Iovani 2:23 - Rapa Nui

²³ ꞌI te hora o Ietū ꞌi Hērutarema mo te ŋoŋoro o te Pakate, nuꞌu rahi te nuꞌu i ⌊haka moe i te manaꞌu⌋ ꞌi ruŋa i a ia ꞌo te takeꞌa i te mana e aŋa era.

Iovani 2:23 ပူးပေါင်းရင်းမြစ်များ

Ruka 8:13

»Te kona papa ꞌōꞌone taꞌe rahi era he tētahi nuꞌu ŋaroꞌa i te roŋo riva-riva o te ꞌAtua toꞌo hai koa i rā roŋo ki roto i te rāua māhatu. Te ꞌati nō, he haka moe o rāua i te manaꞌu ꞌi ruŋa i rā roŋo mo te hora nō e tahi ꞌe, ꞌi te hora o te haka ꞌatu, he rehu, pa he taꞌe hio-hio iŋa ena o te aka ꞌi te kona ꞌōꞌone taꞌe rahi.

Iovani 11:45

Meꞌe rahi o tū nuꞌu hūrio oho era ꞌi muri i a kuā Māria, i takeꞌa era i tū meꞌe aŋa era e Ietū, he haka moe rō ꞌai i te manaꞌu ꞌi ruŋa i a ia.

Iovani 2:11

Te meꞌe aŋa nei e Ietū ꞌi Kānā o Karirea he mana raꞌe aŋa e ia. Pē ira i takeꞌa ai i tōꞌona nui-nui ꞌe he haka moe rō ꞌai tāꞌana nuꞌu hāpī i te manaꞌu ꞌi ruŋa i a ia.

Iovani 2:13

ꞌI te meꞌe era ko hāhine ꞌana te ⌊ŋoŋoro o te hūrio he Pakate⌋, he eꞌa he oho a Ietū ki Hērutarema.

Iovani 3:2

he oho ꞌi te pō e tahi uꞌi i a Ietū ꞌe he kī: —E te Maꞌori, ko ꞌite ꞌana a mātou o te ꞌAtua a koe i uŋa mai mo hāpī i te taŋata; ꞌina, paꞌi, e tahi kope aŋa i te mana aŋa e koe mo kore o te ꞌAtua o muri.

Iovani 4:45

I tuꞌu era ki Karirea, he koa e te nuꞌu o ira ꞌo te ai i oho takoꞌa rō a rāua ki Hērutarema mo te ⌊ŋoŋoro o te Pakate⌋ ꞌe ꞌi ira i takeꞌa ai i te meꞌe taꞌatoꞌa aŋa e Ietū.

Iovani 5:36

Ka ai atu pē ira, e ai rō ꞌana te meꞌe ꞌata hau o te nui-nui ki te meꞌe haka ꞌite atu e Iovani mo haka takeꞌa atu i te parautiꞌa o ruŋa ōꞌoku. ꞌE ko rā meꞌe tāꞌaku meꞌe aŋa, he meꞌe kī mai e te Matuꞌa mo aŋa ꞌe nei meꞌe he mataꞌite: he aŋi mau ꞌā ꞌāꞌana a au i uŋa mai.

Iovani 6:14

I takeꞌa era e te taŋata i tū mana aŋa era e Ietū he kī: «He aŋi mau ꞌana ꞌō ko te kope ena te perofeta era mo oho mai ki te ao nei».

Iovani 6:2

Nuꞌu rahi te nuꞌu i oho ꞌi muri ꞌo te takeꞌa i te mana aŋa e ia, he haka ora i te māui-ui.

Iovani 7:31

Ka ai atu pē ira, meꞌe rahi nuꞌu i haka moe i te manaꞌu ꞌi ruŋa i a ia, ꞌe e kī era: «Ka oho mai ena te Kiritō, ¿e aŋa rō hō i te meꞌe ꞌata hau rō atu ki te meꞌe aŋa e ia?».

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

1 Iovani 3:23

ꞌE te roŋo ꞌāꞌana: he haka moe i te tātou manaꞌu ꞌi ruŋa i tāꞌana Poki ko Ietū Kiritō ꞌe he haŋa a tātou ki te rua, pa he meꞌe haka ꞌite mai era e ia.