Iovani 20:9 - Rapa Nui

⁹ ka ai atu ꞌi muꞌa ꞌā ꞌina kai aŋi-aŋi i te meꞌe hāꞌaki ꞌi ruŋa i te ⌊Pāpaꞌi Moꞌa⌋ pē nei ē: e ora haka ꞌou rō a Ietū mai te mate.

Iovani 20:9 ပူးပေါင်းရင်းမြစ်များ

Māteo 22:29

He pāhono e Ietū: —¡Ko te hape i te kōrua manaꞌu pē nei ē: ꞌina he taŋata mate he ora haka ꞌou, he taꞌe ꞌite o kōrua i te meꞌe hāꞌaki o ruŋa i te ⌊Pāpaꞌi Moꞌa⌋ ꞌe i te roa o te pūai o te ꞌAtua!

Ruka 24:26

¿Taꞌe ꞌō ꞌi raꞌe te ŋā meꞌe taꞌatoꞌa ena ana topa ki a ia, ꞌe ꞌai ka vaꞌai iho e te ꞌAtua i te tōroꞌa he Pūꞌoko Haka Tere o te meꞌe taꞌatoꞌa?

Ruka 9:45

ꞌIna ia he aŋi-aŋi e rā nuꞌu i te auraꞌa o rā meꞌe kī era e Ietū, he taꞌe haka māꞌeha riva-riva e te ꞌAtua i te rāua manaꞌu, ꞌe he riꞌa-riꞌa takoꞌa mo ꞌui ki a Ietū i te haꞌaauraꞌa o rā vānaŋa.

Iovani 2:22

ꞌI te hora ia ko ora ꞌana a Ietū mai te mate, i topa iho ai te manaꞌu o tāꞌana nuꞌu hāpī ki tū vānaŋa era ꞌāꞌana ꞌe he ꞌite rā nuꞌu: te meꞌe hāꞌaki ꞌi ruŋa i te Pāpaꞌi Moꞌa ꞌe te meꞌe kī era e Ietū o ruŋa o tōꞌona ora iŋa mai te mate he parautiꞌa mau ꞌā.

Aŋa o te ꞌĀpōtoro 17:3

He haka aŋi-aŋi e Pauro i te meꞌe kī ꞌi ruŋa i te Pāpaꞌi Moꞌa pē nei ē: te Kiritō e mate rō ꞌe ki mate, e ora haka ꞌou rō. He kī: «Te Kiritō ko te Ietū nei e au e haka ꞌite atu ena».

Aŋa o te ꞌĀpōtoro 2:24

I oho era he haka ora e te ꞌAtua, he haka eꞌa mai te ꞌati o te mate i a Ietū; taꞌe, paꞌi, te mate mo rē ki a ia.

1 Kōrinto 15:4

he tanu ꞌe, ꞌi te toru mahana, he ora haka ꞌou mai te mate, pe he meꞌe hāꞌaki takoꞌa ꞌi ruŋa i te Pāpaꞌi Moꞌa;