Iovani 3:17 - Rapa Nui

¹⁷ Te ꞌAtua ꞌina kai uŋa i tāꞌana Poki ki te ao mo haka ūtuꞌa i te taŋata; i uŋa ai mo haka eꞌa i a rāua mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa.

Iovani 3:17 ပူးပေါင်းရင်းမြစ်များ

Māteo 1:23

«E tahi uka kai moe ꞌā e te taŋata e tupu rō te poki ꞌe he poreko poki tane. He nape i te ꞌīŋoa ko ꞌEmanuera». Te haꞌaauraꞌa o te ꞌīŋoa nei: «He ꞌAtua ꞌi muri i a tātou».

Māteo 18:10

»ꞌIna kōrua ko taꞌe haka au i te nuꞌu taꞌe pūai rahi o te haka moe iŋa i te manaꞌu ꞌi ruŋa i a au. ꞌĪ a au he kī atu: te merahi hāpaꞌo i te nuꞌu era ꞌai te raŋi ꞌi muꞌa o tōꞌoku Matuꞌa. [

Māteo 18:11

Te ⌊Poki o te taŋata⌋, paꞌi, i oho mai ai mo haka eꞌa mai roto i te ūtuꞌa o te hara i te taŋata oho a te ara taꞌe tano ꞌe mo vaꞌai ki a rāua i te ora ꞌāpī ꞌina he hopeꞌa raꞌa.]

Ruka 19:10

Te ⌊Poki o te taŋata⌋, paꞌi, i oho mai ai mo kimi i te taŋata oho a te ara taꞌe tano mo haka huri i te manaꞌu ki te ꞌAtua, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa.

Ruka 9:56

I oti era he eꞌa ananake he oho ki te rua kona.

Iovani 1:29

ꞌI te rua mahana, he takeꞌa e Iovani i a Ietū ka pū e oho atu era. He kī ki te nuꞌu o ira: «¡Ka uꞌi rā kōrua i te taŋata era ai! ¡A ia he Māmoe o te ꞌAtua, he tūtia mo haka kore i te hara o te taŋata!

Iovani 10:36

¿he aha ia a kōrua e kī ena ko kī ꞌana a au i te vānaŋa taꞌe tano mo te ꞌAtua hora kī era ōꞌoku he Poki au o te ꞌAtua? ꞌĀꞌana, paꞌi, a au i haꞌataꞌa mo te aŋa nei ꞌe i uŋa mai ki te ao nei.

Iovani 11:42

E ꞌite rō ꞌana e au e haka roŋo rō mai ꞌā koe i tāꞌaku vānaŋa. E kī atu ena a au i te meꞌe nei mo te riva-riva o te nuꞌu nei, mo aŋi-aŋi e rāua: ꞌāꞌau a au i uŋa mai».

Iovani 17:18

»Pa he uŋa iŋa mai era ōꞌou i a au ki te nuꞌu o te ao nei taꞌe haka moe i te manaꞌu ꞌi ruŋa i a au, pē ira takoꞌa ꞌana a au ka uŋa ena i a rāua ki rā ŋā nuꞌu.

Iovani 17:21

Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

Iovani 17:23

A au i a rāua, ꞌe a koe i a au, pē ira tātou taꞌatoꞌa e tahi mau nō, ki ꞌite ai te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai, ꞌe e haŋa rō ꞌana koe ki te nuꞌu vaꞌai mai e koe, pa he haŋa iŋa mai ena ꞌā ōꞌou ki a au.

Iovani 17:25

»E Koro riva ē, te taŋata o te ao nei taꞌe haka moe i te manaꞌu ꞌi ruŋa i a au kai ꞌite ko ai koe, ko au te meꞌe i ꞌite. Te nuꞌu hāpī nei ꞌāꞌaku ko ꞌite ꞌā: ꞌāꞌau a au i uŋa mai.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

Iovani 20:21

He kī haka ꞌou ia e Ietū: «¡Ka ai ꞌi ruŋa i a kōrua te haumārū o te ꞌAtua! Pa he uŋa iŋa mai era e te Matuꞌa i a au, pē ira a au ka uŋa nei i a kōrua».

Iovani 3:34

Te kope uŋa mai e te ꞌAtua e haka ꞌite ꞌana i te vānaŋa o te ꞌAtua; i a ia, paꞌi, te pūai o te Vārua Maitai i vaꞌai ai e te ꞌAtua.

Iovani 5:36

Ka ai atu pē ira, e ai rō ꞌana te meꞌe ꞌata hau o te nui-nui ki te meꞌe haka ꞌite atu e Iovani mo haka takeꞌa atu i te parautiꞌa o ruŋa ōꞌoku. ꞌE ko rā meꞌe tāꞌaku meꞌe aŋa, he meꞌe kī mai e te Matuꞌa mo aŋa ꞌe nei meꞌe he mataꞌite: he aŋi mau ꞌā ꞌāꞌana a au i uŋa mai.

Iovani 5:38

ꞌE, ꞌina kōrua he maꞌu hio-hio i tāꞌana vānaŋa ꞌi te taꞌe ⌊haka moe i te manaꞌu⌋ ꞌi ruŋa i te kope uŋa mai e ia.

Iovani 5:45

»ꞌIna kōrua ko manaꞌu he hāꞌaki kōrua e au ki tōꞌoku Matuꞌa; te kōrua hape ko tuhi era ꞌana e te meꞌe pāpaꞌi era e ⌊Mōtē⌋. A kōrua e manaꞌu ena: hai haka moe i te manaꞌu ꞌi ruŋa i rā meꞌe he ravaꞌa e kōrua i te ora.

Iovani 6:29

He pāhono e Ietū: —Te meꞌe haŋa nō o te ꞌAtua he haka moe o kōrua i te manaꞌu ꞌi ruŋa i te kope uŋa mai e ia.

Iovani 6:38

»I topa mai ai a au mai te raŋi taꞌe mo aŋa i tāꞌaku meꞌe haŋa, mo aŋa i te meꞌe haŋa o tōꞌoku Matuꞌa uŋa mai i a au.

Iovani 6:40

Te haŋa o tōꞌoku Matuꞌa: he ai o te ora ꞌāpī ꞌina he hopeꞌa raꞌa i te nuꞌu taꞌatoꞌa ꞌite ko ai te Poki nei o te ꞌAtua ꞌe haka moe i te manaꞌu ꞌi ruŋa i a ia; ꞌe he haka ora tahi e au ꞌi te mahana o te ture hopeꞌa.

Iovani 6:57

»Te Matuꞌa uŋa mai era i a au e ora rō ꞌana, ꞌe hai ia a au e ora nei. Pē ira takoꞌa, te kope kai i a au he ora hai au.

Iovani 7:29

Ko au te meꞌe i māhani; mai i a ia, paꞌi, a au i oho mai ai, ꞌe ꞌāꞌana a au i uŋa mai».

Iovani 8:11

He pāhono e tū viꞌe era: —ꞌIna. He kī e Ietū: —ꞌIna takoꞌa a au e ko haka ūtuꞌa atu. Ka eꞌa koe ka oho, ꞌe ꞌina ko hara haka ꞌou.]

Iovani 8:42

He pāhono e Ietū: —Mo ai he parautiꞌa mau ꞌā he ꞌAtua te kōrua matuꞌa, e haŋa rō mai ꞌana ia kōrua ki a au; mai te ꞌAtua mau nō, paꞌi, a au i oho mai ai. I oho mai ai a au taꞌe hai manaꞌu ōꞌoku ꞌā, o te ꞌAtua a au i uŋa mai.

1 Iovani 2:2

A Ietū i vaꞌai rō i a ia pa he tūtia mo tātou, ki haka kore ai e te ꞌAtua i te tātou hara, ꞌe taꞌe nō i te hara o tātou, i te hara takoꞌa o te nuꞌu taꞌatoꞌa o te ao.

1 Iovani 4:14

ꞌE o mātou mau ꞌana i takeꞌa ꞌe i haka ꞌite pē nei ē: te Matuꞌa ko uŋa mai ꞌana i tāꞌana Poki mo eꞌa o te taŋata o te ao mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai ia.