞌAtua i aŋa ai i te meꞌe taꞌatoꞌa: