Iovani 2:22 - Rapa Nui

²² ꞌI te hora ia ko ora ꞌana a Ietū mai te mate, i topa iho ai te manaꞌu o tāꞌana nuꞌu hāpī ki tū vānaŋa era ꞌāꞌana ꞌe he ꞌite rā nuꞌu: te meꞌe hāꞌaki ꞌi ruŋa i te Pāpaꞌi Moꞌa ꞌe te meꞌe kī era e Ietū o ruŋa o tōꞌona ora iŋa mai te mate he parautiꞌa mau ꞌā.

Iovani 2:22 ပူးပေါင်းရင်းမြစ်များ

Ruka 24:26

¿Taꞌe ꞌō ꞌi raꞌe te ŋā meꞌe taꞌatoꞌa ena ana topa ki a ia, ꞌe ꞌai ka vaꞌai iho e te ꞌAtua i te tōroꞌa he Pūꞌoko Haka Tere o te meꞌe taꞌatoꞌa?

Ruka 24:44

I oti era he kī: «Te meꞌe topa mai nei he meꞌe ko haka ꞌite atu era ꞌā e au ꞌi muꞌa ꞌā pē nei ē: te meꞌe taꞌatoꞌa pāpaꞌi e Mōtē, e te perofeta ꞌe ꞌi ruŋa i te puka o te hīmene o ruŋa i a au e haka tano tahi rō».

Iovani 12:16

ꞌI rā hora, ꞌina kai aŋi-aŋi e tāꞌana nuꞌu hāpī i te auraꞌa o rā ŋā meꞌe. Ki ora haka ꞌou a Ietū mai te mate, ꞌe ki hoki ki te raŋi, i haka topa iho ai te manaꞌu: te meꞌe taꞌatoꞌa topa era ki a Ietū he meꞌe ko hāꞌaki era ꞌā ꞌi ruŋa i te Pāpaꞌi Moꞌa.

Iovani 14:26

ꞌE, ki oho mai te kope hāꞌūꞌū era, he Vārua Maitai uŋa mai e te Matuꞌa hai ꞌīŋoa ōꞌoku, he hāpī atu i te meꞌe taꞌatoꞌa ꞌe he haka manaꞌu tahi atu i tāꞌaku vānaŋa kī atu era.

Iovani 16:4

E haka ꞌite atu ena au i te meꞌe nei mo haka topa o te kōrua manaꞌu, hora ena ka topa atu ena rā meꞌe, ko kī atu era ꞌana e au. »Kai kī atu a au i te meꞌe nei ꞌi tū hora raꞌe era ꞌo te ai ꞌi muri i a kōrua ꞌana a au.

Iovani 2:11

Te meꞌe aŋa nei e Ietū ꞌi Kānā o Karirea he mana raꞌe aŋa e ia. Pē ira i takeꞌa ai i tōꞌona nui-nui ꞌe he haka moe rō ꞌai tāꞌana nuꞌu hāpī i te manaꞌu ꞌi ruŋa i a ia.

Iovani 2:17

He topa ia te manaꞌu o te nuꞌu hāpī ꞌāꞌana o ruŋa i te vānaŋa kī ꞌi ruŋa i te ⌊Pāpaꞌi Moꞌa⌋ pē nei ē: «Tōꞌoku haŋa mo te kona haꞌamuri atu pa he ahi hū ꞌi roto i tōꞌoku māhatu».

Iovani 2:2

ꞌI ira takoꞌa a Ietū ananake ko tāꞌana nuꞌu hāpī.

Aŋa o te ꞌĀpōtoro 11:16

He topa mai ia te manaꞌu ki tū meꞌe kī mai era e Ietū: “He aŋi mau ꞌā a ⌊Iovani⌋ e ⌊papatito⌋ era hai vai, ꞌe a kōrua he papatito e te ꞌAtua hai Vārua Maitai”.

Aŋa o te ꞌĀpōtoro 13:33

ꞌī ko haka tano ꞌā ꞌi te tātou taꞌu nei hai haka ora e ia i a Ietū mai te mate. ꞌI te puka o te hīmene ꞌi te rua hīmene i pāpaꞌi ai o ruŋa i te meꞌe nei pē nei ē: “A koe he poki ꞌāꞌaku; ꞌe ꞌi te hora nei ko haka ꞌite mau ꞌā e au ko au tuꞌu Matuꞌa”.