Iovani 2:24 - Rapa Nui

²⁴ ꞌE, a Ietū ꞌina he vaꞌai i a ia ki te manaꞌu o rā nuꞌu ꞌo te ai ko ꞌite ꞌā pē hē te huru o te taŋata taꞌatoꞌa.

Iovani 2:24 ပူးပေါင်းရင်းမြစ်များ

Māteo 9:4

ꞌI te ꞌite o Ietū i te manaꞌu o rā nuꞌu, he ꞌui: «¿He aha kōrua e manaꞌu rake-rake ena?

Marko 2:8

ꞌI te ꞌite o Ietū i te manaꞌu o rā nuꞌu he ꞌui: «¿He aha e manaꞌu ena pē nā?

Iovani 1:42

He maꞌu ia e Antarea i a Tīmona ki tū kona era ꞌi ira a Ietū. I takeꞌa era e Ietū, he kī: «A koe ko Tīmona, poki ꞌa Iovani. Tuꞌu ꞌīŋoa ꞌi te hora nei ko Tefa (te auraꞌa, ko Pētero)».

Iovani 16:30

A mātou ko ꞌite ꞌana ꞌi te hora nei: a koe ko ꞌite tahi ꞌana i te meꞌe, ꞌātā ki te mātou meꞌe manaꞌu mo ꞌui atu. ꞌO ira he parautiꞌa mau ꞌā mo mātou: a koe mai te ꞌAtua i oho mai ai.

Iovani 21:17

He ꞌui haka ꞌou ia e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He oꞌo te māui-ui ꞌi roto i te māhatu o Pētero ꞌo te ꞌui haka ꞌou o Ietū i tū vānaŋa era, ꞌe he pāhono: —E Ietū, e ꞌite tahi rō ꞌana a koe i te meꞌe, ꞌe ko ꞌite takoꞌa ꞌana koe e haŋa rō atu ꞌana a au. He kī haka ꞌou e Ietū: —E hāpaꞌo koe i tāꞌaku māmoe.

Iovani 4:16

He kī e Ietū: —Ka oho ka uŋa mai taꞌu kenu.

Iovani 5:42

Ko ꞌite ꞌana, paꞌi, a au pē hē te kōrua huru ꞌe ko ꞌite takoꞌa ꞌana a au ꞌina kōrua he haŋa ki te ꞌAtua.

Iovani 6:15

ꞌE, ꞌi te ꞌite o Ietū ko haŋa ꞌana rā nuꞌu mo ꞌa-ꞌaru i a ia mo maꞌu mo haka ꞌariki, he eꞌa he iri ki ruŋa era o te maꞌuŋa hoko tahi nō.

Iovani 6:64

Ka ai atu pē ira, e ai nō ꞌana tētahi o kōrua ꞌina he haka moe i te manaꞌu ꞌi ruŋa i a au. Mai muꞌa ꞌā, paꞌi, a Ietū i ꞌite rō ai ko ai ko ai te meꞌe ka taꞌe haka moe era i te manaꞌu ꞌi ruŋa i a ia, ꞌe ko ai te kope ka hoꞌo era i a ia.

Aŋa o te ꞌĀpōtoro 1:24

He pure ia ananake: «E te ꞌAtua ē, ko koe i ꞌite i te huru o te māhatu o te taŋata taꞌatoꞌa. Ka haka ꞌite mai koe ko ai o roto o te ŋāŋata nei e rua i haŋa e koe

Aŋa o te ꞌĀpōtoro 15:8

Te ꞌAtua, meꞌe ꞌite i te huru o te māhatu o te taŋata, ko haka takeꞌa ꞌana, paꞌi, i tōꞌona haŋa ki a rāua hai vaꞌai i te ⌊Vārua Maitai⌋, pa he vaꞌai iŋa mai era ki a tātou.

ꞌEvereo 4:13

ꞌIna e tahi meꞌe o te meꞌe aŋa e te ꞌAtua mo taꞌe takeꞌa e ia; tōꞌona mata ꞌi ruŋa i te meꞌe taꞌatoꞌa, ꞌe ki a ia tātou ka kī ena i te tātou meꞌe i aŋa.