Iovani 21:16 - Rapa Nui

¹⁶ He ꞌui haka ꞌou e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He pāhono e Pētero: —Ko ꞌite ꞌā e koe, e Ietū ē, e haŋa rō atu ꞌana a au. He kī e Ietū: —E hāpaꞌo koe i tāꞌaku māmoe.

Iovani 21:16 ပူးပေါင်းရင်းမြစ်များ

Māteo 2:6

«ꞌE a koe, e Vērene ē, ka ai atu he kona ꞌiti-ꞌiti, e riro rō koe he kona hōnui o roto o te kona taꞌatoꞌa o Hūrea. Mai i a koe, paꞌi, ka eꞌa ena e tahi kope hōnui mo haka tere i tōꞌoku taŋata he itaraera».

Māteo 25:32

Te nuꞌu o te henua taꞌatoꞌa he taka-taka ꞌi muꞌa i a ia, ꞌe he haꞌataꞌa e ia e tahi e tahi pa he taŋata hāpaꞌo māmoe e haꞌataꞌa ꞌā i te vato-vato mai muri i te māmoe.

Māteo 26:72

I hōrea, i ꞌina haka ꞌou ai e Pētero: —¡Kai ꞌite a au ko ai te taŋata ena!

Ruka 19:10

Te ⌊Poki o te taŋata⌋, paꞌi, i oho mai ai mo kimi i te taŋata oho a te ara taꞌe tano mo haka huri i te manaꞌu ki te ꞌAtua, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa.

Iovani 18:17

He ꞌui e rā viꞌe ki a Pētero: —¿Taꞌe ꞌō koe takoꞌa o roto o te nuꞌu hāpī e te taŋata era? He pāhono e Pētero: —Ē, taꞌe a au o roto.

Iovani 18:25

ꞌĪ ia a Pētero ꞌi tū kona era ꞌā e haka mahana ꞌana ki te ahi. He ꞌui e te nuꞌu o rā kona: —¿Taꞌe ꞌō he kope hāpī takoꞌa koe o tū taŋata era? He kī e Pētero: —Ē, taꞌe ko au.

Iovani 21:17

He ꞌui haka ꞌou ia e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He oꞌo te māui-ui ꞌi roto i te māhatu o Pētero ꞌo te ꞌui haka ꞌou o Ietū i tū vānaŋa era, ꞌe he pāhono: —E Ietū, e ꞌite tahi rō ꞌana a koe i te meꞌe, ꞌe ko ꞌite takoꞌa ꞌana koe e haŋa rō atu ꞌana a au. He kī haka ꞌou e Ietū: —E hāpaꞌo koe i tāꞌaku māmoe.

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

ꞌEvereo 13:20

Mo te ꞌAtua vaꞌai i te haumārū, haka ora mai te mate i te tātou Pūꞌoko Haka Tere ko Ietū Kiritō, kope riva-riva hāpaꞌo māmoe, tāpaꞌo i te haka tere iŋa ꞌina he hopeꞌa raꞌa o te ꞌAtua ananake ko te taŋata hai toto era ōꞌona,

1 Pētero 2:25

ꞌI muꞌa ꞌā, paꞌi, e haꞌere era a tātou pa he māmoe ko ŋaro ꞌana, ꞌe, hora nei, ko hoki tahi ꞌana ki te Kiritō, kope hāpaꞌo mai i a tātou pa he taŋata hāpaꞌo māmoe.

1 Pētero 5:2

E te pūꞌoko haka tere, e hāpaꞌo riva-riva kōrua i te māmoe o te ꞌAtua haka hāpaꞌo atu ki a kōrua. ꞌE ana hāpaꞌo, hai māhatu, pa he meꞌe haŋa o te ꞌAtua, taꞌe ꞌō ꞌo te ai nō ꞌāꞌana i kī atu. E hāpaꞌo hai haŋa, taꞌe ꞌō hai pohe ki te moni.

Meꞌe Haka Takeꞌa 7:17

ꞌo te ai te Māmoe era ꞌi vāeŋa o te kona pepe ꞌariki era he hāpaꞌo i a rāua pa he taŋata hāpaꞌo māmoe e hāpaꞌo ꞌana i tāꞌana māmoe. Māꞌana e maꞌu ki te kona vai vaꞌai i te ora ꞌāpī ꞌina he hopeꞌa raꞌa, ꞌe mo te ꞌAtua e haroꞌi i te rāua matavai.