Iovani 20:1 - Rapa Nui

¹ ꞌI te mahana raꞌe o te tāpati, mahana tāpati, ꞌi te pō era ꞌana kai ꞌōtea ꞌā, he oho a Māria Matarena ki te kona haka rē i te hakari o Ietū. He takeꞌa ko haka tapa ꞌā te māꞌea puru o rā kona.

Iovani 20:1 ပူးပေါင်းရင်းမြစ်များ

Māteo 27:56

ꞌI roto o rā ŋā viꞌe a Māria Matarena, a Māria, matuꞌa o ⌊Tanatiako⌋ ararua ko ⌊Kōsē⌋, ꞌe te matuꞌa vahine o te ŋā poki ꞌa Tevereo.

Māteo 27:60

I a ia e ai rō ꞌā e tahi kona ꞌāpī haka rē pāpaku, kona i haka ka-karo ꞌi te māꞌea pa he piha. He maꞌu ia e Kōsē i te hakari o Ietū he haka rē ꞌi roto. I puru era i rā kona hai māꞌea nui-nui taka-taka, he eꞌa he oho.

Māteo 27:64

ꞌO ira, ka uŋa koe ka haka ꞌauario i te kona haka rē era i te hakari o Ietū ꞌātā ka tano rō te toru mahana, ꞌo oho e tāꞌana nuꞌu hāpī ꞌo toke ꞌe ki oti he kī ki te nuꞌu ko ora ꞌā mai te mate. Mo topa pē ira, ꞌata hau rō atu te ꞌati o te reo-reo hopeꞌa nei ki te reo-reo raꞌe era.

Māteo 27:66

He oho ia ananake ki tū kona era, he tāpaꞌo i te māꞌea puru o rā kona mo ꞌite ana haka makenu, ꞌe he haka ꞌauario ki te vaꞌehau.

Māteo 28:1

I oti era tū ⌊mahana haka ora⌋ era, ꞌe i haꞌamata era te mahana raꞌe o te tāpati, he mahana tāpati, he oho a Māria Matarena ararua ko te rua Māria uꞌi i tū kona haka rē era i te hakari o Ietū.

Māteo 28:2

ꞌI rā hora he mākenu-kenu pūai te henua. He merahi e tahi o te ꞌAtua tū meꞌe era ko topa ꞌana mai te raŋi. He haka hāhine ki te kona haka rē i te hakari o Ietū, he kume i te māꞌea puru, ꞌe he eke he noho ꞌi ruŋa.

Marko 15:46

He oho ia a Kōsē he hoꞌo e tahi tāvana rino, he haka topa i te hakari o Ietū mai ruŋa i te tātaurō, ꞌe he viri hai rā tāvana. I oti era he maꞌu he haka rē ꞌi roto i te kona i ka-karo ꞌi te māꞌea pa he piha mo te pāpaku ꞌe ꞌai ka puru ꞌi rā kona hai māꞌea nui-nui taka-taka.

Marko 16:9

I ora era a Ietū mai te mate ꞌi te popohaŋa o te mahana raꞌe o te tāpati, he haka takeꞌa i a ia ꞌi raꞌe ki a Māria Matarena, he viꞌe mai roto i haka eꞌa ai e Ietū e hitu tātane.

Iovani 11:38

He haka hāhine ia a Ietū ki te kona era ꞌi ira te hakari o Rātaro koia ko haka ꞌaroha. Te kona nei he ꞌana e puru rō ꞌā hai māꞌea nui-nui e tahi.

Iovani 11:41

He ketu ia e te nuꞌu i rā māꞌea. He uꞌi a Ietū a te raŋi ꞌe he kī: «E Koro ōꞌoku ē, he māuru-uru atu a au ꞌo tuꞌu haka roŋo mai.

Iovani 19:25

ꞌI muri i te tātaurō o Ietū tōꞌona matuꞌa vahine, te taina vahine o tōꞌona matuꞌa vahine, te viꞌe ꞌa Kereofa ko ⌊Māria⌋, ꞌe a Māria Matarena.

Iovani 20:26

Ka vaꞌu mahana pe muꞌa, he taka-taka haka ꞌou te nuꞌu hāpī ꞌa Ietū ꞌi te hare e tahi. ꞌI rā mahana ꞌi muri i a rāua a Tōmā. E tāmaꞌu rō ꞌana te ꞌōpani o rā hare, he māroa atu a Ietū ꞌi vāeŋa o rā nuꞌu ꞌe he ꞌaroha: «Ka ai ꞌi ruŋa i a kōrua te haumārū o te ꞌAtua».

Aŋa o te ꞌĀpōtoro 20:7

ꞌI te mahana raꞌe o te tāpati, he mahana tāpati, he taka-taka a mātou mo kai i te haraoa, he meꞌe mo manaꞌu ki te mate iŋa o Ietū, ꞌe ko Pauro i noho i vānaŋa ki te nuꞌu haka moe i te manaꞌu ꞌi ruŋa i a Ietū. ꞌI te ai he oho ꞌi te rua mahana, he ꞌata haka roa-roa i tāꞌana vānaŋa ꞌātā ki te ꞌahuru mā piti o te pō.

1 Kōrinto 16:2

ꞌI te mahana tāpati taꞌatoꞌa, e haꞌataꞌa ꞌi te kōrua hare e tahi ꞌapa o te tara ai o kōrua ꞌe ꞌai ka hāpaꞌo rō, ki tuꞌu atu a au, ko haꞌataꞌa era ꞌā, ꞌo haka taka-taka iho kōrua ꞌi rā hora.

Meꞌe Haka Takeꞌa 1:10

ꞌI ira, ꞌi te mahana tāpati e tahi, mahana o te ꞌAtua, he haka moe vārua i a au e te ⌊Vārua Maitai⌋, ꞌe he ŋaroꞌa e au i te reꞌo pūai pa he koneta ꞌi tuꞌa i a au