Iovani 3:16 - Rapa Nui

¹⁶ »ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

Iovani 3:16 ပူးပေါင်းရင်းမြစ်များ

Māteo 9:13

Ka haka topa te haꞌaauraꞌa o te vānaŋa nei: «Tāꞌaku meꞌe haŋa taꞌe he tūtia mai o kōrua, he ai o kōrua he nuꞌu māhatu ꞌaroha». Taꞌe, paꞌi, ki te nuꞌu taꞌe hara a au i oho mai ai, ki te nuꞌu hara.

Marko 12:6

»E tahi nō ia kope toe o rā taŋata mo uŋa: he poki ꞌāꞌana, poki haŋa rahi. ꞌI te hora hopeꞌa he uŋa i rā poki koia ko manaꞌu: “He moꞌa rā i tāꞌaku poki”.

Ruka 2:14

«¡Ko te nui-nui ꞌe ko te pūai i a koe, e te ꞌAtua ē! ¡Ka ai te haumārū ꞌi roto i te taŋata taꞌatoꞌa o te ao ꞌi ruŋa i a rāua te koa o te ꞌAtua!».

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 1:29

ꞌI te rua mahana, he takeꞌa e Iovani i a Ietū ka pū e oho atu era. He kī ki te nuꞌu o ira: «¡Ka uꞌi rā kōrua i te taŋata era ai! ¡A ia he Māmoe o te ꞌAtua, he tūtia mo haka kore i te hara o te taŋata!

Iovani 10:28

Māꞌaku e vaꞌai ki a rāua i te ora ꞌāpī ꞌina he hopeꞌa raꞌa, ꞌo haka tapa e te ꞌAtua i a rāua mai muri i a ia ꞌe ꞌo haka ūtuꞌa. ꞌE ꞌina e tahi kope mo hiko i a rāua mai i a au.

Iovani 3:15

ki ravaꞌa ai e te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 3:18

»Te taŋata haka moe i tōꞌona manaꞌu ꞌi ruŋa i te Poki o te ꞌAtua e ko haka ūtuꞌa; ꞌe te taŋata taꞌe haka moe i te manaꞌu ꞌi ruŋa i a ia ko ai era ꞌana te ūtuꞌa mōꞌona ꞌo te taꞌe haka moe i te manaꞌu ꞌi ruŋa i te Poki mau nō era e tahi o te ꞌAtua.

Iovani 3:36

Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Iovani 6:40

Te haŋa o tōꞌoku Matuꞌa: he ai o te ora ꞌāpī ꞌina he hopeꞌa raꞌa i te nuꞌu taꞌatoꞌa ꞌite ko ai te Poki nei o te ꞌAtua ꞌe haka moe i te manaꞌu ꞌi ruŋa i a ia; ꞌe he haka ora tahi e au ꞌi te mahana o te ture hopeꞌa.

Rōmano 5:10

ꞌE, i ai era ko haka riva-riva ꞌā e te ꞌAtua i a tātou ki a ia hai mate o tāꞌana Poki ꞌi te hora e ꞌenemī rō ꞌā a tātou mōꞌona, hora nei ia, he hora e riva-riva rō ꞌana a tātou ko te ꞌAtua, e ꞌite nei a tātou e ko taꞌe haka eꞌa e te ꞌAtua i a tātou mai roto i te ūtuꞌa o te hara ꞌi te ai e ora rō ꞌana tāꞌana Poki.

Rōmano 5:8

Oho iŋa kē ia to te ꞌAtua; hora era ꞌi roto i te hara ꞌana a tātou, i uŋa nō mai i te Kiritō mo mate mo ꞌauhau o te tātou hara. Pē ira i haka takeꞌa mai ai ki a tātou i tōꞌona haŋa.

Rōmano 8:32

I ai era i vaꞌai nō mai i tāꞌana Poki mo mate mo tātou, ¿pē hē ia ana taꞌe vaꞌai takoꞌa mai i te meꞌe taꞌatoꞌa?

Ēfeto 2:4

ꞌE, ꞌi te riva rahi o te ꞌAtua ꞌe ꞌi te māhatu ꞌaroha ōꞌona, i haŋa rahi nō mai

2 Tētārōnika 2:16

ꞌE mā Ietū Kiritō mau ꞌā, Pūꞌoko Haka Tere o tātou, ꞌe mo te ꞌAtua, Matuꞌa o tātou, haŋa mai ꞌe vaꞌai mai hai riva rahi ōꞌona i te koa ꞌina he hopeꞌa raꞌa ꞌe i te ꞌite pē nei ē: pe muꞌa ka oho ena e vaꞌai rō mai i te meꞌe hōrea mai era e ia,

Tito 3:4

ꞌE te ꞌAtua, kope toꞌo i a tātou mai roto i te ūtuꞌa o te hara, i haka takeꞌa rō mai i tōꞌona riva ꞌe i tōꞌona haŋa.

ꞌEvereo 2:9

ꞌE, ko ꞌite ꞌana e tātou: te meꞌe nei ko haka tano ꞌana ꞌi ruŋa i a Ietū. I riro era, paꞌi, he taŋata, ꞌata hau rō atu te tōroꞌa o te merahi ki tōꞌona tōroꞌa «mo te hora ꞌiti-ꞌiti e tahi», ꞌe, hora nei, ꞌo te vaꞌai i a ia ki te mate mo tātou ꞌi te haŋa ꞌe ꞌi te riva rahi o te ꞌAtua mo tātou, «ko haka nui-nui ꞌā ꞌe ko moꞌa ꞌā pa he ꞌariki».

1 Iovani 3:1

Ka haka topa rā te kōrua manaꞌu ꞌi te rahi o te haŋa o te ꞌAtua Matuꞌa ki a tātou e kī mai ena e ia he ŋā poki tātou ꞌāꞌana, ꞌe he aŋi ꞌā, ꞌāꞌana mau ꞌā a tātou. ꞌO ira te nuꞌu o te ao haka tere hai manaꞌu taŋata e taꞌe māhani ena ki a tātou, he taꞌe māhani o rāua ki te ꞌAtua.

1 Iovani 4:19

A tātou e haŋa nei ꞌo te ai ꞌi raꞌe te ꞌAtua i haŋa mai ai.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.