Iovani 21:3 - Rapa Nui

³ I oho era he kī e Pētero: —ꞌĪ a au he oho he hoa i tāꞌaku kūpeŋa. He pāhono e tū nuꞌu era: —He oho takoꞌa atu a mātou. He eke-eke ia ananake ki ruŋa i te vaka he eꞌa he oho, ꞌe ꞌina e tahi meꞌe i ravaꞌa ꞌi rā pō.

Iovani 21:3 ပူးပေါင်းရင်းမြစ်များ

Ruka 5:5

He pāhono e Tīmona: —E te Maꞌori, i aŋa nō mai a mātou i te aŋa ena ꞌi ꞌaŋapō ka ꞌōtea rō ꞌe ꞌina e tahi ika i ravaꞌa mai. ꞌE, ꞌo te ai nō ꞌāꞌau i kī mai, ka haka topa haka ꞌou nei a mātou i te kūpeŋa.

Iovani 21:4

Ko hāhine ꞌana mo ꞌōtea, he māroa atu a Ietū ꞌi te taha-taha o tū kona vai era, ꞌe ꞌina kai aŋi-aŋi e rā nuꞌu hāpī era ꞌāꞌana ko ia ꞌō rā meꞌe.

Aŋa o te ꞌĀpōtoro 18:3

ꞌI te meꞌe era te aŋa ꞌa Pauro pa he aŋa ꞌā o rā nuꞌu, he aŋa karapā, he noho ꞌi muri mo aŋa ananake.

Aŋa o te ꞌĀpōtoro 20:34

A kōrua e ꞌite riva-riva rō ꞌana: hai rima mau nei ꞌā ōꞌoku e aŋa era mo ravaꞌa i te meꞌe mo mātou ko te nuꞌu o muri i a au.

1 Kōrinto 3:7

ꞌO ira, taꞌe ki te ŋā kope era o rāua i pī ꞌe pī-pī hai vai ana haꞌahana-hana, ki te ꞌAtua, kope era ꞌāꞌana i haka tupu ꞌe i haka nui-nui i rā meꞌe ꞌoka era.

1 Kōrinto 9:6

¿Pē nei hō te kī o kōrua: ko māua ko Verenāvē mau nō te meꞌe mo taꞌe hāꞌūꞌū mai e te nūnaꞌa taŋata ⌊haka moe i te manaꞌu⌋ ꞌi ruŋa i a Ietū?

1 Tētārōnika 2:9

E te taina, ko ꞌite ꞌana a kōrua pē hē mātou e aŋa era, ka pō ka ꞌōtea, mo ravaꞌa moni mo te mātou meꞌe hape hora era o mātou ꞌi muri i a kōrua, ꞌo ai mātou he meꞌe paŋahaꞌa e tahi mo ꞌamo e kōrua.