Iovani 2:18 - Rapa Nui

¹⁸ He kī e te nuꞌu hūrio ra-rahi: —Ka aŋa mai koe e tahi mana, ki ꞌite ai mātou i a koe ꞌō te parau mo aŋa i te ŋā meꞌe ena.

Iovani 2:18 ပူးပေါင်းရင်းမြစ်များ

Māteo 21:23

I oti era te meꞌe nei, he uru a Ietū ki roto i te Kona Haꞌamuri ꞌAtua. E hāpī nō ꞌana ꞌi roto, he haka hāhine te nuꞌu oromatuꞌa ra-rahi ꞌe te nuꞌu pūꞌoko haka tere hūrio ꞌe he ꞌui: —¿ꞌA ꞌai i vaꞌai atu i te parau mo aŋa ōꞌou i te ŋā meꞌe ena e koe e aŋa ena?

Marko 8:11

He tuꞌu ia te nuꞌu fariseo ki te kona ꞌi ira a kuā Ietū he haꞌamata he haka tātake ki a ia. ꞌI te haŋa mo ravaꞌa i te reo-reo o Ietū pē nei ē: o te ꞌAtua a ia i uŋa mai, he kī mo aŋa e tahi mana.

Ruka 11:29

Ko ꞌata rahi ꞌana te nuꞌu e taka-taka e oho era. He haꞌamata haka ꞌou ia a Ietū he kī: «Te taŋata o te hora nei taŋata manaꞌu taꞌe tano. E haŋa ꞌana mo aŋa ōꞌoku i te mana, ꞌe, te meꞌe mau nō mo takeꞌa e rāua he tāpaꞌo tuꞌu pa he meꞌe topa ki te perofeta era ko ⌊Hōnā⌋.

Iovani 1:19

He vānaŋa nei ꞌa Iovani ꞌi te hora uŋa e te nuꞌu hōnui ⌊hūrio⌋ i te ⌊oromatuꞌa⌋ ꞌe i te ⌊rēvita⌋ mai Hērutarema mo ꞌite ko ai mau a Iovani. He ꞌui e rā nuꞌu: —¿He Kiritō rō koe?

Iovani 1:25

He ꞌui e rā nuꞌu: —Mo ai ia taꞌe koe he Kiritō, taꞌe koe ko ꞌĒria, ꞌe taꞌe takoꞌa koe he perofeta, ¿he aha ia koe e ⌊papatito⌋ ena?

Iovani 6:30

He kī e rā nuꞌu: —Mo aŋa mai ōꞌou e tahi mana mo takeꞌa e mātou, he haka moe atu mātou i te manaꞌu ꞌi ruŋa i a koe. ¿He aha taꞌa mana ka aŋa mai ena?

Aŋa o te ꞌĀpōtoro 4:7

He uŋa mo maꞌu i a Pētero ararua ko Iovani ki muꞌa o rāua ꞌe he ꞌui: —¿Hai ꞌīŋoa ꞌe hai mana o ꞌai a kōrua i aŋa ai i te meꞌe ena?

Aŋa o te ꞌĀpōtoro 5:28

—Ko kī atu ꞌana a mātou mo taꞌe hāpī haka ꞌou o kōrua e tahi meꞌe o ruŋa i te taŋata era ko Ietū. ꞌE, ¿he aha te kōrua meꞌe i aŋa? He ꞌata haka ꞌite he oho o ruŋa i a ia ki te taŋata taꞌatoꞌa ꞌi nei ꞌi Hērutarema, ꞌe ko haŋa takoꞌa ꞌana a kōrua mo tuhi mai i tōꞌona mate ki a mātou.