Iovani 3:23 - Rapa Nui

²³ A Iovani e papatito takoꞌa ꞌā ꞌi ꞌĒnono, he kona e rahi rō ꞌā te vai hāhine ki Tārima. Te taŋata e oho rō ꞌana ꞌe he papatito ꞌi ira.

Iovani 3:23 ပူးပေါင်းရင်းမြစ်များ

Ruka 3:7

I tuꞌu era te taŋata mo papatito i a rāua, he kī e Iovani: —¡E te huaꞌai o te kōreha veneno ē! ¿ꞌA ꞌai i kī atu e ora rō kōrua mai roto i te ꞌati he ūtuꞌa nā e oho mai ena?

Iovani 3:22

Ko oti atu ꞌana te meꞌe nei, he oho a Ietū ananake ko tāꞌana nuꞌu hāpī ki Hūrea. He noho ꞌi ira meꞌe rahi mahana he ⌊papatito⌋ i te taŋata.

Iovani 3:24

ꞌI rā hora kai puru ꞌā a Iovani.

Meꞌe Haka Takeꞌa 1:15

Te vaꞌe e pura rō ꞌā pa he ꞌaurī ko tunu ꞌā ꞌi roto i te rona ꞌe ko haka ꞌuira ꞌā. Tōꞌona reꞌo te pūai pa he heruru ena ꞌā o te vai topa mai ruŋa i te kona ruŋa nui.

Meꞌe Haka Takeꞌa 14:2

He ŋaroꞌa e au ꞌi rā hora i te heruru ꞌi te raŋi e tuꞌu rō ꞌā pa he heruru o te vai topa mai te kona ruŋa nui, pa he heruru pūai o te pātiri, ꞌe pa he heruru o te meꞌe rahi nō atu arpa.

Meꞌe Haka Takeꞌa 19:6

He ŋaroꞌa takoꞌa e au i te reꞌo o te nuꞌu rahi tuꞌu pa he heruru ena o te vai topa mai te kona ruŋa nui ꞌe pa he heruru pūai o te pātiri e kī era: «¡Ki haꞌahana-hana tahi tātou i te ꞌAtua! Ko haꞌamata ꞌā, paꞌi, ko haka tere ꞌā te tātou Pūꞌoko Haka Tere, te tātou ꞌAtua hopeꞌa o te pūai.