I oti era te meꞌe nei he eꞌa he oho a Ietū ki Kaperenāū koia ko tōꞌona matuꞌa vahine, ko tōꞌona ŋā poki taina ꞌe ko tāꞌana nuꞌu hāpī. ꞌIna kai rahi te rāua mahana i noho ai ꞌi ira.
He topa ia te manaꞌu o te nuꞌu hāpī ꞌāꞌana o ruŋa i te vānaŋa kī ꞌi ruŋa i te ⌊Pāpaꞌi Moꞌa⌋ pē nei ē: «Tōꞌoku haŋa mo te kona haꞌamuri atu pa he ahi hū ꞌi roto i tōꞌoku māhatu».
ꞌI te hora ia ko ora ꞌana a Ietū mai te mate, i topa iho ai te manaꞌu o tāꞌana nuꞌu hāpī ki tū vānaŋa era ꞌāꞌana ꞌe he ꞌite rā nuꞌu: te meꞌe hāꞌaki ꞌi ruŋa i te Pāpaꞌi Moꞌa ꞌe te meꞌe kī era e Ietū o ruŋa o tōꞌona ora iŋa mai te mate he parautiꞌa mau ꞌā.
A Ietū i kī ai i te meꞌe nei mo Hura, poki ꞌa Tīmona Ikariote ꞌo te ai pe muꞌa ka oho era he hoꞌo e Hura i a Ietū, ka ai atu a Hura o roto i te hoꞌe ꞌahuru mā piti nuꞌu hāpī ꞌa Ietū.
he kī e tōꞌona ŋā poki taina: —ꞌIna koe ko noho mai ꞌi nei. Ka eꞌa koe ka oho ki Hūrea mo takeꞌa takoꞌa e te nuꞌu o ira haka moe i te manaꞌu ꞌi ruŋa i a koe i taꞌa meꞌe aŋa.
I ravaꞌa era he hoki ararua ki Antiokia. ꞌI ira i noho ai e tahi matahiti ꞌi muri i te nuꞌu haka moe i te manaꞌu ꞌi ruŋa i a Ietū e hāpī ꞌana meꞌe rahi nō atu nuꞌu. ꞌE, ꞌi ira ꞌi Antiokia, i nape iho ai i te nuꞌu hāpī ꞌa Ietū he ⌊kiritiano⌋.
Te viꞌe hāipo-ipo o tāꞌana kenu ꞌi te hora e ora nō ꞌā. ꞌE, mo mate o rā kenu, e tano nō rā viꞌe mo hāipo-ipo haka ꞌou. Te meꞌe nō, e hāipo-ipo ki te taŋata haka moe takoꞌa i tōꞌona manaꞌu ꞌi ruŋa i a Ietū.
Te ⌊hāipo-ipo⌋ he meꞌe mo moꞌa e te taꞌatoꞌa. Te nuꞌu hāipo-ipo e ꞌite mo moꞌa i te rāua hāipo-ipo ꞌe mo hāpaꞌo i te rāua hakari mo rāua ꞌā. Te ꞌAtua, paꞌi, e haka ūtuꞌa rō i te nuꞌu moe i te viꞌe i te taŋata taꞌe he viꞌe taꞌe he kenu ꞌāꞌana ꞌe i te nuꞌu taiꞌata.
