Iovani 3:11 - Rapa Nui

¹¹ ꞌĪ a au he kī atu: e vānaŋa atu ena o ruŋa i te meꞌe ko ꞌite ꞌā ꞌe ko takeꞌa ꞌā e au; ꞌe, a kōrua ꞌina he haka roŋo mai.

Iovani 3:11 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Māteo 23:37

»¡E Hērutarema ē, e Hērutarema tiŋaꞌi i te perofeta, ꞌe tamaꞌi hai māꞌea i te nuꞌu uŋa e te ꞌAtua ē! ¡Ka hia rā nei mahana ōꞌoku i haŋa mo haka taka-taka i taꞌa ŋā poki pa he haka taka-taka iŋa o te ꞌuha i tāꞌana māꞌaŋa ꞌi raro i te karā, ꞌe ꞌina a koe he haŋa!

Ruka 10:22

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō, ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite».

Iovani 1:11

Ki te ao aŋa era e ia i oho mai ai, ꞌe kai tapa atu e te rahi raꞌa o tōꞌona taŋata.

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 12:49

»E vānaŋa atu era, paꞌi, a au taꞌe hai manaꞌu ōꞌoku ꞌā; o te Matuꞌa uŋa mai i a au i kī mai i tāꞌaku meꞌe mo haka ꞌite ꞌe mo hāpī.

Iovani 14:24

Te kope taꞌe haŋa mai ki a au ꞌina he haka roŋo ꞌe he haꞌatura ki tāꞌaku vānaŋa. Te vānaŋa kī atu e au taꞌe ꞌāꞌaku, o te Matuꞌa uŋa mai i a au.

Iovani 3:12

Mo taꞌe haka roŋo mai o kōrua ki tāꞌaku meꞌe e kī atu ena o te ao nei, ¿pē hē ia kōrua ana haka roŋo mai mo vānaŋa atu ōꞌoku o ruŋa i te meꞌe o te raŋi?

Iovani 3:13

»ꞌIna ꞌā he kope raꞌe i iri ki te raŋi, he kope topa nō mai era mai ruŋa, he ⌊Poki o te taŋata⌋.

Iovani 3:3

He pāhono e Ietū: —ꞌĪ a au he kī atu: te taŋata mo taꞌe poreko haka ꞌou, ꞌina e ko oꞌo ki roto i te ⌊haka tere iŋa ꞌāpī o te ꞌAtua⌋.

Iovani 3:5

He pāhono e Ietū: —ꞌĪ a au he kī atu: te taŋata mo taꞌe poreko mai roto i te vai ꞌe mai te ⌊Vārua Maitai⌋, e ko oꞌo ki roto i te haka tere iŋa ꞌāpī o te ꞌAtua.

Iovani 5:43

A au i oho mai ai hai ꞌīŋoa o tōꞌoku Matuꞌa, ꞌe ꞌina kōrua he haŋa mai. ꞌE, mo oho mai e tahi kope hai ꞌīŋoa mau ꞌā ōꞌona, ki rā kope kōrua ka haka roŋo ena.

Iovani 7:16

He kī e Ietū: —Te meꞌe nei e au e hāpī nei taꞌe ꞌāꞌaku, o te kope uŋa mai i a au.

Iovani 8:14

He pāhono e Ietū: —Ka ai atu māꞌaku mau ꞌā e kī i te vānaŋa riva-riva o ruŋa i a au, e hauhaꞌa rō ꞌana ꞌo te ai ko ꞌite ꞌana a au mai hē a au i oho mai ai ꞌe ki hē a au ka oho nei, he meꞌe kai ꞌite e kōrua.

Iovani 8:26

E rahi rō ꞌā te meꞌe mo kī atu ōꞌoku o ruŋa i a kōrua, mo ture ꞌe mo haka ūtuꞌa. Ka ai atu pē ira, tāꞌaku meꞌe kī nō ki te taŋata o te ao he meꞌe kī mai e te kope uŋa mai i a au. He parautiꞌa mau nō, paꞌi, tāꞌana meꞌe kī.

Iovani 8:38

A au e vānaŋa nei hai meꞌe i haka ꞌite ꞌe i haka takeꞌa mai e tōꞌoku Matuꞌa. A kōrua takoꞌa e aŋa ena i te meꞌe i takeꞌa ꞌe i ŋaroꞌa mai te kōrua matuꞌa.

Aŋa o te ꞌĀpōtoro 22:18

Ko Ietū rā meꞌe e kī mai ꞌana: “Ka hōrou koe ka oho mai Hērutarema; e ko haka roŋo atu te taŋata o nā i taꞌa meꞌe ena ka kī ena o ruŋa ōꞌoku”.

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 3:14

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Rāōrītea: “Pē nei te kī o te kope he ⌊ꞌĀmene⌋, he mataꞌite kī mau nō i te parautiꞌa, he kope hai ia te ꞌAtua i aŋa ai i te meꞌe taꞌatoꞌa: