Iovani 3:13 - Rapa Nui

¹³ »ꞌIna ꞌā he kope raꞌe i iri ki te raŋi, he kope topa nō mai era mai ruŋa, he ⌊Poki o te taŋata⌋.

Iovani 3:13 ပူးပေါင်းရင်းမြစ်များ

Māteo 28:20

E hāpī mo haꞌatura i te meꞌe taꞌatoꞌa hāpī atu e au ki a kōrua. ꞌE ꞌina ko rehu: ꞌi muri i a kōrua a au paurō te mahana ꞌātā ki te hopeꞌa iŋa o te ao».

Māteo 8:20

He pāhono e Ietū: —Te kurī manu e ai rō ꞌana te karava mo noho, te manu he hakapupa, ꞌe te ⌊Poki o te taŋata⌋ ꞌina he kona mo noho.

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 17:5

ꞌE, ꞌi te hora nei, e Koro ē, ka haka takeꞌa haka ꞌou koe i tōꞌoku pūai ꞌe i tōꞌoku nui-nui ai i a au ꞌi te hora era ōꞌoku ꞌi muꞌa i a koe ꞌā, hora kai aŋa ꞌana i te ao.

Iovani 3:12

Mo taꞌe haka roŋo mai o kōrua ki tāꞌaku meꞌe e kī atu ena o te ao nei, ¿pē hē ia kōrua ana haka roŋo mai mo vānaŋa atu ōꞌoku o ruŋa i te meꞌe o te raŋi?

Iovani 3:31

»Te kope turu mai mai te raŋi ꞌata hau rō atu ki te taŋata taꞌatoꞌa. Te taŋata o te ao nei o te ao mau nei ꞌā, ꞌe te meꞌe vānaŋa he meꞌe o te ao nō nei. ꞌE te kope turu mai mai te raŋi ꞌata hau rō atu ki te taꞌatoꞌa

Iovani 6:33

Te haraoa parautiꞌa vaꞌai e te ꞌAtua he kope topa mai mai te raŋi vaꞌai i te ora ꞌāpī ꞌina he hopeꞌa raꞌa ki te taŋata.

Iovani 6:38

»I topa mai ai a au mai te raŋi taꞌe mo aŋa i tāꞌaku meꞌe haŋa, mo aŋa i te meꞌe haŋa o tōꞌoku Matuꞌa uŋa mai i a au.

Iovani 6:42

He kī e rā nuꞌu: «¿Taꞌe ꞌō nei ko Ietū, he poki era ꞌa ⌊Kōsē⌋? Ko māhani ꞌana a tātou i tōꞌona matuꞌa tane ꞌe i tōꞌona matuꞌa vahine. ¿Pē hē ia e kī mai ena mai te raŋi a ia i topa mai ai?».

Iovani 6:46

»Tāꞌaku kī taꞌe ꞌō pē nei ē: ko takeꞌa ꞌā e te kope e tahi i te Matuꞌa. Te kope mau nō i takeꞌa ko te kope oho mai era mai muri i a ia.

Iovani 6:51

Ko au mau ꞌana te haraoa ora topa mai era mai te raŋi; te kope kai i te haraoa nei he ravaꞌa i te ora ꞌāpī ꞌina he hopeꞌa raꞌa. ꞌE nei haraoa he hakari mau nei ꞌā ōꞌoku. He vaꞌai e au mo ravaꞌa e te taŋata o te henua taꞌatoꞌa i te ora ꞌāpī».

Iovani 6:62

¿Pē hē ia mo takeꞌa i te Poki o te taŋata e iri ꞌana ki te kona era mai ira i turu mai ai?

Iovani 8:42

He pāhono e Ietū: —Mo ai he parautiꞌa mau ꞌā he ꞌAtua te kōrua matuꞌa, e haŋa rō mai ꞌana ia kōrua ki a au; mai te ꞌAtua mau nō, paꞌi, a au i oho mai ai. I oho mai ai a au taꞌe hai manaꞌu ōꞌoku ꞌā, o te ꞌAtua a au i uŋa mai.

Aŋa o te ꞌĀpōtoro 2:34

»Taꞌe ko Tāvita rā meꞌe iri era ki te raŋi; ꞌāꞌana mau ꞌā, paꞌi, i kī: “A Iehoha te ꞌAtua i kī rō ki tōꞌoku Pūꞌoko Haka Tere: ‘Ka noho mai koe ꞌi tōꞌoku pāꞌiŋa mataꞌu,

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

Rōmano 10:6

ꞌE e ai takoꞌa rō ꞌana te meꞌe i haka pāpaꞌi e te ꞌAtua o ruŋa i te meꞌe he tano o te taŋata ki tōꞌona mata hai haka moe i te manaꞌu ꞌi ruŋa i te ⌊Kiritō⌋, ꞌe o rā meꞌe te haka ꞌite mai: meꞌe taꞌe aŋarahi te ai ōꞌou e tano rō ꞌā ki te mata o te ꞌAtua hai haka moe i te manaꞌu ꞌi ruŋa i te Kiritō. Pē nei i pāpaꞌi ai: «ꞌIna koe ko kī ꞌi roto i a koe: “Mo haka moe ōꞌou i tuꞌu manaꞌu ꞌi ruŋa i te Kiritō, e iri ꞌi raꞌe e tahi kope ki te raŋi mo haka topa mai o te Kiritō mo haka ꞌite atu i tāꞌana roŋo”.

1 Kōrinto 15:47

Te taŋata raꞌe era ko ꞌĀtamu hai ꞌōꞌone i aŋa ai, ꞌi te meꞌe era o te ao nei a ia. ꞌE te rua ꞌĀtamu ko Ietū Kiritō, ꞌe a ia o te raŋi.

Ēfeto 1:23

a rāua he hakari ōꞌona. Mai i a ia e ravaꞌa ena e rāua i te ora ꞌe i te pūai; ꞌāꞌana, paꞌi, te vaꞌai i te ora ki te meꞌe taꞌatoꞌa o te ao.