Iovani 3:2 - Rapa Nui

² he oho ꞌi te pō e tahi uꞌi i a Ietū ꞌe he kī: —E te Maꞌori, ko ꞌite ꞌana a mātou o te ꞌAtua a koe i uŋa mai mo hāpī i te taŋata; ꞌina, paꞌi, e tahi kope aŋa i te mana aŋa e koe mo kore o te ꞌAtua o muri.

Iovani 3:2 ပူးပေါင်းရင်းမြစ်များ

Māteo 22:16

He uŋa ki a Ietū i te rāua nuꞌu hāpī ananake ko te nuꞌu peꞌe ki a ⌊ꞌErore⌋ kī: —E te Maꞌori, ko ꞌite ꞌana a mātou: taꞌa meꞌe vānaŋa he parautiꞌa, e hāpī rō ꞌana koe i te ara parautiꞌa o te ꞌAtua, ꞌe ꞌina koe he haka tano i taꞌa vānaŋa ki te manaꞌu o te taŋata; taꞌe, paꞌi, mo haka koa i a rāua koe e vānaŋa ena.

Māteo 23:7

Te meꞌe haŋa takoꞌa ananake he ꞌaroha e te taŋata ꞌi te ara pa he ꞌariki ꞌe he kī ki a rāua: “e te maꞌori”.

Māteo 23:8

»A kōrua, ꞌina ko haꞌatiꞌa mo kī atu e tahi taŋata: “e te maꞌori”. A kōrua taꞌatoꞌa, paꞌi, he taina ꞌe e tahi mau nō kōrua Maꞌori.

Marko 12:14

He kī e rā nuꞌu: —E te Maꞌori, ko ꞌite ꞌana a mātou: taꞌa meꞌe kī he parautiꞌa. ꞌIna koe he haka tano i a koe ki te vānaŋa kī e te nuꞌu, ꞌe ꞌina koe he vānaŋa mo haka koa i a rāua. Te meꞌe hāpī ꞌāꞌau he ara parautiꞌa o te ꞌAtua. Ki tuꞌu manaꞌu, ¿ko tano mau ꞌā a tātou e ꞌauhau nei i te moni kī mo ꞌauhau ki te ꞌariki o te rōmano? ¿E ꞌauhau ꞌo ꞌina?

Iovani 1:38

He hārui ia a Ietū, he takeꞌa e oho atu ꞌana ꞌi tuꞌa i a ia, ꞌe he ꞌui: —¿He aha te kōrua meꞌe haŋa? He kī e rā nuꞌu: —E te Maꞌori, e haŋa rō ꞌā a māua mo ꞌite ꞌi kona hē koe e noho ena.

Iovani 10:38

ꞌE, mo aŋa ōꞌoku i te meꞌe aŋa e tōꞌoku Matuꞌa, ka ai atu ꞌina kōrua he haka moe i te manaꞌu ꞌi ruŋa i a au, ka haka moe ia kōrua i te manaꞌu ꞌi ruŋa i tāꞌaku meꞌe aŋa ki ꞌite ai a kōrua: te ꞌAtua Matuꞌa ꞌe a au e tahi mau nō.

Iovani 12:37

A Ietū i aŋa rō i te mana hopeꞌa o te nui-nui ꞌi muꞌa i te taŋata ꞌe, ka ai atu pē ira, meꞌe rahi nō atu nuꞌu ꞌina he haka moe i te rāua manaꞌu ꞌi ruŋa i a ia.

Iovani 14:10

¿Kai aŋi-aŋi ꞌana ꞌō e koe a māua ko te ꞌAtua Matuꞌa e tahi mau nō? Te meꞌe nei e au e kī atu ena taꞌe he meꞌe i manaꞌu e au. O te Matuꞌa nei ꞌi roto i a au te aŋa i tāꞌana meꞌe manaꞌu mo aŋa.

Iovani 15:24

ꞌE, ꞌāhani i taꞌe aŋa e au i te mana kai aŋa ꞌā e te rua kope, e ko ai te rāua hape ꞌo te hārui mai i a au hai tuaꞌivi. A rāua ko takeꞌa ꞌana i tōꞌoku aŋa iŋa i te ŋā meꞌe nei ꞌe, ka ai atu pē ira, ko te maꞌu iŋa ꞌā i te riri mōꞌoku ꞌe mo tōꞌoku Matuꞌa.

Iovani 2:11

Te meꞌe aŋa nei e Ietū ꞌi Kānā o Karirea he mana raꞌe aŋa e ia. Pē ira i takeꞌa ai i tōꞌona nui-nui ꞌe he haka moe rō ꞌai tāꞌana nuꞌu hāpī i te manaꞌu ꞌi ruŋa i a ia.

Iovani 20:16

He kī ia e Ietū: —¡E Māria! He hārui riva-riva ia a Māria, he uꞌi ko Ietū ꞌō rā meꞌe ꞌe he kī hai ꞌarero ⌊ꞌevereo⌋: —¡Rabuni! (te auraꞌa: «¡E te Maꞌori!»).

Iovani 3:26

He oho ia rā nuꞌu he kī ki a Iovani: —E te Maꞌori, tū kope era ꞌi muri i a koe ꞌi te rua pāꞌiŋa o te rio era ko Horotana, haka ꞌite mai era e koe o ruŋa i a ia, ꞌai e papatito ꞌana, ꞌe e rahi rō ꞌā te nuꞌu oho ki a ia.

Iovani 4:31

ꞌI rā kona, te nuꞌu hāpī ꞌāꞌana e haka koni ꞌā: —E te Maꞌori, ka kai tāꞌau o te meꞌe.

Iovani 5:36

Ka ai atu pē ira, e ai rō ꞌana te meꞌe ꞌata hau o te nui-nui ki te meꞌe haka ꞌite atu e Iovani mo haka takeꞌa atu i te parautiꞌa o ruŋa ōꞌoku. ꞌE ko rā meꞌe tāꞌaku meꞌe aŋa, he meꞌe kī mai e te Matuꞌa mo aŋa ꞌe nei meꞌe he mataꞌite: he aŋi mau ꞌā ꞌāꞌana a au i uŋa mai.

Iovani 6:2

Nuꞌu rahi te nuꞌu i oho ꞌi muri ꞌo te takeꞌa i te mana aŋa e ia, he haka ora i te māui-ui.

Iovani 7:31

Ka ai atu pē ira, meꞌe rahi nuꞌu i haka moe i te manaꞌu ꞌi ruŋa i a ia, ꞌe e kī era: «Ka oho mai ena te Kiritō, ¿e aŋa rō hō i te meꞌe ꞌata hau rō atu ki te meꞌe aŋa e ia?».

Iovani 9:16

He kī e te tētahi fariseo: «Te kope aŋa i te meꞌe ena taꞌe o te ꞌAtua he taꞌe moꞌa i te mahana haka ora». ꞌE o te tētahi atu i kī: «¿Pē hē te taŋata hara ana aŋa i te mana tuꞌu pē nā?». He manaꞌu kē-kē rō atu ꞌai rā ŋā fariseo

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Aŋa o te ꞌĀpōtoro 2:22

»E te itaraera ē, ka haka roŋo mai te meꞌe nei ka kī atu ena: A kōrua ko ꞌite riva-riva ꞌana: hai meꞌe nu-nui aŋa e Ietū ꞌe hai mana aŋa e ia i haka takeꞌa atu ai e te ꞌAtua: a Ietū o Nātāreta he taŋata uŋa mai e ia.

Fīripo 1:14

ꞌE te rahi raꞌa o te tātou taina, i ꞌite era ko puru ꞌana a au, ko ꞌata haŋu ꞌā te manaꞌu mo haka ꞌite mo oho o ruŋa i te roŋo riva-riva o te ꞌAtua ꞌina he riꞌa-riꞌa haka ꞌou, ꞌe ko haka noho mau ꞌā i te rāua manaꞌu ꞌi ruŋa i a Ietū.